<p><span style="color: #000000;"><strong>(បរទេស)៖</strong> ស្ទើរតែមិនចង់ជឿថា ស្ត្រីម្នាក់រស់នៅរដ្ឋ Jersey ដែលបានបាត់ទូរស័ព្ទ iPhone ទៅក្នុងទឹកសមុទ្រ រយៈពេល មួយខែទៅហើយ បែរជារកវាឃើញវិញ ហើយមិនខូច គឺនៅប្រើបានទៀតផង។</span></p>
<p><span style="color: #000000;">Stacey Sarre អាយុ៤៧ឆ្នាំនិយាយថា នាងមិនគិតថា នឹងបាន iPhone មកវិញទេ ក្រោយពីវារអិលធ្លាក់ចូលទឹកសមុទ្រ ខណៈដែលនាងបណ្តើរឆ្កែចិញ្ចឹម ដើរកំសាន្តក្បែរឆ្នេរ តែក្រោយពីបាត់ប្រមាណជាមួយសប្តាហ៍ ក៏មានបុរសម្នាក់ឈ្មោះ Mihal Stratulat ជាអ្នករុករកឃើញវា កប់ក្នុងខ្សាច់ រួចយកមកសម្ងួត និងយកទៅដាក់ក្នុងជម្រុកស្រូវពីរបីថ្ងៃ ទើបចុចបើក។</span></p>
<p><span style="color: #000000;">ពិតជាស្មានមិនដល់ថា ទូរស័ព្ទ នេះអាចបើកដំណើរការបានឡើងវិញ ទើប Stratulat ទាក់ទងទៅម្ចាស់ឲ្យ មកទទួលយកទូរស័ព្ទហើយ Stacey ក៏បានមកយកទូរស័ព្ទ iPhone វិញ ដោយសាកចុចវាមើលមិនបាត់រូបថត ចម្រៀង ឬលេខទូរស័ព្ទឡើយ គឺវានៅតែអាចប្រើល្អដូចដើម។ Stacey និយាយថា ទូរស័ព្ទមួយនេះ ក៏ធ្លាប់ធ្លាក់ចូលបង្គន់ម្តងដែរ នៅឯព្រលានយន្តហោះ Crete តែសំណាងល្អវាមិនខូច៕</span></p>
<p><span style="color: #000000;"><a class="thickbox" title="" href="/FileManager/Commons/2016/8/5/23c-05-08-2016--10-24-21.jpg"><img src="/FileManager/Articles/mce/2016/8/5/23c-05-08-2016--10-24-21.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>