<p><span style="color: #000000;"><strong>ភ្នំពេញ ៖</strong> ជនសង្ស័យជាមុខសញ្ញាប្លន់ ប្រដាប់អាវុធ និងកម្លាំងនគរបាល មូលដ្ឋាន ខណ្ឌដង្កោ បានពើបបាញ់តដៃគ្នា ក្នុងករណី ប្លន់មិនទាន់បានសម្រេចមួយ ក្បែរពន្ធនាគារព្រៃស សង្កាត់ព្រៃស ខណ្ឌដង្កោ កាលពី វេលាម៉ោង ប្រមាណ ១២ និង១០នាទីរសៀល ថ្ងៃទី១៣ ខែវិច្ឆិកា ឆ្នាំ២០១៤នេះ ។</span></p>
<p><span style="color: #000000;">សេចក្ដីរាយការណ៍របស់ មន្ដ្រីនគរបាលមូលដ្ឋាន បានឱ្យដឹងថា មុនពេល កើតហេតុ មានជនសង្ស័យម្នាក់ ចូលទៅ ធ្វើសកម្មភាពភ្ជង់ និងប្លន់នៅផ្ទះជនរងគ្រោះ មួយកន្លែង ក្បែរពន្ធនាគារព្រៃស ពេលនោះម្ចាស់ផ្ទះ បានទូរស័ព្ទ រាយ ការណ៍ ប្រាប់សមត្ថកិច្ច ភ្លាមៗនោះ សមត្ថកិច្ចមូលដ្ឋាន បានទៅដល់ជាបន្ទាន់ ក៏ត្រូវបានមុខសញ្ញាទាំងនោះ បើកការ បាញ់ប្រហារមកលើសមត្ថកិច្ច ។</span></p>
<p><span style="color: #000000;">ក្រោយមានករណីនេះកើតឡើង កម្លាំងសមត្ថកិច្ច ជាច្រើននាក់ ទាំងនគរបាល និងអាវុធហត្ថ បានធ្វើការ ឡោមព័ទ្ធ ជនសង្ស័យរូបនេះ នៅក្បែរពន្ធនាគារព្រៃស ។</span></p>
<p><span style="color: #000000;">រហូតមកដល់ វេលាម៉ោង១២និង២៨នាទី កម្លាំងសមត្ថកិច្ច ដឹកនាំដោយ លោក យឹម សុជាតិ អធិការនគរបាល ខណ្ឌដង្កោ បាន ឃាត់ខ្លួនបានជនសង្ស័យម្នាក់ហើយ។</span></p>
<p><span style="color: #000000;">លោក យឹម សុជាតិ បានថ្លែងឲ្យដឹងថា នេះអាចជាករណីប្លន់ ពីព្រោះជនសង្ស័យ បានចូលទៅផ្ទះជនរងគ្រោះ ហើយ បានភ្ជង់ តែត្រូវបានកម្លាំងនគរបាល របស់លោក និងកម្លាំងអាវុធហត្ថ ជួយអន្តរាគមន៍ទាន់ពេលវេលា។ បើតាម លោក យឹម សុជាតិ ជនសង្ស័យរូបនេះ បានធ្វើសកម្មភាពតែម្នាក់ឯងនោះទេ ។</span></p>
<p><span style="color: #000000;">ក្រោយការ ចាប់ខ្លួន ជនសង្ស័យត្រូវបានបញ្ជូន ទៅកាន់អធិការដ្ឋាន នគរបាល ខណ្ឌដង្កោ ដើម្បីចាត់ការ បន្តទៀត តាមផ្លូវច្បាប់៕</span></p>
<p> </p>
<p style="text-align: center;"><a class="thickbox" title="" href="/FileManager/Commons/2014/11/13/ch-00326-13-11-2014--13-42-07.jpg"><img src="/FileManager/Articles/mce/2014/11/13/ch-00326-13-11-2014--13-42-07.jpg" alt="" /></a></p>
<p style="text-align: center;"><strong>ជនសង្ស័យដែល កម្លាំងសមត្ថកិច្ច ឃាត់ខ្លួន ក្រោយធ្វើសកម្មភាព ប្លន់នៅជិតពន្ធនាគារព្រៃស</strong></p>
<p style="text-align: center;"><a class="thickbox" title="" href="/FileManager/Commons/2014/11/13/ch-00327-13-11-2014--13-42-16.jpg"><img src="/FileManager/Articles/mce/2014/11/13/ch-00327-13-11-2014--13-42-16.jpg" alt="" /></a></p>
<p style="text-align: center;"><strong>អធិការ នគរបាលខណ្ឌដង្កោ លោក យឹម សុជាតិ (រូបមុខ) ដឹកនាំកម្លាំង នគរបាលចុះចាប់ជនសង្ស័យ</strong></p>
<p style="text-align: center;"><img src="http://image.dap-news.com:81/dap-news/dap-images/2014/November/id-067/CH-00328.jpg" alt="" /></p>
<p style="text-align: center;"><img src="http://image.dap-news.com:81/dap-news/dap-images/2014/November/id-067/CH-00329.jpg" alt="" /></p>
<p style="text-align: center;"><img src="http://image.dap-news.com:81/dap-news/dap-images/2014/November/id-067/CH-00330.jpg" alt="" /></p>
<p style="text-align: center;"><img src="http://image.dap-news.com:81/dap-news/dap-images/2014/November/id-011/Hong-0271.jpg" alt="" /></p>
<p style="text-align: center;"><img src="http://image.dap-news.com:81/dap-news/dap-images/2014/November/id-011/Hong-0268.jpg" alt="" /></p>
<p style="text-align: center;"><img src="http://image.dap-news.com:81/dap-news/dap-images/2014/November/id-011/Hong-0269.jpg" alt="" /></p>
<p style="text-align: center;"><img src="http://image.dap-news.com:81/dap-news/dap-images/2014/November/id-011/Hong-0270.jpg" alt="" /></p>
<p style="text-align: center;"><img src="http://image.dap-news.com:81/dap-news/dap-images/2014/November/id-011/Hong-0263.jpg" alt="" /></p>
<p style="text-align: center;"><img src="http://image.dap-news.com:81/dap-news/dap-images/2014/November/id-011/Hong-0264.jpg" alt="" /></p>
<p style="text-align: center;"><img src="http://image.dap-news.com:81/dap-news/dap-images/2014/November/id-011/Hong-0265.jpg" alt="" /></p>
<p style="text-align: center;"><img src="http://image.dap-news.com:81/dap-news/dap-images/2014/November/id-011/Hong-0266.jpg" alt="" /></p>
<p style="text-align: center;"><img src="http://image.dap-news.com:81/dap-news/dap-images/2014/November/id-011/Hong-0267.jpg" alt="" /></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>