<div>
<p><span style="color: #000000;"><strong>(ភ្នំពេញ)៖</strong> សាលាឧទ្ធរណ៍ គ្រោងនឹងប្រកាសសាលដីកា ចំពោះសុំណុំរឿងអតីត តារាចម្រៀង អូ រស្មី នៅថ្ងៃទី២៩ ខែកុម្ភៈ ឆ្នាំ២០១៦ខាងមុខនេះ ពាក់ព័ន្ធនឹងការប្តឹងជំទាស់ទៅនឹងសាលក្រមរបស់សាលាដំបូងរាជធានីភ្នំពេញ។</span></p>
<p><span style="color: #000000;">កាលពីរសៀលថ្ងៃទី៣១ ខែធ្នូ ឆ្នាំ២០១៤ សាលាដំបូង រាជធានីភ្នំពេញ បានប្រកាសសាលក្រម កំបាំងមុខផ្តន្ទាទោសជនជាប់ចោទ ឈ្មោះ អូ រស្មី ដាក់គុក រយៈពេល ៧ឆ្នាំ និងបង្គាប់ឲ្យសងជំងឺចិត្ត ២០លានរៀល ទៅក្មេងស្រីរងគ្រោះ ជាប់ពាក់ព័ន្ធនឹង ករណីការនាំ ក្មេងអាយុ១៤ឆ្នាំម្នាក់ យកទៅឲ្យរួមភេទ ជាមួយបុរសអ្នកមានទ្រព្យ ដែលជាអនិកជនខ្មែរ ជាថ្នូរនឹងបានក្លាយជាតារាចម្រៀងស្រី ដ៏ល្បីមូយរូប នៅក្នុងប្រទេសកម្ពុជា។</span></p>
<p><span style="color: #000000;">សូមរំលឹកផងដែរថា អតីតតារាចម្រៀង អូ រស្មី ប្រចាំផលិតកម្មឆ្លងដែន និងរៃមាស ត្រូវបានតុលាការចោទប្រកាន់ពីបទលក់ដូរមនុស្ស ដោយមានគោលដៅ និងសញ្ចារកម្ម មានស្ថានទម្ងន់ទោសពាក់ព័ន្ធ នឹងការអូសទាញ ក្មេងស្រី អាយុ១៤ឆ្នាំទៅរួមភេទ ជាមួយតាៗ។ នាង អូ រស្មី ត្រូវបាននគរបាលការិយាល័យប្រឆាំង ការជួញដូរមនុស្ស និងការពារអនីតិជន រាជធានីភ្នំពេញ ឃាត់ខ្លួនកាលពីរសៀល ថ្ងៃទី១៨ ខែមករា ឆ្នាំ២០១៤ តាមពាក្យបណ្តឹងរបស់ម្តាយក្មេងស្រីរងគ្រោះ៕</span></p>
<p style="text-align: center;"><span style="color: #000000;"><img src="https://fbcdn-photos-d-a.akamaihd.net/hphotos-ak-xfl1/v/t1.0-0/p480x480/12743653_1562030844111281_4139071590853535709_n.jpg?oh=e1f6c442ca6856ceec370d4c2b45d024&oe=5765514E&__gda__=1466383013_97c79d0b41a6ae6b1e73130610fb979a" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/12742294_1562030840777948_2046754759989364947_n.jpg?oh=1e62bc12cb3a77594a7807efb21ea56d&oe=576643CA" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>