<div class="article-content">
<p>បាត់ដំបងៈ បុរស់ម្នាក់បានខ្ចី ម៉ូតូមិត្តភក្តិជិះរួចយកបញ្ចាំ លេងល្បែង ចាញ់អស់ ត្រូវម្ចាស់ប្តឹង <br />នគរបាលឲ្យចាប់ខ្លួន កាលពីវេលាម៉ោង១៤និង៥០នាទីថ្ងៃទី៣០ ខែតុលា ឆ្នាំ២០១៣ នៅ<br />ចំណុចផ្ទះជួល ក្នុងភូមិអូរខ្ជាយ សង្កាត់ព្រែក ព្រះស្តេច ក្រុងបាត់ដំបង ឯបុរស់ម្នាក់ទៀត <br />ខ្ចីម៉ូតូគេមិនឲ្យលួចយកម៉ូតូគេ ជិះមិនបានប្រាប់ ត្រូវម្ចាស់ប្តឹងនគរបាល ឲ្យចាប់ខ្លួន កាល<br />ពីវេលា ម៉ោង១៥និង៣០នាទី ថ្ងៃទី៣០ខែតុលា ឆ្នាំ២០១៣ នៅចំណុចចុងស្ពានថ្មចាស់ ក្នុង<br /> ភូមិឡឥដ្ឋ សង្កាត់ព្រែកព្រះស្តេច ក្រុងបាត់ដំបង ។</p>
<p>លោកវរសេនីយ៍ទោ មៀន ឡាយ នាយការិយាល័យ ព្រហ្មទណ្ឌកម្រិតស្រាល បានឲ្យដឹង<br />ថា ក្រោយពី បានទទួល ដំណឹងថា មានករណីលួចម៉ូតូនៅ២កន្លែង ផ្សេងគ្នាភ្លាម លោកបាន<br />ចាត់កម្លាំង ឲ្យចុះស្រាវជ្រាវ និងធ្វើការឃាត់ខ្លួន បានជាបន្តបន្ទាប់៖លើកទី១ កាលពីវេលា<br />ម៉ោង១៤និង៥០នាទីថ្ងៃទី៣០ ខែតុលា ឆ្នាំ២០១៣ នៅចំណុចផ្ទះជួល ក្នុងភូមិអូរខ្ជាយសង្កាត់<br />ព្រែកព្រះស្តេច ក្រុងបាត់ដំបង កម្លាំងយើងបានឃាត់ខ្លួនជនសង្ស័យឈ្មោះ ឡុង មុន្នី ហៅ <br />សោម មួយហៀង ភេទប្រុសអាយុ២២ឆ្នាំ មុខរបរនិងទីលំនៅមិនពិតប្រាកដ ដែលបានខ្ចីម៉ូតូ<br />១គ្រឿងម៉ាកវ៉េវ សេ១២៥ ពណ៌ស ស៊េរីឆ្នាំ២០០៧ ពាក់ស្លាកលេខ កណ្តាល 1S 2860 ពីមិត្ត<br />ភក្តិ ឈ្មោះឈៀង លីហៀង ភេទប្រុស អាយុ២១ឆ្នាំ ដោយកុហក់ថា យកទៅទារលុយគេ <br />នៅស្រុកសំពៅលូន តាំងពីថ្ងៃទី២៧ ខែតុលាមក រួចបាននិយាយម្ចាស់ម៉ូតូថា ម៉ូតូដែលខ្លួន<br />ខ្ចីនេះ ត្រូវចោរប្លន់នៅម្តុំស្រែ១០០បាត់ ទៅហើយ តែដោយម្ចាស់មិន ទុកចិត្តក៏ បានប្តឹងនគរ<br />បាលឲ្យជួយអន្តរាគមន៍ ។ បន្ទាប់ពីបានទទួលពាក្យ បណ្តឹងហើយ កម្លាំងជំនាញបានស្រាវ<br />ជ្រាវ ចាប់ ខ្លួនជនសង្ស័យបានទើបដឹងថា ជនសង្ស័យបានយក ទៅបញ្ចាំឲ្យឈ្មោះ វិត <br />នៅវង់អាប៉ោង នៅចំណុចគុម្ពចេក ក្នុងភូមិដំណាក់ហ្លួង សង្កាត់វត្តគរបានចំនួន<br />២.៥០០.០០០រៀល ពេលបានលុយហើយ យកមកស៊ីផឹកជាមួយ ស្រីស្នេហ៍ និងលេង<br />ល្បែងចាញ់អស់តែម្តង។</p>
<p>លើកទី២ កម្លាំងយើងបានឃាត់ខ្លួន ជនសង្ស័យឈ្មោះ សុច សុថុល ភេទប្រុស អាយុ៣២<br />ឆ្នាំ រស់នៅភូមិនាង លេមឃុំស្តៅ ស្រុករតនៈមណ្ឌល ឃាត់ខ្លួនបានកាលពីវេលា ម៉ោង១៥<br />និង៣០នាទី ថ្ងៃទី៣០ ខែតុលា ឆ្នាំ២០១៣ នៅចំណុចចុងស្ពានថ្មចាស់ ក្នុងភូមិឡឥដ្ឋ <br />សង្កាត់ព្រែកព្រះស្តេច ក្រុងបាត់ដំបង បានលួចយកម៉ូតូ១គ្រឿង ម៉ាកហុងដាឌ្រីម សេ<br />១២៥ស៊ើរីឆ្នាំ២០០៨ ពាក់ស្លាលេខ បាត់ដំបង 1D-5362 របស់ជនរងគ្រោះឈ្មោះ ឌុល <br />ចាន់ឌី ភេទប្រុសអាយុ២៧ឆ្នាំរស់នៅភូមិអណ្តើកហែបឃុំស្តៅស្រុករតនៈមណ្ឌល កាល<br />ពីវេលាម៉ោង១២ថ្ងៃទី៣០ខែតុលា ពីចំណុចភូមិអូរបារាំងឃុំរស្មីសង្ហា ស្រុករតនៈមណ្ឌល<br /> ដោយមិនបានប្រាប់ម្ចាស់ទេ ហើយជិះសំដៅមកបាត់ ដំបងបាត់ ។ ក្រោយមកម្ចាស់បាន<br />ប្តឹងសមត្ថកិច្ច រហូតឈានដល់ធ្វើការឃាត់ខ្លួន នាំយកមកការិយាល័យ ជំនាញ ដើម្បី<br />សាកសួរ ជនសង្ស័យបានឆ្លើយសារភាពថា ខ្លួនគ្រាន់តែធ្លាប់ស្គាល់ម្ចាស់ មកធ្វើស្រែ<br />នៅភូមិជិតគ្នា ហើយខ្ចីម៉ូតូ គេ ជិះគេមិនឲ្យក៏លួចយកម៉ូតូហើយជិះសំដៅមកបាត់ដំបង<br />តែម្តង លុះដល់ពេលល្ងាចក៏ត្រូវសមត្ថកិច្ច ឃាត់ខ្លួនបានតែម្តង។</p>
<p>បច្ចុប្បន្នជនសង្ស័យទាំង២នាក់ ត្រូវបានមន្រ្តីការិយាល័យជំនាញ កសាងសំណុំរឿង<br />បញ្ជូនខ្លួន ទៅតុលាការ ខេត្តនៅរសៀលថ្ងៃទី៣១ ខែតុលានេះ ដើម្បីចាត់ការបន្តតាម<br />ច្បាប់។ ចំណែកម៉ូតូដែលរឹបអូសបានទាំង២កន្លែង សមត្ថកិច្ចបានប្រគល់ឲ្យទៅ ជនរង<br />គ្រោះវិញរួចរាល់ហើយ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-011/Hong-0715.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-011/Hong-0714.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>