<p>ប្រទេសវៀតណាម នឹងវិនិយោគទឹកប្រាក់ ៥លានដុល្លារ លើការដាំដើមអំពៅនៅខេត្តស្វាយរៀង <br />ក្នុងប្រទេសកម្ពុជា សម្រាប់ឆ្នាំ២០១២-២០១៣។</p>
<p>យោងតាមសារព័ត៌មានវៀតណាម ឲ្យដឹងថា ក្រុមហ៊ុនស្ករសរបស់វៀតណាមនឹងចូលហ៊ុនជាមួយ<br />ភាគីកម្ពុជា ក្នុងការដាំអំពៅលើផ្ទៃដី ៣៥០០ហិកតា ហើយការដែលវៀតណាមដាំអំពៅនៅកម្ពុជា <br />ដោយសារតែអំពៅនៅក្នុងប្រទេសវៀតណាម មានការប្រកួតប្រជែងច្រើន ជាមួយដំណាំផ្សេងទៀត <br />ដូចជាដំឡូង និងកៅស៊ូ ក្នុងការរកដីដាំដំណាំទាំងនោះ។</p>
<p><a class="thickbox" title="" href="/FileManager/Commons/2012/7/27/huyen20114201121343620-27-07-2012--16-54-57.jpg"><img src="/FileManager/Articles/mce/2012/7/27/huyen20114201121343620-27-07-2012--16-54-57.jpg" alt="" width="453" height="339" /></a></p>
<p>សារព័ត៌មាន បានបន្តថា អ្នកវិនិយោគរបស់វៀតណាម បានលើកឡើងការលំបាកនៃហេដ្ឋារចនា<br />សម្ព័ន្ធក្នុងប្រទេសកម្ពុជា ដើម្បីដឹកអំពៅទៅប្រទេសវៀតណាម ដែលប្រទេសទាំងពីរនឹងដោះស្រាយ <br />ដើម្បីផ្តល់ភាពងាយស្រួល។</p>
<p>គួរបញ្ជាក់ថា យោងតាមនាយកដ្ឋានពន្ធដាររបស់ប្រទេសវៀតណាម ការដោះដូរផ្នែកសេដ្ឋកិច្ច<br />រវាងប្រទេសទាំងពីរ នៅ៥ខែឆ្នាំ២០១២នេះ មានទៅដល់ ១៥០០លានដុល្លារ ដែលមានការកើន<br />ឡើង៣០ភាគរយ បើប្រៀបធៀបនឹងរយៈពេលដូចគ្នានៅឆ្នាំ២០១១៕</p>
<p style="text-align: right;">ដោយ ៖ សូរីយ៉ា<br />ប្រភព ៖ vod</p>