<p><span style="color: #000000;">ក្រុងញូយ៉ក៖ ទូរស័ព្ទស្មាតហ្វូនទំនើបចុងក្រោយរបស់ក្រុមហ៊ុន Samsung បញ្ចេញលក្ខណៈពិសេស ដែលមានអេក្រង់ធំមូលវែង និងធ្វើពីកញ្ចក់ភាគច្រើន។</span></p>
<p><span style="color: #000000;">SquareTrade បានបង្ហើបឱ្យដឹងថា៖” ការឌីហ្សាញផ្នែកខាងក្រៅពីកញ្ចក់ស្ទើរតែទាំងស្រង់នៃទូរស័ព្ទស្មាតហ្វូន Samsung Galaxy S8 និង S8 Plus ធ្វើឱ្យទូរស័ព្ទម៉ូដែលថ្មីនេះ ស្រស់ស្អាតគួរឱ្យទាក់ទាញសម្រាប់អ្នកប្រើប្រាស់ ប៉ុន្ដែវាក៏ងាយបែកផងដែរ នៅពេលដែលធ្លាក់ត្រូវជ្រុងណាមួយ” ។</span></p>
<p><span style="color: #000000;">ភ្លាមៗនេះ ក្រុមហ៊ុន Samsung មិនទាន់ឆ្លើយតប ចំពោះសំណើសុំការបកស្រាយអំពីបញ្ហានេះ នៅឡើយទេ។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/4/25/1-25-04-2017--11-44-15.png"><img src="/FileManager/Articles/mce/2017/4/25/1-25-04-2017--11-44-15.png" alt="" /></a><br /></span></p>
<p><span style="color: #000000;">ទូរស័ព្ទម៉ូដែលថ្មីសន្លាងនេះ ទទួលបានការវាយតម្លៃជាវិជ្ជមានពីភ្នាក់ងារសារព័ត៌មាន AP និងកន្លែងលក់ផ្សេងទៀត។ ក្រុមហ៊ុន Samsung បានឱ្យដឹងថា ការបញ្ជាទិញជាមុនសម្រាប់ទូរស័ព្ទ S8 នេះ មានកម្រិតខ្ពស់ជាង ការបញ្ជាទិញទូរស័ព្ទ Galaxy S7 ក្នុងកម្រិត ៣០%។ ក្រុមហ៊ុននេះ មិនបានបញ្ចេញតួលេខជាក់លាក់ ចំពោះការបញ្ជាទិញជាមុននៃទូស័ព្ទម៉ូដែលថ្មីនេះទេ។ Galaxy S8 ចាប់ផ្តើមលក់ ក្នុងតម្លៃ ៧៥០$ ដែលមានតម្លៃខ្ពស់ជាង S7 ប្រហែល ១០០$។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/4/25/2-25-04-2017--11-44-27.png"><img src="/FileManager/Articles/mce/2017/4/25/2-25-04-2017--11-44-27.png" alt="" /></a><br /></span></p>
<p><span style="color: #000000;">SquareTrade បានឱ្យដឹងកាលពីថ្ងៃចន្ទថា ការប្រេះបែក បានលេចឡើង នៅលើអេក្រង់ Galaxy S8 និង S8 Plus បន្ទាប់ពីធ្លាក់ផ្កាប់អេក្រង់ នៅលើចិញ្ចើមផ្លូវកម្ពស់ ១.៨៣ ម៉ែត្រ។ ទូរស័ព្ទម៉ូដែលនេះ មានបញ្ហាប្រេះបែកដូចគ្នា នៅពេលដែលធ្លាក់ចំផ្នែកខាងក្រោយ និងជ្រុងណាមួយ។</span></p>
<p><span style="color: #000000;">ប៉ុន្ដែ ទូរស័ព្ទទាំងពីរម៉ូដែលនេះ អាចធន់នឹងទឹកបានយ៉ាងល្អ នៅពេលយកទៅធ្វើតេស្តទម្លាក់ក្នុងទឹក។ ទូរស័ព្ទនេះមាន នូវសម្លេងអូឌីយ៉ូរំខាន(audio distortion) ខ្លះដែរ ប៉ុន្តែបញ្ហានេះ គឺជារឿងធម្មតា និងកើតឡើងម្ដងម្កាល។ Galaxy S8 នេះ មានលក្ខណៈពិសេស ការពារជម្រាបទឹក។</span></p>
<p><span style="color: #000000;">SquareTrade មិនបានធ្វើតេស្ដថ្មទូរស័ព្ទម៉ូដែលនេះទេ ដែលថ្មនេះហើយ ជាប្រភពនៃបញ្ហាដែលនាំឱ្យក្រុមហ៊ុន Samsung ប្រមូលទូរស័ព្ទ Galaxy Note 7 មកវិញ កាលពីពេលកន្លងទៅ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/4/25/3-25-04-2017--11-44-37.png"><img src="/FileManager/Articles/mce/2017/4/25/3-25-04-2017--11-44-37.png" alt="" /></a></span></p>
<p><br /><a class="thickbox" title="" href="/FileManager/Commons/2017/4/25/4-25-04-2017--11-44-45.png"><img src="/FileManager/Articles/mce/2017/4/25/4-25-04-2017--11-44-45.png" alt="" /></a><span style="color: #000000;"><a class="thickbox" title="" href="/FileManager/Commons/2017/4/25/3-25-04-2017--11-44-37.png"></a><br /></span></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល ៖ សារ៉ាត</span></p>
<p style="text-align: right;"><br /><span style="color: #000000;">ប្រភព ៖ AP</span></p>