<p><span style="color: #000000;"><strong>(ម៉ូស្គូ)៖</strong> ការប្រកួតបាល់ទាត់ប្រជុំជើងខ្លាំងប្រចាំទ្វីបនីមួយៗ FIFA Confederations Cup នឹងធ្វើឡើងនៅឆ្នាំ២០១៧ ខាងមុខនេះ ដោយមានប្រទេសរុស្ស៊ីធ្វើម្ចាស់ផ្ទះ ដែលជាពាន១ ត្រូវប្រារព្ធធ្វើឡើង ដើម្បីសម្ពោធព្រឹត្តិការណ៍បាល់ទាត់ពិភពលោក World Cup 2018។</span></p>
<p><span style="color: #000000;">យោងតាមសេចក្តីប្រកាសព័ត៌មាននៅលើគេហទំព័រ FIFA បានបញ្ជាក់ថា ព្រឹត្តិការណ៍ដែលមានរយៈពេល ៤ឆ្នាំម្តងដូច World Cup ដែរនោះ នឹងចាប់ផ្តើមប្រកួតផ្លូវការនៅថ្ងៃទី១៧ ខែមិថុនា ដល់ថ្ងៃទី២ ខែកក្កដា ឆ្នាំ២០១៧ ដោយមាន ៨ក្រុមចូលរួមដែលជាជើងឯកប្រចាំទ្វីបនីមួយៗចូលរួមចែកចេញជា ២ពូល ដោយក្នុង១ពូលមាន ៤ក្រុម ធ្វើឡើងនៅ ៤ទីតាំងផ្សេងគ្នានៃប្រទេសរុស្ស៊ីគឺនៅទីក្រុង Saint Petersburg, Moscow, Kazan និងទីក្រុង Sochi។</span></p>
<p><span style="color: #000000;">សូមបញ្ជាក់ផងដែរថា ការចាប់ពូលត្រូវបានធ្វើឡើងរួចរាល់ហើយកាលពីថ្ងៃទី២៧ ខែវិច្ឆិកា ឆ្នាំ២០១៦ ដោយមានម្ចាស់ផ្ទះរុស្ស៊ី ស្ថិតក្នុងពូល A ជាមួយក្រុមជើងឯកមកពីទ្វីបអូសេអានី (OFC) ញូវហ្សេឡេន, ជើងឯកមកពីទ្វីបអឺរ៉ុប (UEFA) ព័រទុយហ្គាល់ និងជើងឯកមកពីតំបន់អាមេរិកខាងជើង (CONCACAF) ម៉ិចស៊ិក។</span></p>
<p><span style="color: #000000;">សម្រាប់ឯពូល B វិញ មានក្រុមជម្រើសជាតិឈីលី (Chile) ជើងឯកប្រចាំតំបន់អាមេរិកខាងត្បូង (CONMEBOL), ជើងឯកប្រចាំទ្វីបអាស៊ី (AFC) អូស្រ្តាលី និងម្ចាស់ពាន World Cup 2014 អាល្លឺម៉ង់ និង១ក្រុមទៀត ជើងឯកប្រចាំទ្វីប អាហ្វ្រិក (CAF) ដែលមិនទាន់បញ្ចប់ការប្រកួតនៅឡើយ។</span></p>
<p><span style="color: #000000;">សូមរំលឹកថា ប្រេស៊ីល ម្ចាស់ជើងឯក FIFA Confederations Cup 2013 កាលពីយកឈ្នះអេស្ប៉ាញ ៧-៦ ដោយបាល់ប៉េណាល់ទីកាត់សេចក្តីនៅវគ្គផ្តាច់ព្រ័ត្រក្នុងទឹកដីរបស់ខ្លួននោះ ពុំមានឡើងមកឡើយ ដោយឈីលីមកជំនួសវិញ ដោយសារតែឈីលី ជាម្ចាស់ជើងឯកប្រចាំតំបន់ CONMEBOL បន្ទាប់ពីឈ្នះពាន Copa America 2015 ក្នុងទឹកដីរបស់ខ្លួន ក្រោយយកឈ្នះអាហ្សង់ទីននៅវគ្គផ្តាច់ព្រ័ត្រ៕</span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/15128872_1812599138979603_7446666088810235201_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/15203358_1812599238979593_4125218171728653672_n.jpg?oh=f0d0878a42610caa9e9190948dd324b6&oe=58B86AB2" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/15220090_1812599145646269_2799343345330711620_n.jpg?oh=99f1b558c0f46ee4d509700ac9d3645a&oe=58FD1CC8" alt="" width="730" /></span></p>
<p><span style="color: #000000;"><img src="https://fb-s-d-a.akamaihd.net/h-ak-xfp1/v/t1.0-9/15178057_1812599135646270_4431526549913114972_n.jpg?oh=0830e4d9d74dd46daec77b16a71a5b19&oe=58B5267C&__gda__=1489636411_16f6c8310c997e2792c83ea61c93780c" alt="" width="730" /></span></p>
<p><span style="color: #000000;"><img src="https://fb-s-a-a.akamaihd.net/h-ak-xpt1/v/t1.0-9/15170971_1812599172312933_8623978450907441295_n.png?oh=1e58bfc9a9ea17b783e08b5f4f4941f6&oe=58B80546&__gda__=1488902609_a0243272ce9eb9cb5bb26f41b8bd0f2f" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/15267551_1812599218979595_9108720892756087562_n.png?oh=6e3135a27ecdf3fe9bd588b6ee2159e7&oe=58B3395B" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>