<p>រមៀតគឺជាមើមម្យ៉ាងដែលត្រូវបានគេប្រើប្រាស់ច្រើន ដើម្បីថែទាំសម្រស់ស្បែក ក្រៅពីការជួយធ្វើឱ្យស្បែកបានភ្លឺថ្លា រមៀតក៏មានប្រសិទ្ធិភាពក្នុងការព្យាបាលមុនផងដែរ។</p>
<p style="text-align: center;"><a class="thickbox" title="" href="/FileManager/Commons/2013/10/9/beautyd-09-10-2013--16-58-10.jpg"><img src="/FileManager/Articles/mce/2013/10/9/beautyd-09-10-2013--16-58-10.jpg" alt="" /></a></p>
<p><br /><strong>ម្សៅរមៀត និងទឹក</strong></p>
<p>នេះគឺជាវិធីសាមញ្ញ ប៉ុន្ដែវាបែរជាមានប្រសិទ្ធិភាពបំផុតក្នុងការព្យាបាលមុន ពិសេសគឺមុនខ្សាច់។<br /><br />អ្វីដែលអ្នកត្រូវការគឺម្សៅរមៀត និងទឹក។ បន្ទាប់ពីបានលាយម្សៅរមៀត និងទឹកឱ្យក្លាយជាធាតុផ្សំល្មមនឹងបំពោកបាន ទើបលាបវាទៅលើតំបន់ស្បែកដែលមានមុន ហើយលាងសម្អាតវា ក្រោយពី ១៥ ទៅ ២០នាទី។ ម្សៅរមៀត មានប្រសិទ្ធិភាព ជួយព្យាបាល និងទប់ស្កាត់ការរីកចម្រើនរបស់មុន។ ប្រសិនប្រើប្រាស់គ្រឿងផ្សំនេះញឹកញាប់ នោះមុន និងស្នាមមុន នឹងបាត់ខ្លួនពីផ្ទៃមុខរបស់អ្នកមិនខាន។ ក្រៅពីវិធីផ្សំខាងលើ អ្នកក៏អាចលាយម្សៅរមៀត ជាមួយទឹកឃ្មុំ ព្រោះថាទឹកឃ្មុំមានប្រសិទ្ធិភាពខ្ពស់ក្នុងការកំចាត់មេរោគ។<br /><br /><strong>ម្សៅរមៀត និងប្រេងអូលីវ</strong></p>
<p>ចូរលាយម្សៅរមៀត ២ស្លាបព្រា និងប្រេងអូលីវកន្លះស្លាបព្រា។ បន្ទាប់ពីធ្វើរួច បំពោកវាទៅលើកន្លែងមានមុនឱ្យបានក្រាស់។ ក្រោយពីបានប្រើប្រាស់គ្រឿងផ្សំនេះបានប៉ុន្មានសប្ដាហ៍ អ្នកនឹងបានដឹងពីប្រសិទ្ធិភាពរបស់វា ដោយមុនត្រូវបានបំបាត់។ អ្នកក៏អាចប្រើប្រាស់ប្រេងល្ងជំនួសប្រេងអូលីវ។<br /><br /><strong>ម្សៅរមៀត ម្សៅអង្ករ និងទឹកដោះគោជូ</strong></p>
<p>យកម្សៅរមៀត ១ស្លាបព្រា ម្សៅអង្ករ ២ស្លាបព្រា និងទឹកដោះគោជូ ៣ស្លាបព្រា លាយជាមួយគ្នា។ លាងមុខ ឬស្បែកដែលមានមុន ឱ្យបានស្អាត រួចលាបគ្រឿងផ្សំនេះ ឱ្យបានក្រាស់។ ទុកចោលរយៈពេល ពី ១៥ ទៅ ២០នាទី ទើបលាងសម្អាតដោយទឹកស្អាត។ គ្រឿងផ្សំនេះ ក៏អាចប្រើប្រាស់ដើម្បីបំពោកជាម៉ាស់បិទមុខ។<br /><br /><strong>សម្គាល់ ៖</strong></p>
<p>ម៉ាសដែលផ្សំអំពីម្សៅរមៀត អាចបង្កឱ្យមានអុជក្រហមនៅលើស្បែក ដូច្នេះអ្នកត្រូវតែប្រុងប្រយ័ត្ននៅពេលប្រើប្រាស់។ ល្អបំផុត អ្នកត្រូវលាងសម្អាតគ្រឿងផ្សំនេះ បន្ទាប់ពីបានលាប លើស្បែក ២០នាទី។</p>
<p style="text-align: right;"><br />ដោយ ៖ តារា<br />ប្រភព ៖ Ladyzone<br /><br /></p>