<p><strong>ភ្នំពេញ៖</strong> មុននេះបន្តិច មានព័ត៌មានលេចចេញមកថា តារាចម្រៀងល្បីឈ្មោះបោះសំឡេងស្ថិតក្នុង<br />បេះដូងយុវវ័យ ប្រចាំនៅផលិតកម្ម សាន់ដេ លោក កែវ វាសនា បាននឹងកំពុងផ្តើមបង្កាត់ភ្លើងស្នេហ៍<br /> ដ៏ផ្អែមល្អែម ជាមួយនារីវ័យក្មេង ដែលជានិស្សិតរៀននៅសាកលវិទ្យាល័យ ក្នុងក្រុងភ្នំពេញម្នាក់។<br /> ប៉ុន្តែព័ត៌មាននេះ ត្រូវបាន លោក កែវ វាសនា ចេញមុខមកច្រានចោលថាជារឿងមិនពិត។</p>
<p>គេហទំព័រ LookingTODAY បានធ្វើការចុះផ្សាយ ដោយបានសរសេរដាក់ចំណងជើងថា "កែវ វាសនា<br /> ល្បីញ៉ែស្រី មិនរើសមុខលេច ឮថាកំពុងល្បងស្នេហ៍និស្សិតវ័យក្មេង" ដោយនៅក្នុងអត្ថបទនេះ យើង<br />បានលើកសរសេរ ដោយផ្អែកតាមប្រភព លេចឮចេញមកពីមជ្ឈដ្ឋាន ខាងក្រៅដែលបាននិយាយតៗ<br />គ្នា តែប៉ុណ្ណោះ។ ភ្លាមៗនេះដែរ LookingTODAY ក៏បានព្យាយាមរកការបំភ្លឺ ពីលោក កែវ វាសនាដែរ<br /> ប៉ុន្តែមិនអាចទាក់ទងបាន។</p>
<p>ផ្តល់បទសម្ភាសន៍ឱ្យគេហទំព័រ LookingTODAY តាមទូរស័ព្ទនាព្រឹកថ្ងៃទី១៣ ខែកក្កដា ឆ្នាំ២០១៣<br />នេះ លោក កែវ វាសនា បានប្រាប់ឱ្យដឹងពីខេត្ត កំពង់ធំថា "ខ្ញុំចង់ប្រាប់បងថា រឿងដែលគេនិយាយ<br />ថា ខ្ញុំមានទំនាក់ទំនងស្នេហា ជាមួយនិស្សិតនោះ គឺពុំពិតដូចគេ និយាយនោះទេ។ ម្យ៉ាងទៀត មួយ<br />រយៈនេះ ខ្ញុំក៏កំពុងជាប់រវល់ជាមួយកម្មវីធីប្រគំតន្រ្តី របស់ស្រាបៀរ លីអូ នៅតាមបណ្តាខេត្តរហូត។<br /> ដូច្នេះខ្ញុំគ្មានពេលឯណា ទៅទាក់ទងស្នេហាជាមួយនិស្សិត វ័យក្មេងអីនោះទេ.."។</p>
<p>លោក កែវ វាសនា បានបន្តថា "វាជារឿងមួយ ដែលគួរឱ្យអស់សំណើច ព្រោះថាអត់ដែលមានរឿង<br />អីផ្សេងនោះទេ ក្រៅតែពីរឿងស្រី...(សើច..)! និយាយរួមទៅ ពេលនេះមាន ៣ព័ត៌មាន ហើយដែល<br />កើតឡើងមកលើរូបខ្ញុំ ។ ដំបូងឡើយគេនិយាយថា ខ្ញុំញ៉ែស្រីមិនរើសមុខ ទី២គេនិយាយថា ខ្ញុំកំពុង<br />មានទំនាក់ទំនងជាមួយនិស្សិតវ័យក្មេង និងរឿងចុងមួយទៀតគេថា ខ្ញុំតោងកន្ទុយក្បិនស្រីអ្នកមាន<br />..ឯណា..ហើយជុំវិញអ្វី ដែលគេនិយាយនេះ ខ្ញុំសូមជម្រាបប្រាប់ទៅវិញថា ខ្ញុំផ្ទាល់មិនចាំបាច់ទៅ<br />តោងកន្ទុយក្បិតស្រីណានោះទេ គឺខ្ញុំរស់ដោយខ្លួនឯង យ៉ាងស្រួលហើយ..!"។</p>
<p>លោក កែវ វាសនា បានបន្តថា "ខ្ញុំមានអារម្មណ៍ដូចជាសង្ស័យ ទៅលើមនុស្សម្នាក់ ដែលព្យាយាម<br />ធ្វើបាបមកលើខ្ញុំ។ នេះគ្រាន់អារម្មណ៍សង្ស័យនោះទេ ព្រោះអីមួយរយៈនេះ មិនដែលមានព័ត៌មាន<br />អីប្លែក ក្រៅតែអំពីខ្ញុំមានស្រីហ្នឹងសោះ..."។ ទោះបីជាយ៉ាងណា លោកមិនបានបញ្ជាក់ថា មនុស្ស<br />ម្នាក់នេះ ស្ថិតនៅក្នុងប្រភពណាមួយនោះទេ គ្រាន់តែនិយាយថា "ខ្ញុំសូមផ្តាំតាម គេហទំព័រ Looking<br />TODAYថា ប្រសិនជាអាច សូមគាត់ប្តូររឿងនេះទៅ.."។</p>
<p>ជាមួយគ្នានេះដែរ លោក កែវ វសនា ក៏បានស្នើដល់អ្នកសារព័ត៌មានទាំងអស់ មុននឹងចុះអ្វីពីលោក<br /> គឺត្រូវខលទៅសួរលោកជាមុនសិន តែបើខលចូល ហើយមិនលើកសូមខលទៅក្រុមហ៊ុនរបស់លោក<br /> ព្រោះថា ពេលខ្លះលោកអត់បានដឹងអ្វីទាំងអស់បែជាគេលើកយករឿងទាំងនោះ មកនិយាយហើយ<br /> ក៏ស្រាប់តែអ្នកសារព័ត៌មាន យកមកសរសេរចុះផ្សាយ ដែលនាំឱ្យប៉ះពាល់ដល់កេរ្តិ៍ឈ្មោះ និងប៉ះ<br />ពាល់ទៅដល់ប្រជាប្រិយភាព៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0489.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0490.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0491.jpg" alt="Looking Today" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>