<p><span style="color: #000000;"><strong>(កំពត)៖</strong> ស្នងការនគរបាលខេត្តកំពត លោកឧត្តមសេនីយ៍ត្រី ម៉ៅ ច័ន្ទមធុរិទ្ធ នៅព្រឹកថ្ងៃទី២៧ ខែកក្កដា ឆ្នាំ២០១៦នេះ បាននាំយកអំណោយ ជាគ្រឿងបរិភោគ និងថវិការបស់ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា និងសម្តេចកិត្តិព្រឹទ្ធបណ្ឌិត ប្រធានកាកបាទក្រហម យកទៅប្រគល់ជូនស្រ្តីមេម៉ាយ កើតជម្ងឺមហារីកដោះ ដែលកំពុងមានកូនទើបតែ២ខែ។</span></p>
<p><span style="color: #000000;">ស្រ្តីរងគ្រោះរូបនេះមានឈ្មោះនួច សុភា ស ២០ឆ្នាំ និងទារកអាយុ២ខែរស់នៅភូមិស្រង៉ែ ឃុំបឹងនិមល ស្រុកឈូក ខេត្តកំពត។</span></p>
<p><span style="color: #000000;">លោកឧត្តមសេនីយ៍ស្នងការ បានបញ្ជាក់ថា កាលពីម្សិលមិញ លោកបានឃើញព័ត៌មាននេះ ត្រូវគេបង្ហោះតាមបណ្តាញសង្គម Facebook នូវការលំបាក ទើបនៅព្រឹកនេះ លោកបានដឹកនាំក្រុមការងារ យកអំណោយជាគ្រឿងបរិភោគ ថវិកាសម្តេចតេជោ ៤០ម៉ឺនរៀល ថវិកាសម្តេចកិត្តិព្រឹទ្ធបណ្ឌិត៤០ម៉ឺនរៀល និងថវិកាកាកបាទក្រហមខេត្តចំនួន១០ម៉ឺនរៀលផងដែរ មកប្រគល់ជូនដល់ផ្ទះ ។</span></p>
<p><span style="color: #000000;">បើតាមលោកស្នងការ សម្រាប់ស្រ្តីរងគ្រោះរូបនេះ ត្រូវបានសម្តេចកិត្តិព្រឹទ្ធបណ្ឌិត ចាត់ចែងឲ្យដឹកយកទៅព្យាបាលនៅមន្ទីរពេទ្យ ហើយក្រុមការរបស់លោក បានយករថយន្តសង្គ្រោះមកដល់ផ្ទះ ដឹកស្រ្តីរងគ្រោះទៅកាន់មន្ទីរសុខយ៉ាខៀល នៅក្បែរជើងភ្នំបូកគោនៅព្រឹកថ្ងៃនេះផងដែរ។</span></p>
<p><span style="color: #000000;">ជាមួយគ្នានេះ ពេលយកអំណោយជូនស្រ្តីរងគ្រោះខាងលើ លោកស្នងការ ក៏បានឃើញស្រ្តីម្នាក់ទៀត មានជម្ងឺទាចទឹកនៅក្នុងភូមិម្នាក់ទៀតមាន ឈ្មោះភោគ សាម៉េត ស អាយុ៣៨ឆ្នាំ។ ទើបលោកស្នងការ បានប្រគល់ថវិកា ចំនួន៨០ម៉ឺនរៀល របស់សម្តេចតេជោ ទៅស្រ្តីរូបនេះ ដើម្បីកាត់បន្ថយការលំបាក បានមួយគ្រាទៀត៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-27-11-31-23-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-27-11-31-23-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-27-11-31-23-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-27-11-31-23-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-27-11-31-23-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-27-11-31-23-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-27-11-31-24-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-27-11-31-24-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-27-11-31-24-9.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-27-11-31-24-10.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-27-11-31-23-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>