<div class="article-content">
<p><strong>ភ្នំពេញ៖</strong> របងផ្ទះលោកឧកញ៉ា ថោង សារ៉ាត់ ប្រវែងប្រមាណជា ១៥ម៉ែត្រ កម្ពស់៣ម៉ែត្រ<br /> ដែលគេអះអាងថា សាងសង់មិនត្រូវតាមបទដ្ឋានបច្ចេកទេសនោះ បានដួលរលំសង្កត់កម្មករ<br />ស្លាប់ ២នាក់ នៅម៉ោងប្រមាណ ១០ព្រឹក ថ្ងៃទី១៧ ខែសីហា ឆ្នាំ២០១៣ ស្ថិតនៅតាមបណ្តោយ<br />ផ្លូវលេខ៣៧១ ភូមិត្នោតជ្រុំ សង្កាត់បឹងទំពន់ ខណ្ឌមាន ជ័យ។</p>
<p>ក្រោយហេតុការណ៍រលំរបងផ្ទះនេះ អាជ្ញាធរខណ្ឌមានជ័យ ដែលដឹកនាំលោក គួច ចំរើន អភិ<br />បាលខណ្ឌ បានចុះ ទៅកាន់កន្លែងកើតហេតុភ្លាមៗ និងយកអេស្កាវ៉ាទ័រទៅជីកកាយផងដែរ។<br /> តែជាអកុសលមិនអាចជួយសង្រ្គោះ ជនរងគ្រោះឲ្យបានទាន់ពេលវេលានោះទេ ពោលកម្មករ<br />ពីរនាក់ ដែលត្រូវផ្ទាំងរបងផ្ទះសង្កត់ពីលើនោះ បាន ស្លាប់បាត់បង់ជីវិតបាត់ទៅហើយ។</p>
<p>កម្មករ ដែលត្រូវរបងផ្ទះលោកឧកញ៉ា ថោង សារ៉ាត់ ផ្តាច់ជីវិតនេះ មានឈ្មោះ ទូច ចម អាយុ <br />១៧ឆ្នាំ មានស្រុក កំណើតនៅភូមិត្រពាំងអណ្តូង ឃុំទំនប់ ស្រុកពញាឭ ខេត្តកណ្តាល និងជន<br />រងគ្រោះម្នាក់ទៀតឈ្មោះ ត្រ ជនជាតិ វៀតណាម រស់នៅភូមិកោះនរា សង្កាត់និរោធ ខណ្ឌមាន<br />ជ័យ។</p>
<p>សពកម្មករទាំងពីរនាក់ ក្រោយអាជ្ញាធរជីកកកាយរកឃើញហើយនោះ ត្រូវបានយកទៅតម្កល់<br />នៅវត្តស្ទឹងមានជ័យ រង់ចាំក្រុមគ្រួសារមកទទួលទៅទុកដាក់ និងធ្វើបុណ្យតាមប្រពៃណី។</p>
<p>ហេតុការបាក់រលំរបងផ្ទះនេះ ត្រូវបានសមត្ថកិច្ចរៀបរាប់ឲ្យដឹងផងដែរ ក្រុមកម្មកររងគ្រោះ មិន<br />មែនធ្វើការក្នុងការ ដ្ឋានសំណង់របស់លោកឧកញ៉ា ថោង សារ៉ាត់នោះទេ ពោលគឺក្រុមកម្មករ<br />កំពុងធ្វើការក្នុងការដ្ឋានសំណង់ផ្ទះល្វែង ឲ្យក្រុមហ៊ុនផ្សេង ដែលមានទីតាំងនៅជាប់របងផ្ទះ<br />របស់លោកឧកញ៉ា ថោង សារ៉ាត់ ប្រវែងប្រមាណជា ១៥ ម៉ែត្រ។ ខណៈដែលក្រុមកម្មករកំពុង<br />បំពេញការងារ ស្រាប់តែរបងផ្ទះរបស់លោកឧកញ៉ា ថោង សារ៉ាត់ បានដួល រលំ ហើយសង្កត់<br />លើកម្មករ២នាក់។</p>
<p>ការបាក់រលំរបងផ្ទះនេះ ត្រូវបានក្រុមអ្នកជំនាញខាងសំណង់អះអាងថា របងផ្ទះរបស់លោក<br />ឧកញ៉ា ថោង សារ៉ាត់ ធ្វើមិនត្រូវតាមបទដ្ឋានបច្ចេកទេសនោះទេ។របងផ្ទះនេះមិនបានចាក់<br />គ្រឹះឡើយ គ្រាន់តែចាក់ធ្នឹមហើយបណ្តុះ ឥដ្ឋចាក់ស៊ីម៉ង់តិ៍យកតែម្តង ទើបដួលរលំទាំងផ្ទាំង<br />បង្កគ្រោះថ្នាក់ដល់អាយុជីវិតអ្នកដទៃបែបនេះ។</p>
<p>ហេតុការណ៍បាក់ផ្ទាំងរបងនេះ គេនៅមិនទាន់ដឹងថា ទាំងម្ចាស់របងផ្ទះ គឺលោកឧកញ៉ា ថោង <br />សារ៉ាត់ និងម្ចាស់ ការដ្ឋានផ្ទះល្វែង នឹងផ្តល់សំណង់ដល់ក្រុមគ្រួសារកម្មកររងគ្រោះទាំងពីរ<br />នាក់ យ៉ាងណានៅឡើយនោះទេ៕</p>
<div>
<div></div>
</div>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-077.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-078.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-076.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-068.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-069.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-070.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-071.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-072.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-073.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-074.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-075.jpg" alt="Photo by DAP-NEWS" width="550" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>