<p>កេរ្ដិ៍ឈ្មោះ Nokia របស់ហ្វាំងឡង់ កំពុងធ្វើដំណើរត្រឡប់មកកាន់ទីផ្សារវិញហើយ បន្ទាប់ពីអស់<br />មួយរយៈពេល ត្រូវបានលក់ទៅឱ្យ Microsoft។</p>
<p>មកដល់ពេលនេះ មានសំនួរដែលសួរថា តើ Nokia អាចនឹងវិលត្រឡប់មកកាន់ទីផ្សារស្មាតហ្វូន<br />ដែរឬអត់ នៅពេលដែលថ្មីៗនេះ Microsoft បានលក់រោងចក្រផលិតទូរស័ព្ទនៅវៀតណាម ទៅ<br />ឱ្យក្រុមហ៊ុន Foxconn ។ សិទ្ធិប្រើប្រាស់យីហោ (ពាណិជ្ជសញ្ញា) Nokia សម្រាប់ស្មាតហ្វូនរបស់ <br />Microsoft ក៏អស់សុពលភាព នៅត្រីមាសទីបួន ឆ្នាំ ២០១៦។</p>
<p><a class="thickbox" title="" href="/FileManager/Commons/2016/8/19/nokia-h1-19-08-2016--10-29-13.jpg"><img style="display: block; margin-left: auto; margin-right: auto;" src="/FileManager/Articles/mce/2016/8/19/nokia-h1-19-08-2016--10-29-13.jpg" alt="" /></a></p>
<p>ថ្មីៗនេះ យោងតាមការទទួលស្គាល់របស់ Mike Wang អគ្គនាយករបស់ Nokia នៅប្រទេសចិន <br />នៅលើទំព័រ The Paper ឱ្យដឹងថា ក្រុមហ៊ុនហ្វាំងឡង់ នឹងបញ្ចេញឧបករណ៍ Android មានយីហោ<br /> Nokia ចំនួន ៣ ទៅ ៤ប្រភេទ នៅចុងឆ្នាំ ២០១៦។ ប្រការដែលគួរចាប់អារម្មណ៍នោះគឺថា មិនត្រឹម<br />តែ ស្មាតហ្វូននោះទេ Nokia ក៏អាចនឹងបញ្ចេញទាំងថេប្លែតដែលដំណើរការដោយ Android ផងដែរ។</p>
<p>យោងតាម Phone Arena ក្រុមហ៊ុន Nokia កំពុងតែត្រៀមខ្លួនឧទ្ទេសនាមស្មាតហ្វូនលំដាប់កំពូល<br />ចំនួនពីរម៉ូដែល។ ស្មាតហ្វូននេះអាចនឹងដំណើរការដោយ Android 7.0 Nougat ថ្មីបំផុត និងប្រើ<br />ប្រាស់ប្រូសេសឺរ Snapdragon 820 របស់ Qualcomm ។ ស្មាតហ្វូនទាំងនេះ មានម៉ូដែលមួយ មាន<br />ទំហំធំ និងមួយទៀត មានទំហំតូច ប៉ុន្តែ ទាំងពីរសុទ្ធតែប្រើប្រាស់ស៊ុមលោហធាតុ និងទប់ទល់<br />នឹងធូលី។</p>
<p>ក្រោយបរាជ័យមួយរយៈពេល ជាមួយនឹង Windows Phone ហើយត្រូវបង្ខំចិត្តលក់ខ្លួនឱ្យក្រុមហ៊ុន<br /> Microsoft ក្រុមហ៊ុន Nokia កំពុងតែបង្ហាញនូវការប្ដេជ្ញាចិត្ត ដើម្បីវិលត្រឡប់មកកាន់ទីផ្សារស្មាត<br />ហ្វូន។ ក្រុមហ៊ុនហ្វាំងឡង់ ទើបតែអញ្ជើញ Pekka Rantala ដែលជាតតីតបុគ្គលិករបស់ Nokia <br />និងធ្លាប់កាន់កាប់តំណែងជាអគ្គនាយកនៃក្រុមហ៊ុនហ្គេម Rovio ដើម្បីមកកាន់កាប់តំណែងជាអគ្គ<br />នាយកផ្នែកទីផ្សារឱ្យ Nokia។</p>
<p>នៅប្រទេសវៀតណាម ខណៈដែល Microsoft បាន និងកំពុងដកខ្លួនថយក្នុងវិស័យទូរស័ព្ទ ក្រុមហ៊ុន<br /> Nokia និងអ្នកផ្គត់ផ្គង់ បែរជាជ្រើសរើសបុគ្គលិក និងរៀបចំគម្រោងដោយស្ងាត់ៗ ដើម្បីអាចបញ្ចេញ<br />លក់ផលិតផលថ្មី ឱ្យបានឆាប់រហ័ស នៅពេលខាងមុខ។</p>
<p style="text-align: right;">ប្រែសម្រួល ៖ បុត្រា</p>