<p><span style="color: #000000;"><strong>(រុស្ស៊ី)៖</strong> បុរសជនជាតិរុស្ស៊ី អាយុ៤០ឆ្នាំម្នាក់ ឈ្មោះ Igor Gubanov បានសម្តែងការខឹងសម្បារជាខ្លាំង ហើយធ្វើការប្រឆាំងតវ៉ា នឹងក្រុមប៉ូលិសដោយយករណាអារដៃរៀងរាល់ថ្ងៃ ដើម្បីឲ្យគេព្រមទទួលយកថា ប្រពន្ធខ្លួនពិតជាត្រូវបានប៉ូលិស ចាប់រំលោភ មែន ខណៈដែលពួកគេត្រូវឃុំឃាំង ក្នុងពន្ធនាគារ។</span></p>
<p><span style="color: #000000;">ពិតជាស្រៀវណាស់ នៅពេលដែល Igor Gubanov យករណាអារចុងម្រាមដៃពីរ ដើម្បីឲ្យក្រុមប៉ូលិសទទួលស្គាល់កំហុសថា ប្រពន្ធខ្លួនពិតជាត្រូវបានគេរំលោភមែន ហើយចង់ឲ្យមានការបង្ហាញ វីដេអូជាភស្តុ តាង នៅថ្ងៃដែលខ្លួន និងប្រពន្ធជាប់ឃុំនៅក្នុងគុកនោះ ប៉ុន្តែទោះយ៉ាងណាប៉ូលិស មិនបានសហការធ្វើតាមឡើយ ដោយគ្រាន់តែបង្ហាញពីវីដេអូ កំឡុងពេលចោទសួរប៉ុណ្ណោះ។</span></p>
<p><span style="color: #000000;">Alexandr Dudik អ្នកនាំពាក្យនាយកដ្ឋានប៉ូលិស នៅ Magnitogorsk និយាយថា គ្មានភស្តុតាងបញ្ជាក់ថា ស្ត្រីជាប្រពន្ធ Igor Gubanov ត្រូវបានគេចាប់ រំលោភទេ តែ Gubanov នៅតែជឿថាប៉ូលិសលាក់ពីរឿងនេះ។</span></p>
<p><span style="color: #000000;">គួរបញ្ជាក់ថា កាលពីថ្ងៃត្រូវចាប់ខ្លួន Gubanov និងប្រពន្ធជាប់ចោទ ពីបទផឹកគ្រឿងស្រវឹង ហើយប្រព្រឹត្តមិនសមរម្យ នៅទីសាធារណៈ ហើយត្រូវប៉ូលិសចាប់ខ្លួនឃុំនៅគុកផ្សេងពីគ្នា ដែល Gubanov និយាយថា មានមន្ត្រីពីរនាក់ បានចូលទៅក្នុងគុកដាក់ប្រពន្ធ រួចវាយនិងរំលោភនាង៕</span></p>
<p><a class="thickbox" title="" href="/FileManager/Commons/2016/8/23/17f-23-08-2016--13-52-20.jpg"><img src="/FileManager/Articles/mce/2016/8/23/17f-23-08-2016--13-52-20.jpg" alt="" /></a></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>