<p><span style="color: #000000;">តាមប្រភពព័ត៌មានពីគេហទំព័រ Sammobile បានឲ្យដឹងថា លោក Mario Serrafeno ដែលជាសមាជិកម្នាក់មកពី Forum XDA Developers រស់នៅសហរដ្ឋអាមេរិច បានឲ្យដឹងថា គាត់ទទួលបានប្រអប់ "Note 7 Return Kit" មួយ ពីខាងក្រុមហ៊ុន Samsung។</span></p>
<p><a class="thickbox" title="" href="/FileManager/Commons/2016/10/12/1580892-12-10-2016--11-12-10.jpg"><img src="/FileManager/Articles/mce/2016/10/12/1580892-12-10-2016--11-12-10.jpg" alt="" /></a></p>
<p><span style="color: #000000;">នៅក្នុងប្រអប់ យើងអាចមើលឃើញមានប្រអប់តូចៗបន្តបន្ទាប់ចំនួន៤ ដាច់ពីគ្នា ប្រើដើម្បីដាក់ Note 7 ប្រគល់យកទៅត្រួតពិនិត្យ ហើយបណ្តាប្រអប់ទាំងនោះ សុទ្ធតែមានលទ្ធភាពអ៊ីសូឡង់។ ក្រៅពីនេះ នៅក្នុងប្រអប់នោះ ថែមទាំងមានស្រោមដៃសុវត្ថិភាពមួយគូផងដែរ។ Samsung បានស្រាយបញ្ជាក់ពីការដែលមានស្រោមដៃនេះ ដោយសារមានករណីមួយចំនួន អ្នកប្រើប្រាស់អាចនឹងមានប្រតិកម្ម ជាមួយនឹងស្រទាប់ក្រដាសសេរ៉ាមិចអ៊ីសូឡង់ នៅខាងក្នុងប្រអប់នេះ។</span></p>
<p><a class="thickbox" title="" href="/FileManager/Commons/2016/10/12/1580883-12-10-2016--11-12-34.jpg"><img src="/FileManager/Articles/mce/2016/10/12/1580883-12-10-2016--11-12-34.jpg" alt="" /></a></p>
<p><span style="color: #000000;">Samsung ក៏បានផ្ញើទៅអ្នកប្រើប្រាស់ នូវលិខិតសុំទោសមួយច្បាប់ នៅក្នុងប្រអប់ផងដែរ។ "សុវត្ថិភាព តែងតែជាអាទិភាពចម្បងគេសម្រាប់ពួកខ្ញុំ។ ពួកខ្ញុំដឹងថា ខ្លួនមិនបានបំពេញនូវបណ្តាបទដ្ឋានដែល អ្នកបានរំពឹងទុកនៅលើ Galaxy Note 7។ ដូច្នេះ ពួកខ្ញុំសូមការអភ័យទោសដោយស្មោះ", Samsung បានសរសេរដូច្នេះ។</span></p>
<p><a class="thickbox" title="" href="/FileManager/Commons/2016/10/12/1580889-12-10-2016--11-12-56.jpg"><img src="/FileManager/Articles/mce/2016/10/12/1580889-12-10-2016--11-12-56.jpg" alt="" /></a></p>
<p><span style="color: #000000;">ទន្ទឹមនឹងនោះ តាមរយះរូបភាពគំនូរមួយសន្លឹក ដែលបានភ្ជាប់មកជាមួយដែរនោះ Samsung ក៏បានប្រាប់អ្នកប្រើប្រាស់ ចូរប្រគល់ត្រឡប់ Galaxy Note 7 តាមរយះការដឹកជញ្ជូនតាមផ្លូវគោក ដោយសារតែស្មាតហ្វូននេះ មិនត្រូវបានទទួលដឹកជញ្ជូនតាមយន្តហោះនោះទេ ដោយអនុលោមតាមសេចក្តីសម្រេចរបស់ក្រុមហ៊ុនអាកាសចរណ៍មួយចំនួន។</span></p>
<p><a class="thickbox" title="" href="/FileManager/Commons/2016/10/12/1580886-12-10-2016--11-13-25.jpg"><img src="/FileManager/Articles/mce/2016/10/12/1580886-12-10-2016--11-13-25.jpg" alt="" /></a></p>
<p><span style="color: #000000;">បច្ចុប្បន្ននៅមិនទាន់ច្បាស់ថា អ្នកប្រើប្រាស់ទាំងអស់ដែលបានទិញ Galaxy Note 7 តាមរយះបណ្តាក្រុមហ៊ុនលក់រាយ បានទទួលប្រអប់ "Note 7 Return Kit" ដូចគ្នាដូច្នេះ ឬក៏អត់នោះទេ?</span></p>
<p style="text-align: center;"><object width="500" height="400" data="http://www.youtube.com/v/pySvc17K2jE&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/pySvc17K2jE&rel=1" /></object><strong><br /></strong></p>
<p><span style="color: #000000;"><span style="color: #000000;"><span style="color: #0000ff;"><em><span style="color: #000000;"><span style="color: #000000;"><a href="http://www.camnews.com.kh/News/Detail/39429/leaked-invitation-letter-to-show-launch-date-of-galaxy-s8"><span style="color: #0000ff;"><em>- លេចចេញលិខិតអញ្ជើញ បង្ហើបឲ្យដឹងពីថ្ងៃបង្ហាញខ្លួន Galaxy S8</em></span></a></span><a href="http://www.camnews.com.kh/News/Detail/29920/official-samsung-stop-to-produce-galaxy-note-7-forever"><span style="color: #0000ff;"><em><br /></em></span></a></span></em></span><span style="color: #0000ff;"><em><a href="http://www.camnews.com.kh/News/Detail/45054/official-samsung-vietnam-recovered-and-refunded-to-the-galaxy-note-7"><span style="color: #0000ff;">- Samsung វៀតណាម ប្រកាសប្រមូល Note 7 និងប្រគល់ប្រាក់ជូនវិញ ព្រមទាំងថែមជូន 67$ សម្រាប់ទិញផលិតផល Samsung ដទៃផ្សេងទៀត</span></a></em></span><span style="color: #0000ff;"><em><br /></em></span></span></span></p>
<p> </p>
<p style="text-align: right;"><strong><br /></strong><em>ប្រែសម្រួល៖ មង្គល</em><br /><em>ប្រភព៖ SamMobile, vreview</em></p>