<p><span style="color: #000000;"><strong>(អង់គ្លេស)៖</strong> កែវភ្នែក គឺជាវត្ថុដ៏មានតម្លៃមិនអាចកាត់ថ្លៃបាន ដែលអាចធ្វើឲ្យយើងមើលឃើញ ភពផែនដី ដ៏ស្រស់ស្អាតនេះ។ សំរាប់អ្នកដែលមិនមានបញ្ហាភ្នែក ក៏ត្រូវតែការពារវាឲ្យបានល្អ ចំណែកឯអ្នកដែលមានបញ្ហាភ្នែកវិញ អ្នកត្រូវតែស្វែងរកវិធី ដើម្បីដោះស្រាយនូវបញ្ហានោះ។</span></p>
<p><span style="color: #000000;">យោងតាមគេហទំព័រព័ត៌មាន វេជ្ជសាស្រ្ត Medicine news today បានឲ្យដឹងថា ភ្នែកខ្សោយ ភ្នែកឡើងបាយ និងជំងឺងងឹតភ្នែក គឺជាបញ្ហាភ្នែកចម្បងៗ ដែលតែងតែធ្វើការគំរាមកំហែង ទៅមនុស្សស្ទើរគ្រប់គ្នា ទូទាំងពិភពលោក។ ជាមួយគ្នានេះដែរ បញ្ហាភ្នែកក៏អាចនាំឲ្យអ្នកឈានទៅរក ការកើតជំងឺមួយចំនួនទៀត ដូចជាជំងឺមហារីក និងជំងឺទឹកនោមផ្អែម។ ទន្ទឹមនឹងនេះ បញ្ហាភ្នែក មួយចំនួនទៀតដូចជា ភ្នែកឡើងពពែឆ្កែ ភ្នែកស្ងួត ឬជំងឺភ្នែក្រហម អាចដោះស្រាយបានយ៉ាង ងាយស្រួលប្រសិនបើអ្នកប្រញាប់ធ្វើការព្យាបាលវា ឲ្យបានទាន់ពេល។</span></p>
<p><span style="color: #000000;">ខាងក្រោមនេះ ជាវិធីការពារភ្នែក និងដោះស្រាយបញ្ហាពាក់ព័ន្ធនានា ដើម្បីកុំឲ្យហួសពេល៖</span></p>
<p><span style="color: #000000;">១- អ្នកគួរតែទៅពិនិត្យភ្នែក របស់អ្នកជារៀងរាល់មួយឆ្នាំម្តង ពីព្រោះការធ្វើបែបនេះ អាចធ្វើឲ្យអ្នកមាន ភាពងាយស្រួលក្នុងការដឹង អំពីស្ថានភាពភ្នែករបស់អ្នក។ មួយវិញទៀត ប្រសិនបើអ្នកមានបញ្ហាភ្នែក កើតឡើង អ្នកអាចព្យាបាលវាបានទាន់ពេលវេលា និងឆាប់រហ័ស។</span></p>
<p><span style="color: #000000;">២- ចៀសវាងធ្វើឲ្យភ្នែក របស់អ្នកជួបនឹងគ្រោះថ្នាក់ផ្សេងៗ។ អ្នកត្រូវនៅកន្លែងដែលមានខ្យល់ចេញចូល ជាពិសេសនៅពេលដែលអ្នកធ្វើការ នៅកន្លែងដែលមានជាតិគីមី គ្រោះថ្នាក់ដូចជា សារជាតិក្លរីន ទឹកនោមអូត ឬ អាម៉ូញ៉ាក់ ថ្នាំលាបផ្ទះជាដើម។ អ្នកត្រូវតែប្រើប្រដាប់ការពារភ្នែក នៅពេលដែលអ្នក ធ្វើការជាមួយសារធាតគីមីផ្សេងៗ ឬសំភារៈសំណង់ ដើម្បីការពារភ្នែករបស់អ្នកពីការកំពប់ ឬហុយចូលភ្នែកដោយចៃដន្យ។</span></p>
<p><span style="color: #000000;">៣- ប្រសិនបើវេជ្ជបណ្ឌិតចេញវេជ្ជបញ្ជា សំរាប់ភ្នែករបស់អ្នក ចូរអ្នកអនុវត្តន៍តាមដោយប្រុងប្រយ័ត្ន និងយកចិត្តទុកដាក់បំផុត។ ប្រសិនបើអ្នកមានការភ័ន្តច្រឡំ ក្នុងការប្រើប្រាស់ថ្នាំ អ្នកត្រូវទៅសាកសួរ អ្នកជំនាញខាងភ្នែក និងវេជ្ជបណ្ឌិតម្តងទៀត ចៀសវាងការប្រើប្រាស់ថ្នាំខុស។ ម្យ៉ាងវិញទៀត អ្នកមិនត្រូវប្រើប្រាស់ថ្នាំបណ្តក់ភ្នែកផ្តេសផ្តាស ដោយមិនមានវេជ្ជបញ្ជា ត្រឹមត្រូវនោះទេ។</span></p>
<p><span style="color: #000000;">៤- អ្នកគួរតែធ្វើលំហាត់ប្រាណភ្នែក និងធ្វើវាជាប្រចាំ ពីព្រោះវាអាចជួយឲ្យស្ថានភាព ភ្នែករបស់អ្នក មានភាពប្រសើរឡើង។</span></p>
<p><span style="color: #000000;">៥- អ្នកត្រូវតែលាងដៃ ឲ្យបានញឹកញាប់ក្នុងមួយថ្ងៃ ជាពិសេសបន្ទាប់ពីចេញពីបន្ទប់ទឹក ទទួលទានអាហាររួច និងបន្ទាប់ពីប្រើប្រាស់សារធាតុគីមីផ្សេងៗ ដូចជាទឹកលាងថ្នាំក្រចក ថ្នាំលាបក្រចកជាដើម។ ប្រសិនបើអ្នកមានការយកចិត្តទុកដាក់ អ្នកនឹងដឹងថា អ្នកយកដៃទៅខ្ពប់មុខ និងប៉ះភ្នែករបស់អ្នកប៉ុន្មានដង ក្នុងមួយថ្ងៃ។ សម្រាប់អ្នកដែលពាក់វ៉ែនតា និងធ្វើការនៅកន្លែងដែលតម្រូវឲ្យអាន និងសសេរច្រើន តែងតែយកដៃទៅ ញីភ្នែកដោយមិនដឹងខ្លួន ដែលនេះជាបញ្ហាធ្វើឲ្យ ភ្នែករបស់អ្នក មានបញ្ហាជាញឹកញាប់។</span></p>
<p><span style="color: #000000;">៦- អ្នកត្រូវតែគេងឲ្យបានគ្រប់គ្រាន់ ដើម្បីឲ្យភ្នែករបស់អ្នកបានសម្រាកគ្រប់គ្រាន់ និងស្រស់ថ្លាដែរ។ ការធ្វើបែបនេះអាចធ្វើឲ្យអ្នកចៀសផុត ពីការមានបញ្ហាភ្នែកស្ងួត និងឈឺភ្នែក ដែលបច្ចុប្បន្ននេះ មនុស្សភាគច្រើនតែងមើលស្រាល និងទុកឲ្យហួសពេលព្យាបាល៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/10/11/34d-11-10-2016--09-49-01.jpg"><img src="/FileManager/Articles/mce/2016/10/11/34d-11-10-2016--09-49-01.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>