<p><span style="color: #000000;"><strong>(កូរ៉េខាងត្បូង)៖</strong> Park Bom តារាចម្រៀងស្រីម្នាក់ ក្នុងក្រុម 2NE1 របស់ YG Entertainment បានបង្ហាញនៅលើ Instagram មួយ ដោយចង់បញ្ជាក់ថា 2NE1 អាចនឹងត្រឡប់មកជាថ្មី ជាមួយនឹងសមាជិក ដែលមានគ្នាបីនាក់ប៉ុណ្ណោះ ដែលត្រូវបានហៅថា XXL (តួលេខរ៉ូម៉ាំង)។</span></p>
<p><span style="color: #000000;">ក្រោយពីឃើញបែបនេះ ក្រុមអ្នកគាំទ្របានស៊ែរដំណឹងនេះភ្លាម នៅលើបណ្តាញសង្គម ដែលគេចង់ដឹងថា 2NE1 ពិតជាបង្កើតក្រុមថ្ មីដែលមានសមាជិកតារាចម្រៀងតែបីនាក់វិញឬយ៉ាងណា តែគេមិនអាចទាក់ទង ខាង YG Entertainment ដើម្បីបំភ្លឺរឿងនេះបានឡើយ។</span></p>
<p><span style="color: #000000;">អ្នកខ្លះយល់ថា ហេតុផលដែល 2NE1 ត្រូវរំសាយ ព្រោះតែ YG Entertainment ចង់ឲ្យអ្នកគាំទ្រ និងសមាជិករបស់ 2NE1 ចាប់ផ្តើមបរិយាកាសថ្មី បន្ទាប់ពីការចាកចេញរបស់ Minzy ព្រោះក្រុមថ្មីនេះមានតែ CL, Dara និង Park Bom ប៉ុន្តែមិនទាន់មានការបំភ្លឺណាមួយ ចេញពីខាងផលិតកម្មនៅឡើយទេ ដែលនេះគ្រាន់តែជាដំណឹងចចាមអារ៉ាមប៉ុណ្ណោះ។</span></p>
<p><span style="color: #000000;">បន្ទាប់ពីឃើញរូបភាពជាច្រើន ដែល Park Bom ស៊ែរ ធ្វើឲ្យអ្នកគាំទ្រ នៅតែមានចម្ងល់ចង់ដឹងថា ដំណឹងចចាមអារ៉ាមនេះជាការពិតឬយ៉ាងណា ដោយម្នាក់ៗកំពុងរង់ចាំការបកស្រាយពីខាង YG Entertainment ។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/12/8/10b-08-12-2016--09-25-10.jpg"><img src="/FileManager/Articles/mce/2016/12/8/10b-08-12-2016--09-25-10.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>