<p><span style="color: #000000;"><strong>ពោធិ៍សាត់ ៖</strong> ដោយមិនអាចរារាំង កំសួរស្នេហ៍ប្រកាន់វណ្ណៈបាន រវាងកំលោះ ក្រមុំជាជនជាតិវៀត ណាម រស់ផ្ញើប្រាណ លើបឹងទន្លេសាប រហូតចុងក្រោយពួកគេ សុខចិត្ដលេបថ្នាំសម្លាប់ខ្លួន រួមគ្នានៅលើ ទូក ដើម្បីបញ្ចប់រនាំងស្នេហ៍ដែលឃាឃាំង ដោយអាណាព្យាបាលខាងប្រុស ឥឡូវអ្វីៗ ក៏បានហួសអស់ ទៅហើយ រីឯអាណាព្យា បាលទាំងសងខាង ក៏បានទុនចិត្ដទុនកាយ ហើយសម្រេច ធ្វើបុណ្យ និងបញ្ចុះ សពរួម គ្នា ដើម្បីបំពេញបំណងកូនៗកាលនៅរស់ ដែលស្រឡាញ់គ្នាស្ទើរលេប ។</span></p>
<p><span style="color: #000000;">តាមសេចក្ដីរាយការណ៍ ពីអ្នកភូមិនៃ កំលោះក្រមុំស្នេហាស្មោះស្ម័គ្រខាងលើបាន ឱ្យដឹងថា ក្រោយពី ប្រកាន់ជំហរតឹងរឹងដាច់ខាត មិនឱ្យកូនៗទាំង២ ស្រឡាញ់ និងរៀប ការជាមួយគ្នា ដោយសារតែភាគី ខាងប្រុស ជាអ្នកមានជីវភាពធូរធា និងភាគីខាងស្រី ជាជនក្រីក្រ រហូតធ្វើឱ្យកូនៗជាទីស្រឡាញ់ របស់ ពួកគេ ជ្រើសរើសយកផ្លូវស្លាប់ដើម្បី បញ្ចប់រនាំស្នេហ៍ខាងលើនេះរួចមក អាណាព្យាបាលទាំងសងខាង ក៏បានស្រុះស្រួល រៀបចំពិធីបុណ្យសព និងធ្វើពិធីបញ្ចុះនៅ ក្នុងផ្នូររួមគ្នា ដោយគ្រាន់តែដាក់នៅក្នុង ក្ដារមឈូសផ្សេងគ្នាតែប៉ុណ្ណោះ ។</span></p>
<p><span style="color: #000000;">សូមបញ្ជាក់ថា កាលពីវេលាម៉ោង ១២កណ្តាលអាធ្រាត្រថ្ងៃទី១៧ ឈានចូលថ្ងៃទី១៨ ខែវិច្ឆិកា ឆ្នាំ ២០១៤ នៅលើទូកក្នុងព្រៃរបោះលើផ្ទៃ បឹងទន្លេសាប ស្ថិតក្នុងភូមិកោះក្អែក ឃុំរាំងទឹល ស្រុកកណ្តៀង ខេត្តពោធិ៍សាត់ ទាំងរូបកាយឱបគ្នាយ៉ាងស្អិតល្មួត បេះស្ទើរមិនរបេះ ។</span></p>
<p><span style="color: #000000;">សមត្ថកិច្ចបានឲ្យដឹងថា បុរសស្មោះស្នេហ៍ ឈ្មោះ ប៊ុន ហាង អាយុ ២០ឆ្នាំ រីឯនារីចិត្តស្ម័គ្រភក្តី មាន ឈ្មោះ វិន ធី ថរ អាយុ ១៨ឆ្នាំ។</span></p>
<p><span style="color: #000000;">បើតាមសាច់ញាតិប្រាប់សមត្ថកិច្ច បានឲ្យដឹងថា គូរស្នេហ៍វ័យក្មេងនេះ បានចាប់ចិត្តស្រឡាញ់ប្រតិព័ទ្ធ ជាមួយគ្នា អស់រយៈមួយឆ្នាំមកហើយ ប៉ុន្តែឪពុកម្តាយមិនបំពេញបំណងរបស់ពួកគេឡើយ ព្រោះតែ វណ្ណៈខុសគ្នា។</span></p>
<p><span style="color: #000000;">សមត្ថកិច្ចបានបន្តថា ដោយសារភ្លើងស្នេហ៍ ដែលបានបង្កាត់ និងឆាបឆេះរយៈពេលមួយឆ្នាំកន្លងមក នេះ ប្រែជា អស់ន័យ ព្រោះតែជញ្ជាំងវណ្ណៈនោះ បុរសបេះដូងស្មោះ និងនារីចិត្តស្ម័គ្រភក្តី បាននាំគ្នាអុំ ទូកចូលទៅក្នុងព្រៃរបោះ ហើយនាំគ្នាលេបថ្នាំទាំងពីរនាក់តែម្តង ៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/22/ch-00854-22-11-2014--09-34-05.jpg"><img src="/FileManager/Articles/mce/2014/11/22/ch-00854-22-11-2014--09-34-05.jpg" alt="" /></a></span></p>
<p><a class="thickbox" title="" href="/FileManager/Commons/2014/11/22/30-22-11-2014--09-34-13.jpg"><img src="/FileManager/Articles/mce/2014/11/22/30-22-11-2014--09-34-13.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/11/22/ch-00854-22-11-2014--09-34-05.jpg"></a></span></p>
<p><a class="thickbox" title="" href="/FileManager/Commons/2014/11/22/ch-00669-22-11-2014--09-34-24.jpg"><img src="/FileManager/Articles/mce/2014/11/22/ch-00669-22-11-2014--09-34-24.jpg" alt="" /></a><span style="color: #000000;"><br /></span></p>
<p><span style="color: #000000;">ផ្តល់សិទ្ធដោយ ៖ ដើមអម្ពិល</span></p>