<p><span style="color: #000000;"><strong>ភ្នំពេញ៖</strong> តារាសម្តែង និងចម្រៀងកញ្ញា កាកា មួយរយៈពេលនេះ បើមើលពីទីផ្សារចម្រៀង និងសម្តែង របស់នាងក្នុងស្រុក ហាក់កំពុងមានសន្ទុះ កើតឡើងគួរឲ្យកត់សម្គាល់ ខណៈតារា ប្រុស-ស្រី រលកថ្មីឯទៀត នៅមិនទាន់មានទីផ្សារ ចម្រៀង និងសម្តែងច្រើនដូច នាងនៅឡើយ ។</span></p>
<p><span style="color: #000000;">ស្របពេលសន្ទុះ នៃការគាំទ្រ និងប្រជាប្រិយភាព កំពុងតែហក់ឡើង ទៅមុខក្នុងទីផ្សារសិល្បៈ តារាចម្រៀង និងសម្តែងវ័យក្មេង កញ្ញា កាកា ក៏ស្រាប់តែធ្លាយដំណឹងមកថា នាងបាន ចុះកិច្ច សន្យា ស្ងាត់ៗ ច្រៀងឲផលិតកម្ម Daimond Music ហើយបច្ចុប្បន្នខាងផលិតកម្ម ក៏កំពុងតែ ត្រៀមចេញ បទចម្រៀង ជាច្រើនបទក្នុង CD វ៉ុលថ្មីក្នុងពេលឆាប់ៗនេះ ទៀតផង ។</span></p>
<p><span style="color: #000000;">ផ្អែកតាមប្រភពច្បាស់ការ និយាយក្នុងលក្ខខណ្ឌ សុំមិនបញ្ចេញឈ្មោះ បានប្រាប់គេហទំព័រ LookingTODAY ថា តារាសម្តែង និង ចម្រៀងរលកថ្មី កញ្ញា កាកា កាលពីថ្មីៗនេះ នាងបាន សម្រេចចិត្ត ចុះកិច្ចសន្យា ចូលច្រៀងឲ្យផលិតកម្មថ្មី មួយគឺ Daimond Music ។ ប៉ុន្តែដំណឹងនេះ ត្រូវខាងផលិតកម្ម Diamond Music មិនប្រកាស បើកចំហ ដោយសារតែរង់ចាំតារាចម្រៀង របស់ខ្លួនរូបនេះ ចេញបទចម្រៀង លក់នៅលើទីផ្សារ ជាមុនសិន ទើបបញ្ចេញព័ត៌មាន ជាក្រោយ។</span></p>
<p><span style="color: #000000;">ប្រាប់គេហទំព័រ LookingTODAY តាមទូរស័ព្ទ នារសៀលថ្ងៃទី២៨ ខែកក្កដា ឆ្នាំ២០១៤នេះ តារា សម្តែង សម្តីផ្អែមមានមន្តស្នេហ៍ កញ្ញា កាកា បានឲ្យដឹងថា "ចាស បង ! ខ្ញុំពិតជាបាន ចុះកុង ត្រា(កិច្ចសន្យា) រយៈពេល៥ ឆ្នាំ ចូលច្រៀង ក្នុងផលិតកម្ម Daimond Music ពិតមែន។ ខ្ញុំបានចុះ កុងត្រា ជាមួយខាងផលិតកម្ម រយៈពេ លជា២ខែមកហើយ បើគិតមកដល់ពេលនេះ..!" ។</span></p>
<p><span style="color: #000000;">កាកា និយាយបន្តថា បច្ចុប្បន្នបទចម្រៀង របស់នាង១បទ ក្នុងCD របស់ផលិតកម្ម Daimond ត្រៀមចេញលក់លើទីផ្សារហើយ ។ បើតាមគម្រោង អាចនឹងចរាចរលក់ លើទីផ្សារក្នុងអំទ្បុង ដើមខែសីហា ខាងមុខនេះ តែនាងមិនបានបញ្ជាក់ ប្រាប់ពីចំណងជើង នៃបទចម្រៀង នៅ ទ្បើយទេ ទុក ឲ្យទស្សនិកជន អ្នកគាំទ្ររង់ចាំអ៊ុតមើល ខ្លួនឯងផ្ទាល់។</span></p>
<p><span style="color: #000000;">តារាសម្តែង និង ចម្រៀងកញ្ញា កាកា បានបន្ថែមថា ឥទ្បូវខាងផលិតកម្ម កំពុងសម្រុកទម្លាក់ បទចម្រៀងថ្មីៗ ច្រើនបទមកឲ្យនាងដើម្បីច្រៀង។ ទន្ទឹមនឹងគ្នានេះ កញ្ញា កាកា ក៏បានដាក់ក្តី សង្ឃឹមថា បន្ទាប់ពីនាងមានបទចម្រៀង ចេញលក់លើទីផ្សារហើយនោះ អាចនឹងមានការគាំទ្រ ពីសំណាក់មហាជន ក៏ដូចជាស្រទាប់មិត្តយុវវ័យ ៕</span></p>
<p><span style="color: #000000;"><img style="font-size: 12px;" src="http://image.lookingtoday.com:81/lookingtoday/looking-images/news/2014/July/id-140/hour-639.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/July/id-140/hour-640.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/July/id-140/hour-641.jpg" alt="" width="500" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធិ ៖ ដើមអំពិល</span></p>