<p><span style="color: #000000;"><strong>(ភ្នំពេញ)៖</strong> ពិតជារឿងមួយ គួរឲ្យរំភើបជំនួសសាមីខ្លួនទាំងពីរ ខណៈដែលពិធីការិនីដ៏លេចធ្លោ ក្នុងស្ថានីយទូរទស្សន៍ បានយ័ន នាង ហេង កែវនីតា ដែលមានឈ្មោះពិតថា ហេង ផាន់ណា ធ្លាប់តែរស់នៅឯកា គ្មានបុរសណាចូលមកស្អំបេះដូងនោះ ស្រាប់តែនៅពេល វត្តមានតារាសម្ដែងរាងសង្ហា លោក យឹម ណារ៉ា បានប្រកាសសុំរៀបការជាមួយនាង យ៉ាងចំហ នៅក្នុងថ្ងៃខួបកំណើត របស់នាង ដោយភ្ជាប់ជាមួយនូវចិញ្ចៀន បញ្ចាំចិត្តផងដែរ។</span></p>
<p><span style="color: #000000;">ពិធីការិនី ហេង កែវនីតា ត្រូវបានគេមើលឃើញថា ពុំដែលមានដំណឹងស្នេហា ណាមួយដើម្បីឲ្យមហាជនចាប់អារម្មណ៍ ដូចពិធីការិនី និងអ្នកសិល្បៈដទៃឡើយ ទើបតែថ្មីៗនេះ បែរជាលេចឮដំណឹងស្នេហា ជាមួយកំឡោះសង្ហា យឹម ណារ៉ា ប៉ុន្តែក៏គេមិនទាន់ហ៊ានជឿប្រាកដដែរថា ពួកគេស្រឡាញ់គ្នាពិតមែន។ យ៉ាងណាមិញ ប៉ុន្មានខែចុងក្រោយនេះ មិត្តសិល្បៈរួមអាជីព តែងតែឃើញពួកគេ បណ្ដើរគ្នាត្រសង ចូលរួមកម្មវិធី របស់មិត្តភក្តិ ក្នុងលក្ខណៈស្និទ្ធស្នាល ខុសប្លែកពីទំនាក់ទំនងធម្មតា។</span></p>
<p><span style="color: #000000;">អ្វីដែលនឹកស្មានមិនដល់នោះ គឺទាំងអ្នកសិល្បៈរួមអាជីព ទាំងមហាជន បានភ្លឺភ្នែកច្បាស់ក្រឡែត នៅពេលរូបថតជាច្រើនសន្លឹក របស់ ហេង កែវនីតា ត្រូវបានបែកធ្លាយ ដោយក្នុងនោះ គេឃើញលោក យឹម ណារ៉ា លុតជង្គង់សុំនាងរៀបការ ធ្វើឲ្យនាងអរស្ទើរហោះ និយាយលែងចេញ ត្រូវបានបែកចេញសុះសាយ ជាសាធារណៈ នាពេលថ្មីៗនេះ។</span></p>
<p><span style="color: #000000;">យ៉ាងណាក្ដី មិត្តរួមអាជីព ក៏ដូចជាមហាជន ក៏បានសម្ដែងការអបអរសាទរ ចំពោះចំណងស្នេហ៍ ក្នុងទ្រនំសិល្បៈដូចគ្នានេះ ព្រោះទាំងលោក យឹម ណារ៉ា ទាំងកញ្ញា ហេង កែវនីតា សុទ្ធតែស្រស់ស្អាតដូចគ្នា ពោលគឺពិតជាស័ក្តិសមគ្នាណាស់ និងសូមឲ្យចំណងស្នេហ៍នេះ វេញត្របាញ់ចូលគ្នា ជានិរន្តន៍តរៀងទៅ៕</span></p>
<p><span style="color: #000000;"><img src="http://nkdnews.com/wp-content/uploads/2016/10/dara-8.x23964.jpg" alt="" width="730" /></span></p>
<p><span style="color: #000000;"><img src="http://nkdnews.com/wp-content/uploads/2016/10/dara-6.x23964.jpg" alt="" width="730" /></span></p>
<p><span style="color: #000000;"><img src="http://nkdnews.com/wp-content/uploads/2016/10/dara-7.x23964.jpg" alt="" width="730" /></span></p>
<p><span style="color: #000000;"><img src="http://nkdnews.com/wp-content/uploads/2016/10/dara-12.x23964.jpg" alt="" width="730" /></span></p>
<p><span style="color: #000000;"><img src="http://nkdnews.com/wp-content/uploads/2016/10/dara-9.x23964.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>