<p><span style="color: #000000;"><strong>(ព្រះវិហារ)៖</strong> មន្រ្តីសាលាខេត្តព្រះវិហារ បានឲ្យដឹងថា រសៀលថ្ងៃទី២២ ខែមីនា ឆ្នាំ២០១៦នេះ មានជនអាណាធិបតេយ្យមួយក្រុម ដឹកនាំដោយឈ្មោះ គិន ចន្ថា ឈ្មោះ កែវ ណេ ឈ្មោះ ផាន់ ធឿន និងឈ្មោះ សាត ញ៉េប បានដឹកនាំប្រជាជនស្លូតត្រង់ ដែលជឿលើការញុះញង់របស់ខ្លួន ដោយកុហកថា មានការសម្រេចពីរាជរដ្ឋាភិបាល និងសម្តេចក្រឡាហោម ស ខេង រួមទាំងមានការគាំទ្រពីរដ្ឋសភា ឲ្យប្រជាជនវិលទៅកាន់កាប់ តំបន់បេតិកភណ្ឌចំណុចស្វាយជ្រុំ។</span></p>
<p><span style="color: #000000;">ក្រុមមេខ្យល់ និងប្រជាជនស្លូតត្រង់ប្រមាណ៨០នាក់ ដែលជឿលើការញុះញង់នោះ ត្រូវបានទប់ស្កាត់ដោយ អាជ្ញាធរខេត្តព្រះវិហារ អាជ្ញាធរជាតិប្រាសាទព្រះវិហារ និងកម្លាំងមានសមត្ថកិច្ចជាច្រើននាក់ផ្សេងទៀត។</span></p>
<p><span style="color: #000000;">មន្រ្តីសាលាខេត្តព្រះវិហារ បានប្រាប់អង្គភាពព័ត៌មាន Fresh News នៅយប់ថ្ងៃទី២២ ខែមីនា ឆ្នាំ២០១៦នេះថា<strong>«ក្រោយពីការបរាជ័យ ក្នុងការចូលដណ្តើមកាន់កាប់ដី ដោយខុសច្បាប់នៅវេលាម៉ោងប្រមាណ៥ល្ងាចនេះ មេខ្លោង និងប្រជាជនត្រូវបានលោកអភិបាលស្រុក និងមេឃុំស្រឯម អញ្ជើញឲ្យសំរាកនៅវត្តស្រឯម»។</strong></span></p>
<p><span style="color: #000000;">ប្រជាជនដែលជឿការញុះញង់ បានលួចផ្តល់ព័ត៌មានថា មេខ្លោងពួកគេនឹងព្យាយាមចូលដណ្តើមកាន់កាប់ម្តងទៀត ដីតំបន់អភិរក្សនៅថ្ងៃស្អែកទៀត។</span></p>
<p><span style="color: #000000;">បច្ចុប្បន្នអាជ្ញាធរមានសមត្ថកិច្ច កំពុងពិនិត្យស្ថានការណ៍ ដោយយកចិត្តទុកដាក់បំផុត ព្រមទាំងបានទទួលអនុសាសន៍ ណែនាំរួចហើយពី សម្តេចក្រឡាហោម ស ខេង ថា លិខិតដែលពួកមេខ្លោងប្រើប្រាស់ ដើម្បីភូតកុហក គឺជាលិខិតរដ្ឋបាល ដែលត្រូវតែអនុវត្តតាមច្បាប់ ជាធរមានដើម្បីការពារតំបន់បេតិកភណ្ឌប្រាសាទព្រះវិហារ៕</span></p>
<p><span style="color: #000000;"><img src="https://scontent-sit4-1.xx.fbcdn.net/hphotos-xat1/v/t1.0-9/524860_1574736352840730_8305746444183169224_n.jpg?oh=37e29e2f8e4ebb88d23e5f652210c689&oe=5750A321" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/hphotos-xft1/v/t1.0-9/12814357_1574736362840729_4728550368639334690_n.jpg?oh=01d46696d56ce28bbbb151ccf773a2fe&oe=578738EE" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/hphotos-xpa1/v/t1.0-9/1384231_1574736349507397_1558455043087443786_n.jpg?oh=82cc03696d2bc88abd83e27c72e1bcd6&oe=578134FE" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>