<p id="aui_3_2_0_1564">ឈានជើងមកដល់ទឹកដីប្រទេសជប៉ុន ក្នុងដំណើរទស្សនកិច្ច ៣ប្រទេស នៅអាស៊ី លោកប្រធានាធិបតី បារ៉ាក់ អូបាម៉ា បានមកទស្សនាសារមន្ទីរវិទ្យាសាស្រ្តបច្ចេកវិទ្យា Miraikan និងលេងបាល់ទាត់ជាមួយ<br />នឹងរ៉ូបូត (Robot) ល្បីឈ្មោះ ASIMO ផងដែរ។</p>
<p style="text-align: center;"><a class="thickbox" title="" href="/FileManager/Commons/2014/4/27/1079832-27-04-2014--10-53-46.jpg"><img src="/FileManager/Articles/mce/2014/4/27/1079832-27-04-2014--10-53-46.jpg" alt="" /></a></p>
<p>ការចូលទស្សនាសារមន្ទីរ Miraikan របស់លោកប្រធានាធិបតី អូបាម៉ា គឺដើម្បីទៅមើល និងកត់សម្គាល់ លើដំណើរការផ្លាស់ប្តូរវិទ្យាសាស្រ្ត រវាងប្រទេសទាំងពីរ ដែលមានរយះពេល ១០ឆ្នាំមកហើយ ទន្ទឹម<br />នឹងនោះ ក៏ជាឱកាស ខាងប្រទេសជប៉ុន សម្តែងបង្ហាញនូវបណ្តាបច្ចេកវិទ្យាកំរិតខ្ពស់បំផុត របស់ពួកគេ ផងដែរ។ </p>
<p>លោកអូបាម៉ា ត្រូវបានគេបង្ហាញណែនាំនូវ កូនរ៉ូបូតចំនួនពីរគ្រឿង ដែលក្នុងនោះ មានមួយគឺជារ៉ូបូត ASIMO ដែលជារ៉ូបូតដ៏ល្បីឈ្មោះ បង្កើតឡើងដោយក្រុមហ៊ុនហុងដា។ ក្នុងពេលប្រឈមមុខជាមួយនឹង លោកប្រធានាធិបតី ASIMO បាននិយាយសំដីស្វាគមន៍ជាភាសាអង់គ្លេសថាៈ "ពិតជាមានកិត្តិយស ណាស់ដែលបានជួបលោក" ។ បន្ទាប់មក រ៉ូបូតបានសម្តែងនូវសកម្មភាពពិបាកមួយចំនួន ហើយភ្លាម នោះវាបានរត់ទៅក្បែរកន្លែកបាល់ទាត់មួយ និងបាននិយាយទៅកាន់លោក ប្រធានាធិបតីថាៈ "ខ្ញុំអាច ទាត់បាល់បានទៀត"។</p>
<p>ពេលដែលលោកអូបាម៉ា ឆ្លើយតបថា: "អូខេ! ទាត់ឲ្យមើលបន្តិចមើល៍" រ៉ូបូត ASIMO ក៏បានទាត់បាល់ សំដៅទៅខាងលោកអូបាម៉ា ភ្លាម។</p>
<p style="text-align: center;"><a class="thickbox" title="" href="/FileManager/Commons/2014/4/27/1079826-27-04-2014--10-54-27.jpg"><img src="/FileManager/Articles/mce/2014/4/27/1079826-27-04-2014--10-54-27.jpg" alt="" /></a></p>
<p>"វាពិតជាអស្ចារ្យណាស់", លោកប្រធានាធិបតី កំណត់បញ្ជាក់។ លោកអូបាម៉ា ក៏បាននិយាយជាមួយ នឹងបណ្តាភ្ញៀវកតិ្តយស ដែលបានចូលរួមក្នុងពិធីជួបគ្នានោះថា: "ពួកយើងបានឃើញ បណ្តារ៉ូបូតដ៏ ឆ្លាតវៃ រហូតដល់មិនគួរឲ្យជឿ។ ខ្ញុំអាចនិយាយបានថា ពិតជាគួរឲ្យខ្លាច ព្រោះពួកវាដូចមនុស្សខ្លាំង ណាស់។ បណ្តានិស្សិត បានឲ្យខ្ញុំឃើញ នូវការច្នៃប្រឌិតវិទ្យាសាស្រ្តមួយចំនួនរបស់ពួកគេ ក្នុងនោះ មានទាំងបណ្តារ៉ូបូត ដែលអាចទាត់បាល់បាន យ៉ាងអស្ចារ្យទៀតផង"។</p>
<p>ASIMO គឺជារ៉ូបូត ដែលបង្កើតឡើងដោយក្រុមហ៊ុនហុងដា និងបានបង្ហាញណែនាំ ជាលើកដំបូងកាលពី ឆ្នាំ ២០១០។ បណ្តាវិស្វកររបស់ ក្រុមហ៊ុនហុងដា បានចំណាយពេលអស់ ១៤ឆ្នាំ ក្នុងការស្រាវជ្រាវ បណ្តា ការបោះជំហានទៅមុខរបស់មនុស្ស ដើម្បីយកមកអនុវត្តលើ ASIMO។ នៅឆ្នាំ ២០១៤ ហុងដា បានធ្វើ ការអភិវឌ្ឍ ASIMO ដែលជួយឲ្យបណ្តាសកម្មភាពរបស់វា កាន់តែមានភាពទន់ភ្លន់ ដូចទៅនឹង មនុស្ស៕</p>
<p style="text-align: center;"><object width="500" height="400" data="http://www.youtube.com/v/O4ma1p4DK5A&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/O4ma1p4DK5A&rel=1" /></object></p>
<p style="text-align: right;">ប្រែសម្រួល៖ សិលា<br />ប្រភព៖ CNN, vreview</p>