<p><span style="color: #000000;">សមត្ថកិច្ចបាននិយាយថា ក្រុមជនអន្តពាលចិននៅក្នុងរូបភាពវីដេអូ ដែលគំរាមធ្វើឲ្យមានអសន្តិសុខនៅខេត្តព្រះសីហនុ មិនបានរស់នៅក្នុងប្រទេសកម្ពុជាទេ។</span><br /><span style="color: #000000;"></span><br /><span style="color: #000000;">លោក នេត សាវឿន ស្នងការនគរបាលជាតិ បាននិយាយកាលពីល្ងាចថ្ងៃអង្គារថា ក្រុមជនអន្តពាលចិននៅក្នុងរូបភាពវីដេអូនោះ មិនស្ថិតនៅក្នុងប្រទេសកម្ពុជាទេ ដោយបញ្ជាក់ថាវាជាវីដេអូផលិតយូរមកហើយ។</span><br /><span style="color: #000000;"></span><br /><span style="color: #000000;">លោកឧត្តមសេនីយ៍ នេត សាវឿន បានមានប្រសាសន៍ថា ”បន្ទាប់ពីការស៊ើបអង្កេត យើងបានរកឃើញថា វីដេអូឃ្លីបនេះគឺជាវីដេអូចាស់ ហើយក្រុមជនអន្តពាលចិនទាំងនោះ មិនស្ថិតនៅក្នុងខេត្តព្រះសីហនុទេ” ។ មន្ត្រីនគរបាលជាតិនៅបានបន្តស៊ើបអង្កេត និងចែករំលែកព័ត៌មានអំពីករណីនេះ ជាមួយក្រុមនគបាលចិន។ ”</span></p>
<p><span style="color: #000000;"><a class="thickbox" title="" href="/FileManager/Commons/2019/5/16/1-16-05-2019--14-22-43.PNG"><img src="/FileManager/Articles/mce/2019/5/16/1-16-05-2019--14-22-43.PNG" alt="" /></a><br /></span></p>
<p><span style="color: #000000;">វីដេអូនេះបានបង្ហាញបុរសម្នាក់ពាក់អាវយឺតពណ៌ស ជាមួយបុរសចាក់សាក់មួយក្រុម ដែលនិយាយថាពួកគេមកពីទីក្រុង Chongqing របស់ប្រទេសចិន ហើយពួកគេនឹងប្រព្រឹត្តបទឧក្រិដ្ឋក្នុងខេត្តព្រះសីហនុ។។<br /><br />បន្ទាប់ពីវីដេអូបានចែករំលែកយ៉ាងល្បីល្បាញ ស្ថានទូតចិន បានចេញសេចក្តីថ្លែងការណ៍មួយកាលពីថ្ងៃអាទិត្យថា សមត្ថកិច្ចចិននឹងធ្វើការជាមួយសមភាគីកម្ពុជា ដើម្បីស៊ើបអង្កេតលើវីដេអូ ដែលបង្ហាញពីជនជាតិចិនមិនស្គាល់អត្តសញ្ញាណ ដែលគំរាមកំហែងបង្កបញ្ហានៅខេត្តព្រះសីហនុ។<br /><br />ស្ថានទូតចិនបានថ្លែងថា ”ស្ថានទូតចិននៅកម្ពុជា មានការព្រួយបារម្ភយ៉ាងខ្លាំងអំពីបញ្ហានេះ ហើយនឹងសម្របសម្រួលជាមួយមន្ត្រីនគរបាលនៅកម្ពុជា និងចិនដើម្បីស៊ើបអង្កេតបញ្ហានេះ” ៕</span></p>
<p><span style="color: #000000;"><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/5/16/khmertime-16-05-2019--09-48-51.png" alt="" /></a><br /></span></p>
<p style="text-align: right;"><span style="color: #000000;">ប្រភព ៖ khmertimes</span></p>