<p><span style="color: #000000;"><strong>(កណ្តាល)៖</strong> លោក ចំរើន បញ្ញា អធិការរងនគរបាលក្រុងតាខ្មៅ ខេត្តកណ្តាល នៅថ្ងៃទី២៣ ខែកុម្ភៈ ឆ្នាំ២០១៧ បាននាំជនដៃដល់យកទៅធ្វើតម្រាប់ នូវសកម្មភាពរបស់ខ្លួន ដែលបានចូលទៅវាយជនរងគ្រោះ ក្នុងផ្ទះវីឡាទុកចោល នាក្រុងតាខ្មៅ កាលពីម្សិលមិញ ដែលកម្លាំងនគរបាលតាមស្រាវជ្រាវ ចាប់បានមកវិញ។</span></p>
<p><span style="color: #000000;">តាមពិតទៅកាលពីម្សិលមិញ បន្ទាប់ពីកើតហេតុភ្លាមៗនោះ កម្លាំងអាវុធហត្ថក្រុងតាខ្មៅ បានឃាត់ខ្លួនជនសង្ស័យ៣នាក់ ប៉ុន្តែបន្ទាប់ពីសួរនាំទៅ ពួកគេមិនបានជាប់ពាក់ព័ន្ធ នឹងសកម្មភាពប្លន់នេះទេ ពោលនៅក្នុងករណីខាងលើ មានតែជនសង្ស័យម្នាក់ប៉ុណ្ណោះ ដែលកម្លាំងនគរបាលក្រុងតាខ្មៅ ចាប់បាននៅយប់ថ្ងៃដដែលនោះ។</span></p>
<p><span style="color: #000000;">របាយការណ៍នគរបាលខេត្តកណ្តាល បានឲ្យដឹងថា មានករណីប៉ុនប៉ងលួចមាន ស្ថានទម្ងន់ទោស បានកើតឡើងនៅវេលាម៉ោង១២៖១៥នាទី រសៀលថ្ងៃទី២២ ខែកុម្ភៈ ឆ្នាំ២០១៧ ស្ថិតនៅចំណុចផ្ទះជនរងគ្រោះឈ្មោះ ហួ លាងហេង ភូមិព្រែកព្រែករាំងសង្កាត់កំពង់សំណាញ់ ក្រុងតាខ្មៅ ខេត្តកណ្តាល។</span></p>
<p><span style="color: #000000;">ជនរងគ្រោះ៣នាក់ដែលត្រូវចោរវាយ និងដេញវាយរួមមាន៖ ១-ឈ្មោះ ហួ លាងហេង ភេទស្រី អាយុ៥៥ឆ្នាំ មុខរបរមេផ្ទះ រយៈត្រង់ក្បាលចំនួន៣កន្លែង ២-ឈ្មោះ ហេង សុផាន់ណា ភេទស្រី អាយុ២១ឆ្នាំ មុខរបរនិស្សិត រងរបួសពកត្រង់ថ្ងាស ចំនួន៣កន្លែង និងរយះស្លឹកត្រចៀកខាងស្តាំ ព្រមទាំងមានស្នាមជាំត្រង់ក និង៣-ឈ្មោះ ថេង សេង ហៀក ភេទស្រី អាយុ២៦ឆ្នាំ មុខរបរនៅផ្ទះ។ អ្នកទាំង៣មានទីលំនៅ ភូមិ-សង្កាត់កើតហេតុខាងលើ។ ដោយឡែក ជនល្មើសឈ្មោះ ឯល អាហ្សូត ជនជាតិខ្មែរឥស្លាម អាយុ២១ឆ្នាំ មានទីលំនៅ អចិន្រ្តៃយិ៍ ភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល។</span></p>
<p><span style="color: #000000;">បើតាមរបាយការណ៍របស់នគរបាល នៅមុនពេលកើតហេតុ ជនរងគ្រោះបានមកមើល ផ្ទះរបស់ខ្លួនដែលទុកចោល (យូរៗមកមើលម្តង) លុះមកដល់ផ្ទះកើតហេតុ ជនរងបានចាក់សោចូលក្នុងផ្ទះ បានរៀបចំហូបបាយ នៅខាងក្រោមផ្ទះ ដោយមិនទាន់បានឡើងទៅលើផ្ទះទេ តែបានឃើញបាយដាំថ្មីៗ ក្នុងឆ្នាំងខ្សែភ្លើង និងមានពងទាមួយគ្រាប់ តែមិនចាប់អារម្មណ៍ទេ។</span></p>
<p><span style="color: #000000;">លុះដល់វេលាកើតហេតុខាងលើជនរងគ្រោះ ឈ្មោះ ហេង សុផាន់ណា បានឡើងផ្ទះជាន់ខាងលើ ដើម្បីយកខោរអាវ ស្រាប់តែឃើញជនល្មើសស្ទុះចេញពីក្រោយទូរដាក់ខោរអាវ មកច្របាច់ក និងយកអង្រែវាយទៅលើក្បាល ជនរងគ្រោះ។ ពេលនោះជនរងគ្រោះក៏បានខំប្រឹងស្រែកឮ ដល់ជនរងគ្រោះឈ្មោះហួរ លាងហេង ត្រូវជាម្តាយធំ បានឡើងទៅមើល។</span></p>
<p><span style="color: #000000;">ភ្លាមនោះជនល្មើសបានស្ទុះយកអង្រែ មកវាយចំក្បាលជាច្រើនអង្រែ ហើយរត់ចុះមកក្រោម ប្រុងចេញតាមទ្ធារមុខ ក៏បានជួប និងជន រងគ្រោះទី៣ ហើយបានដេញវាយ តែវាយមិនត្រូវ ដោយជនរងគ្រោះ បានបើកទ្ធាររត់ចេញទៅក្រៅស្រែកហៅឲ្យគេជួយ។</span></p>
<p><span style="color: #000000;">ឃើញដូច្នេះ ជនល្មើសបានរត់ចូលទៅក្នុងវិញ ឡើងទៅជាន់លើ រួចចុះតាមបង្អួចរត់គេចខ្លួនបាត់តែម្តង។ រហូតមកដល់វេលម៉ោង១៩និង០៥នាទី ជនល្មើសឈ្មោះ ឯល អាហ្សូត ក៏បានលួចចូលផ្ទះកើតហេតុម្តងទៀត ក្នុងគោលបំណងមកយកអត្តសញ្ញាណបណ្ណ័របស់ខ្លួន ដែលបានជ្រុះនៅកន្លែងកើតហេតុ ក៏ត្រូវសមត្ថកិច្ច ឃាត់ខ្លួនបានតែម្តង។</span></p>
<p><span style="color: #000000;">តាមចំលើយសារភាព ជនល្មើសបានឆ្លើយថា ខ្លួនពិតជាបានធ្វើសកម្មភាព ដូចខាងលើប្រាកដមែន ដោយបានលួចគាស់បង្អួច ផ្ទះកើតហេតុ ចូលទៅលាក់ខ្លួនតាំងពីម៉ោង១២យប់រំលងអាធ្រាត្រមកម្ល៉េះ ក្នុងគោលបំណងលួចទ្រព្យសម្បត្តិនៅក្នុងផ្ទះនោះ ដោយចូលទៅធ្វើសកម្មភាពតែម្នាក់ឯង ប៉ុណ្ណោះតែដោយគ្មានអ្វីៗត្រូវយក ហើយផ្ទះម្ចាស់មិននៅផង ខ្លួនក៏បាន</span><br /><span style="color: #000000;">ដេកនៅទីនោះទៅ។</span></p>
<p><span style="color: #000000;">បន្ទាប់ពីបញ្ចប់ការឲ្យធ្វើតម្រាប់ ជនសង្ស័យត្រូវបាននាំខ្លួន ទៅអធិការដ្ឋាននគរបាលក្រុងតាខ្មៅវិញ ដើម្បីកសាងសំណុំរឿងបញ្ជូន ទៅតុលាការចាត់ការតាមច្បាប់ ប៉ុន្តែតាមសេចក្តីរាយការណ៍ចុងក្រោយ ជនសង្ស័យចងក សម្លាប់ខ្លួនឯង នៅអធិការដ្ឋាននគរបាល ក្រុងតាខ្មៅបាត់ទៅហើយ៕</span></p>
<p><span style="color: #000000;"><img src="http://image.freshnewsasia.com/2017/112/fn-2017-02-23-12-51-39-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-23-12-51-39-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-23-12-51-39-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-23-12-51-39-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-23-12-51-40-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-23-12-51-40-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-23-12-51-40-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-23-12-51-40-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-23-12-51-40-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-23-12-51-40-9.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>