<p><span style="color: #000000;"><strong>(ភ្នំពេញ)៖</strong> តារាចម្រៀង ដែលមហាជនស្គាល់ថា តែងតែយកស្ទីលតែងខ្លួន និងស្ទីលរាំយ៉ាងរស់រវើក តាមកំពូលតារាចម្រៀងអាមេរិកលោក Michael jackson គឺតារាចម្រៀង ជុំ លីណូ កំពុងតែទទួលបានការគាំទ្រ នូវបទចម្រៀង Original song ថ្មីរបស់ខ្លួន ដែលទើបតែនឹងចេញជា MV ក្ដៅៗនេះ មានចំណងជើងថា «អត់លុយអត់លិឍ» បន្ទាប់ពីបទ «អត់សង្សារលើកដៃ» មានការគាំទ្រខ្លាំងរួចមក។</span></p>
<p><span style="color: #000000;">មានការចាប់អារម្មណ៍ថា បទ«ត់លុយអត់លិឍ»នេះ ចេញមុនថ្ងៃបុណ្យនៃក្ដីស្រឡាញ់មួយថ្ងៃ ហាក់ត្រូវចិត្តខ្លាំង សម្រាប់អ្នកដែលអត់សង្សារ។ លោក លីណូ ថា លោកតម្រូវចេញបទនេះ មុនថ្ងៃ១៤កុម្ភៈ មួយថ្ងៃលោកគិតថា បទនេះ និងត្រូវចិត្តយុវវ័យដែលអត់លុយ ហើយអត់សង្សារដូចគេ។ អតីតតារាចម្រៀង របស់សាន់ដេ រូបនេះបានឲ្យដឹងដែរថា លោកនិងប្រឹងប្រែងរិះរកអ្វីដែលថ្មី បន្ថែមទៀតដែល ក្រៅពីប្រឹងធ្វើបទ Original song លោកក៏ប្រឹងបំបែកក្បាច់រាំថ្មីៗប្លែកៗដើម្បីបម្រើអារម្មណ៍បងប្អូន ទស្សនិកជនបន្ថែមទៀត។</span></p>
<p><span style="color: #000000;">ខណៈដែលទើបទាញបានការគាំទ្របទ «អត់សង្សារលើកដៃ» ដែលជាបទ Original song លោក ជុំ លីណូ បានចេញ MV ស្នាដៃថ្មីមួយទៀតបទ «អត់លុយអត់លិឍ!» ដែលអត្ថន័យបទនេះ បុកចំបេះដូងយុវវ័យ ហើយក្រោយពេលបង្ហោះលើបណ្ដាញសង្គមភ្លាម ទាញបានការគាំទ្រគួរឲ្យភ្ញាក់ផ្អើល។ មួយរយៈចុងក្រោយនេះលោកជុំ លីណូ ដែលគេចាត់ទុកថាជាម៉ៃឃើលជេកសុនខ្មែរ ទាញបានការគាំទ្រតាមរយៈ បទចម្រៀងមួយចំនួនដូចជាបទ «យកប្រពន្ធខុស,ឥទ្ធិពលដុល្លារ» និងបទ Original song ដូចជាបទ « ខឹងបងកុំធ្វើបាបក្រពះ,ខ្លាចថ្ងៃមួយ, អត់សង្សារលើកដៃ» និងចុងក្រោយនេះកំពុងទទួល បានការគាំទ្របទ «អត់លុយអត់លិឍ»៕</span></p>
<p><span style="color: #000000;">នៅដើមឆ្នាំ២០១៧ នេះតារាចម្រៀង របស់ផលិតកម្ម Sastra លោកជុំ លីណូ ចាប់ផ្ដើមមានសន្ទុះគាំ ទ្រលេចធ្លោជាថ្មី បន្ទាប់ពីមានបទចម្រៀង Original song ចេញវាយលុកលើទីផ្សារ ជាបន្តបន្ទាប់។ ជាក់ស្ដែងបន្ទាប់ពីឆក់បានការគាំទ្របទ ញាក់«អត់សង្សារលើកដៃ» បានចេញបទហ្ស៊ីនអុកឡុកទីផ្សារម្ដងទៀត គឺបទ«អត់លុយអត់លិឍ» ហើយគ្រាន់តែបង្ហោះនៅលើបណ្ដាញសង្គមភ្លាម មានអ្នកចូលមើលខ្ទង់រាប់ម៉ឺននាក់ទៅហើយ និងមានអ្នក Comment លើកសរសើរទៀតផង។</span></p>
<p><span style="color: #000000;">តារាចម្រៀង ជុំ លីណូ បានថ្លែងឲ្យដឹងថា បទនេះជាស្នាដៃថ្មី ដែលលោកសម្រិតសម្រាំងនិពន្ធទំនុកច្រៀង និងមេឡូឌី ថ្មីដោយខ្លួនឯង ហើយលោកពិតជាសប្បាយ និងរំភើបចិត្តយ៉ាងក្រៃលែង នៅពេលដែលទទួលបានការគាំទ្រ ផ្ដល់កម្លាំង ចិត្តពីទស្សនិជន ជាពិសេសមិត្តយុវវ័យ៕</span></p>
<div class="fluid-width-video-wrapper"><span style="color: #000000;"><iframe id="fitvid302159" src="https://www.youtube.com/embed/n6MO6no0bYM" frameborder="0" width="500" height="415"></iframe></span></div>
<p> </p>
<p><span style="color: #000000;"><img src="http://image.freshnewsasia.com/2017/113/fn-2017-02-14-15-17-52-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-02-14-15-17-52-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-02-14-15-17-52-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>