<p><strong>ភ្នំពេញ ៖</strong> រដ្ឋមន្ដ្រីក្រសួងមហាផ្ទៃ លោកឧបនាយករដ្ឋមន្ដ្រី ស ខេង បានចេញ បញ្ជា ទៅអគ្គ<br />ស្នងការនគរបាលជាតិ ឱ្យបន្ដ តាមចាប់ខ្លួន អតីតអភិបាលក្រុងបាវិត លោក ឈូក បណ្ឌិត តាម<br />ដីកាបញ្ជាឱ្យចាប់ខ្លួន របស់តុលាការ ជុំវិញសំណុំរឿងបង្ក របួសស្នាម ទៅលើកម្មការិនី ៣នាក់ <br />កាល ពីខែកុម្ភៈ ឆ្នាំ២០១២ កន្លងទៅ ។</p>
<p>អ្នកនាំពាក្យក្រសួងមហាផ្ទៃ លោក ឧត្ដមសេនីយ៍ ខៀវ សុភ័គ បានថ្លែងប្រាប់ មជ្ឈមណ្ឌលព័ត៌<br />មានដើមអម្ពិល តាមទូរ ស័ព្ទ នៅល្ងាចថ្ងៃទី០៨ ខែតុលា ឆ្នាំ២០១៣ ថា កាលពីសបា្ដហ៍មុន លោក<br />ឧបនាយករដ្ឋ មន្ដ្រី ស ខេង បានចេញលិខិតបញ្ជាទៅអគ្គ ស្នងការនគរបាលជាតិ ឱ្យកម្លាំងនគរ<br />បាល តាមចាប់ខ្លួនលោក ឈូក បណ្ឌិត មកផ្ដន្ទា ទោសតាមផ្លូវច្បាប់ និងយោងតាមដីកា បញ្ជាឱ្យ<br />ចាប់ខ្លួន របស់តុលាការ ។ យ៉ាង ណាក៏ដោយ លោកឧត្ដមសេនីយ៍ ខៀវ សុភ័គ បញ្ជាក់ថា កម្លាំង<br />នគរបាលបាន និង កំពុងអនុវត្ដបទបញ្ជានេះ ដើម្បីតាមចាប់ ខ្លួនលោក ឈូក បណ្ឌិត ។</p>
<p>គួរបញ្ជាក់ថា លោក ឈូក បណ្ឌិត ត្រូវ បានសាលាដំបូង ខេត្ដស្វាយរៀង កាលពី ចុងខែមិថុនា ឆ្នាំ<br />២០១៣ ប្រកាសផ្ដន្ទា ទោស ដាក់ពន្ធនាគារ ១៨ខែ ពីបទ បង្ក របួសស្នាម ដោយអចេតនា ជុំវិញ<br />ការបាញ់ កម្មការិនី ៣នាក់ បណ្ដាលឱ្យរងរបួសនៅ ក្រុងបាវិត ខេត្ដស្វាយរៀង នាអំឡុងខែ កុម្ភៈ<br /> ឆ្នាំ២០១២ ក្នុងរឿងបាតុកម្មរបស់ កម្មករ ។</p>
<p>ជាមួយគ្នានេះ តុលាការបានបង្គាប់ឱ្យ លោក ឈូក បណ្ឌិត សងជំងឺចិត្ដដល់ជនរង គ្រោះទាំង ៣<br />នាក់ នូវទឹកប្រាក់ ៣៨លាន រៀល ៕</p>
<p><img src="http://image.dap-news.com:81/dap-news/dap-images/2013/September/id-067/CH-0666.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល </p>