<div class="article-content">
<p><strong>ភ្នំពេញ ៖</strong> មនុស្សពាក់ព័ន្ធមានស្រីមាន ប្រុស ១៣នាក់ ដែលត្រូវបានឃាត់ខ្លួនពី សំណាក់កម្លាំង<br />នគរបាល ការិយាល័យប្រឆាំងការជួញដូរមនុស្ស និងការពារអនិតិជនក្រសួងមហាផ្ទៃ និងកម្លាំង<br />នគរបាលមូលដ្ឋាន បានឡោមព័ទ្ធនិង ធ្វើការឃាត់ខ្លួន កាលពីយប់ថ្ងៃទី២៤ ខែ មេសា ឆ្នាំ២០១៣<br /> ស្ថិតនៅហាងលក់កាហ្វេ ជាប់គ្នាមួយកន្លែងម្ដុំត្រឡោកបែក គឺស្ដ្រីខ្មែរ កម្ពុជាក្រោម ចំនួន២នាក់<br /> អាចជាមេខ្លោង ក្នុងការប្រព្រឹត្ដអំពើជួញដូរផ្លូវភេទ ខណៈ ដែលមនុស្សផ្សេងទៀត ក្នុងនោះ ៨<br />នាក់ជា ជនរងគ្រោះ និង៣នាក់ជាសហការី ។</p>
<p>សូមបញ្ជាក់ថា កាលពីវេលាម៉ោង៧និង ៣០នាទីយប់ថ្ងៃទី២៤ ខែមេសា ឆ្នាំ២០១៣ ស្ថិតនៅហាង<br />លក់កាហ្វេ ដែលមានទីតាំងផ្ទះ លេខ៦បេ៧បេ និង៨បេ តាម បណ្ដោយផ្លូវ លេខ៥៩៨ សង្កាត់បឹង<br />កក់ទី២ ខណ្ឌទួល គោក ត្រូវបានកម្លាំងនគរបាលការិយាល័យ ប្រឆាំងការជួញដូរមនុស្ស និងការ<br />ពារអនីតិ ជនក្រសួងមហាផ្ទៃ ដោយមានការចូលរួម សហការពីកម្លាំងនគរបាលការិយាល័យ ប្រ<br />ឆាំងការជួញដូរមនុស្សនិងការពារអនីតិ ជនរាជធានីភ្នំពេញ និងកម្លាំងនគរបាលមូល ដ្ឋាន ដឹកនាំ<br />ដោយព្រះរាជអាជ្ញារង ហោ លីណា និងក្រឡាបញ្ជីរបស់លោក បានចុះ ទៅឡោមព័ទ្ធ ហើយឃាត់<br />ខ្លួនមនុស្សចំនួន ១៣នាក់ បន្ទាប់ពីទីតាំងហាងលក់កាហ្វេ ខាងលើនេះ ត្រូវបានគេរាយការណ៍ថា <br />លួច បង្កប់ការបម្រើសេវាផ្លូវភេទ ជូនភ្ញៀវ ។</p>
<p>ទាក់ទិនការបង្ក្រាបបទល្មើសការជួញដូរ ផ្លូវភេទ ជ្រកក្រោមហាងកាហ្វេខាងលើនេះ អនុប្រធាន<br />នាយកដ្ឋាន ប្រឆាំងការជួញដូរ មនុស្សនិងការពារអនីតិជន ក្រសួងមហាផ្ទៃ លោកឧត្ដមសេនីយ៍<br />ត្រី ស៊ុន រ៉ូ បានថ្លែងប្រាប់ មជ្ឈមណ្ឌលព័ត៌មានដើមអម្ពិល តាមទូរស័ព្ទ នៅរសៀលថ្ងៃទី២៥ ខែ<br />មេសា ឆ្នាំ២០១៣ ថា ក្រោយពីមានបទបញ្ជារបស់លោកឧត្ដម សេនីយ៍ទោ ប៉ុល ភិធេយ្យ ប្រធាន<br />នាយកដ្ឋានលោករួមជាមួយប្រធានការិយាល័យ ប្រឆាំងការជួញដូរមនុស្ស លោកសំបូ ម៉ាណា រិទ្ធ<br /> បានដឹកនាំកម្លាំងនគរបាលចំនួន ១៥នាក់សហការជាមួយកម្លាំងនគរបាល ជំនាញរាជធានីភ្នំពេញ<br /> និងមូលដ្ឋាន ចុះទៅ បង្ក្រាបទីតាំងលក់កាហ្វេ ដោយឃាត់ខ្លួន មនុស្សទាំងអស់ ចំនួន១៣នាក់ <br />ដើម្បីធ្វើការ សួងរនាំបន្ដទៀត ។</p>
<p>តាមរយៈការសួរនាំ ដោយផ្អែកលើភស្ដុ តាងនិងសាក្សី ព្រមទាំងការសារភាពពីសំណាក់មនុស្ស<br />ទាំង នេះ លោកឧត្ដមសេនីយ៍ ស៊ុន រ៉ូ បានបញ្ជាក់ ថា ជនសង្ស័យ ដែលជាប់ពាក់ព័ន្ធក្នុងករណីនេះ<br /> មានចំនួន៥នាក់ ក្នុងនោះស្ដ្រីពីរនាក់ ជា ខ្មែរកម្ពុជាក្រោម អាចមេខ្លោង ដែលបើក ហាងកាហ្វេ រួច<br />ហើយលួចបម្រើសេវាផ្លូវភេទ ដោយឡែកជន៣នាក់ទៀត ពីរនាក់ជាប្ដី ប្រពន្ធនិងគ្នា ប្ដីជាអ្នកជួយ<br />ការងារ ដូចជា រៀបចំម៉ូតូ ប្រពន្ធជាអ្នកជួយលក់បាយ និង ក្មេងស្រីម្នាក់ទៀត ជាអ្នកមើលការខុស<br />ត្រូវ នៅក្នុងហាង ។</p>
<p>យ៉ាងណាក៏ដោយ បើតាមលោកឧត្ដម សេនីយ៍ ស៊ុន រ៉ូ បានបញ្ជាក់ថា ការបញ្ជូនជន សង្ស័យប៉ុន្មាន<br />នាក់ទៅកាន់តុលាការនោះ មិនទាន់ធ្វើឡើងនៅឡើយទេ ដោយសារតែ ដំណើរការនៃការសាកសួរ<br /> ជុំវិញរឿងរ៉ាវ ទាំងនេះ បាននឹងកំពុងធ្វើនៅឡើយ មិនទាន់ បានបញ្ចប់ទេ ទំនងបន្ដរហូតដល់ថ្ងៃ<br />ស្អែក ទៀត ។ ចំពោះស្ដ្រីដែលជាមេខ្លោងទាំងពីរ នាក់ ត្រូវបានអនុប្រធានដ្ឋានរូបនេះ ប្រាប់ថា ទី១<br /> ឈ្មោះអ៊ុន ធៀង អាយុ៥៧ឆ្នាំ និងទី២ ឈ្មោះគឺ លាង អាយុ៦០ឆ្នាំ ជាខ្មែរ កម្ពុជា ក្រោម ។ ដោយ<br />ឡែកនារីចំនួន៨ នាក់ ដែលជាជនរងគ្រោះនោះ ត្រូវបានលោកអះអាងថា មានពីរនាក់អាយុ ១៧ឆ្នាំ <br />ហើយនារីរងគ្រោះទាំងនេះ និងត្រូវ ដោះលែងឱ្យត្រឡប់ទៅវិញ ក្រោយការបញ្ចប់សួរនាំ ។</p>
<p>លោកឧត្ដមសេនីយ៍ ស៊ុន រ៉ូ បានបន្ដថា ក្នុងប្រតិបត្ដិការចុះបង្ក្រាបហាងលក់កាហ្វេ ខាងលើនេះ <br />កម្លាំងសមត្ថកិច្ចបានរកឃើញ ស្រោមអនាម័យដែលប្រើរួចហើយជាច្រើនស្រោម ហើយសម្រាប់<br />ថ្លៃសេវារួមភេទ ចន្លោះពី១៥០០០រៀល ទៅ២ម៉ឺនរៀល សម្រាប់ការរួមភេទម្ដង ។</p>
<p>បច្ចុប្បន្នទាំងជនសង្ស័យពាក់ព័ន្ធ និងនារី រងគ្រោះទាំង១៣នាក់ ស្ថិតក្រោមការសាក សួរនៅឡើយ<br /> ពីកម្លាំងនគរបាលនាយកដ្ឋាន ប្រឆាំងការជួញដូរមនុស្ស និងការពារអនីតិ ជនក្រសួងមហាផ្ទៃ ៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-011/Hong-0276.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-011/Hong-0277.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-011/Hong-0278.jpg" alt="" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>