<p><span style="color: #000000;">ខ្សែភាពយន្ដ “Praomook” ដែលសម្ដែងដោយលោក Pon Nawasch និងកញ្ញា Bua Nalinthip បានចាក់បញ្ចាំងកាលពីថ្ងៃទី ១០ ខែឧសភា នៅលើកញ្ចក់ទូរទស្សន៍ Thai TV3 ។ ខ្សែភាពយន្ដនេះ ទទួលបានការ Feedback ខ្លាំងពីទស្សនិកជនថៃ និងអន្ដរជាតិ កាលពីយប់ម៉ិញ ។</span></p>
<p><span style="color: #000000;"><br /><a class="thickbox" title="" href="/FileManager/Commons/2021/5/11/pon-nawasch-and-bua-nalinthip-2-11-05-2021--17-00-20.jpg"><img src="/FileManager/Articles/mce/2021/5/11/pon-nawasch-and-bua-nalinthip-2-11-05-2021--17-00-20.jpg" alt="" /></a><br /></span></p>
<p><span style="color: #000000;">ពេលចាក់បញ្ចាំងថ្ងៃដំបូង ខ្សែភាពយន្ដភាគនេះ ជាប់ចំណាត់ថ្នាក់លេខ១ លើបណ្ដាញ Twitter នៅក្នុងប្រទេសថៃ។ មិនតែប៉ុណ្ណោះ ភាគទី១ នៃខ្សែភាពយន្ដនេះ ទទួលបានចំនួនអ្នកទស្សនាច្រើនបំផុតជាប់កំណត់ត្រា ក្នុងចំណោមភាគនៃខ្សែភាពយន្ដផ្សេងៗរបស់ស្ថានីយ៍ទូរទស្សន៍ Thai TV3 ដែលចាក់បញ្ចាំង នៅឆ្នាំ ២០២១ នេះ នៅលើ Channel 3 Plus ។</span></p>
<p><span style="color: #000000;">យោងតាម Nielsen Thailand ខ្សែភាពយន្ដភាគរឿង “Praomook” ទទួលបានពិន្ទុវាយតម្លៃ 2.0 % សម្រាប់ភាគទី ១ ។ លោក Pon Nawasch និងកញ្ញា Bua Nalinthip វិលត្រឡប់មកបំពេរអារម្មណ៍ប្រិយមិត្ដវិញ ក្រោយរយៈពេលបីឆ្នាំនៃការខានសម្ដែងរួមគ្នា ។ អ្នកទាំងពីរធ្លាប់សម្ដែងរួមគ្នា ជាលើកដំបូង នៅក្នុងខ្សែភាពយន្ដភាគ ឆ្នាំ ២០១៨ រឿង “Tra Barb See Chompoo” ៕</span></p>
<p> <a class="c_tab" href="http://facelinecambodia.com/" target="_blank"><img src="/FileManager/Articles/mce/2021/5/11/faceline-with-food-penda-3-05-05-2021--11-55-59-11-05-2021--17-00-32.jpg" alt="" /></a></p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព៖ Thaiupdate</span></p>