<p><strong>ភ្នំពេញ ៖</strong> ជនសង្ស័យ ២នាក់ ត្រូវប្រជាពលរដ្ឋនាំគ្នាព្រួតវាយរហូតទ្រមខ្លួន បន្ទាប់ពីពួកគេ<br />ធ្វើសកម្មភាព ឆក់ខ្សែកពីស្ត្រី ២នាក់ ដែលកំពុងជិះម៉ូតូតាមដងផ្លូវ កាលពីវេលាម៉ោង ៨និង<br />៥០នាទីព្រឹកថ្ងៃទី២២ ខែតុលា ឆ្នាំ២០១៣ នៅតាមបណ្តោយផ្លូវទេពផន (១៨២) កែងផ្លូវ២២៣<br /> ខាងលិចផ្សារដេប៉ូ ស្ថិតក្នុងសង្កាត់ផ្សារដេប៉ូទី១ ខណ្ឌទួលគោក។</p>
<p>នគរបាលមូលដ្ឋានបានឲ្យដឹងថា សង្ស័យទាំង ២នាក់ ត្រូវបានគេស្គាល់ទី១-ឈ្មោះ ជូ សត្យា<br /> ភេទប្រុស អាយុ ២០ឆ្នាំ ជាសិស្សថ្នាក់ទី១២ វិទ្យាល័យព្រះស៊ីសុវត្ថិ ស្នាក់នៅផ្ទះលេខ៣Q ផ្លូវ<br />២៩ សង្កាត់ទន្លេបាសាក់ ខណ្ឌចំការមន។ ទី២-ឈ្មោះ ពៅ ភត្រា ភេទប្រុស អាយុ១៨ឆ្នាំ ជា<br />សិស្សវិទ្យាល័យសន្ធរម៉ុក មានទីលំនៅភូមិទឹកថ្លា សង្កាត់ទឹកថ្លា ខណ្ឌសែនសុខ។ ចំណែក<br />ស្ត្រីរងគ្រោះទាំង ២នាក់នោះ មិនត្រូវបានគេស្គាល់អត្តសញ្ញាណនោះទេ ព្រោះក្រោយកើត<br />ហេតុ បានដណ្តើមយកខ្សែក ពីក្រុមជនសង្ស័យ ហើយជិះម៉ូតូចេញពីកន្លែង កើតហេតុបាត់។</p>
<p>សមត្ថកិច្ចបានឲ្យដឹងថា ការឃាត់ខ្លួនជនសង្ស័យទាំង ២នាក់នេះ ដកហូតបានម៉ូតូម៉ាក អាយ<br />ខុនពណ៌ផ្កាឈូកលាយស ពាក់ស្លាកលេខ ភ្នំពេញ 1AZ-3202 មួយគ្រឿង ដែលជាមធ្យោបាយ<br /> ធ្វើសកម្មភាព ឆក់នេះតែម្តង។</p>
<p>នគរបាលខណ្ឌទួលគោកបានឲ្យដឹងថា នៅមុនពេលកើតហេតុស្ត្រី រងគ្រោះទាំង២នាក់ នោះ<br />បានជិះម៉ូតូ១គ្រឿង ឌុបគ្នាដោយជិះ តាមបណ្តោយផ្លូវទេពផន (១៨២)ក្នុង ទិសដៅពីលិចមក<br />កើត លុះជិះមកដល់ចំណុច កើតហេតុក៏ស្រាប់តែមានជន សង្ស័យ២នាក់ ជិះម៉ូតូ ម៉ាកអាយ<br />ខុន មួយគ្រឿងមកអែបក្បែរ ហើយធ្វើសកម្មភាពឆក់យកខ្សែកពីស្ត្រី ម្នាក់នោះបានសម្រេច<br />តែម្តង ប៉ុន្តែជួបសំណាងអាក្រក់ នៅក្នុងហេតុការណ៍នោះ ម៉ូតូជនសង្ស័យ ប៉ះដៃចង្កូត ម៉ូតូ<br />ជនរងគ្រោះ បណ្តាល ឲ្យដួលនោះ ទើបជនសង្ស័យក៏ត្រូវប្រជាពលរដ្ឋព្រួតវាយរហូតទ្រោម។<br /> ចំណែកខ្សែកត្រូវស្ត្រីរងគ្រោះ ដណ្ដើមយកបានវិញ ហើយជិះម៉ូតូទៅ បាត់។</p>
<p>បច្ចុប្បន្ន សង្ស័យទាំង២នាក់ ត្រូវបានឃុំខ្លួនជាបណ្តោះអាសន្ន នៅអធិការដ្ឋាននគរបាល<br />ខណ្ឌទួលគោក ដើម្បីចាត់ការទៅតាមច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-030/Kosal-0230.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-030/Kosal-0231.jpg" alt="" width="500" /></p>
<p style="text-align: center;"><object width="500" height="400" data="http://www.youtube.com/v/7pg1QqOWDtk&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/7pg1QqOWDtk&rel=1" /></object></p>
<p style="text-align: left;"><span style="color: #000000;">ព័ត៌មានគួរឲ្យចាប់អារម្មណ៍ផ្សេងទៀត៖</span></p>
<p style="text-align: left;"><a href="/News/Detail/15982/21-people-set-sevles-on-fire"><span style="color: #0000ff;">- មនុស្ស ២១ នាក់ ដុតខ្លួនឯង ដើម្បីរ៉ៃអង្គាសប្រាក់ ជួយអ្នកក្រីក្រ (មានវីដេអូ)</span></a><a href="/News/Detail/49731/today-have-2-events-to-show-new-products"><span style="color: #0000ff;"><br />- ថ្ងៃនេះ នឹងមានព្រឹត្តិការណ៍ បង្ហាញផលិតផលថ្មីៗ ធំពីរផ្សេងគ្នា (Nokia & Apple)</span></a><a href="/News/Detail/9316/nokia-will-launch-compact-music-device-guru"><span style="color: #0000ff;"><br />- Nokia អាចនឹងបង្ហាញឧបករណ៍ស្តាប់តន្រ្តី Guru ដ៏តូច នៅព្រឹត្តិការណ៍ នារសៀលនេះ</span></a><a href="/News/Detail/5164/appears-official-photos-of-the-nokia-lumia-1320"><span style="color: #0000ff;"><br />- លេចចេញរូបភាពផ្លូវការ Nokia Lumia 1320 ស្មាតហ្វូន Lumia ស៊េរីមធ្យមអេក្រង់ធំ ៦ អ៊ីន</span> </a><a href="/News/Detail/4813/messi-appear-in-the-new-ad-galaxy-note-3"><span style="color: #0000ff;"><br />- អីយ៉ា! Samsung បោះទុនច្រើនជាមួយ Note 3 ណាស់តើ ជួលសុទ្ធតែ Messi ផ្សាយពាណិជ្ជកម្ម</span></a><a href="/News/Detail/64023/put-smartphone-under-trolley-to-go-sneaking-women"></a></p>
<p style="text-align: right;">ដោយ៖ LookingTODAY<br />ផ្តល់សិទ្ធិដោយ៖ ដើមអំពិល</p>