<p><strong>ភ្នំពេញ៖</strong> តារាសម្តែង ទើបមានឈ្មោះល្បីសន្សឹមៗ កញ្ញា ជេស ស៊ីកា បើគេសង្កេតមើលពីសន្ទុះ នៃការគាំទ្រ និងប្រជាប្រិយភាព ក្នុងទីផ្សារសិល្បៈរបស់នាង ក្នុងពេលបច្ចុប្បន្ននេះ ហាក់មានយឺអ៊ុនឡើងខ្ពស់គ្រាន់បើ បើធៀបទៅនឹងតារាស្រីចំណូលថ្មី មានវ័យប្រហែលគ្នានឹងនាង។ ប៉ុន្តែខណៈទីផ្សារសិល្បៈ កំពុងមានសន្ទុះឡើង ទៅមុខស្រាប់តែលេចដំណឹងថា តារារូបនេះ កំពុងជួបបញ្ហាវិបត្តិផ្លូវចិត្ត ធ្ងន់ធ្ងរ។</p>
<p>នៅក្នុងទំព័រទំនាក់ទំនង សង្គមហ្វេសប៊ុក របស់តារាស្រី ជេស ស៊ីកា ថ្មីៗនេះ គេបានប្រទះឃើញ នាង សរសេរបង្ហោះសារ ជាភាសារខ្មែរយ៉ាងខ្លី សម្តែងពីអារម្មណ៍បាត់បង់ស្នេហា ព្រោះតែបុរសដែល ខ្លួនស្រឡាញ់ គ្រោង នឹងទៅចាកចោល ពីជិវិតរបស់នាង។<br />តារាសម្តែង និងបង្ហាញម៉ូដវ័យក្មេង សាច់សខ្ចី ជេស ស៊ីកា មុននេះបន្តិច បានបង្ហោះសារខ្លីមួយ នៅ លើទំព័រហ្វេសប៊ុកផ្ទាល់ខ្លួន ធ្វើឲ្យអ្នកគាំទ្រភ្ញាក់ផ្អើល និងបាន Comment លើកទឹកចិត្ត កុំឲ្យនាងមានការពិបាកចិត្ត ព្រោះតែសង្សារបែកចិត្ត។ ពាក្យមួយឃ្លាយ៉ាងខ្លី តែបង្កប់អត្ថន័យរឿងស្នេហា របស់កញ្ញា ជេស ស៊ីកា បានសរសេរថា "កុំទៅចោលរូបអូនបានទេ ? បងក៏ដឹងដែរថា អូនស្រឡាញ់បង...! "<br />ចំពោះការបញ្ចេញសារ ជាលើដំបូងក្នុងហ្វេសប៊ុក ពីសំណាក់ ជេស ស៊ីកា នៅពេលនេះ បានធ្វើឲ្យមិត្ត ក្នុងហ្វេសប៊ុក បញ្ចេញមតិ តបទៅវិញថា "អត់អីទេអូន ស្អាតប៉ុណ្ណឹងដែរ ..បើគេទៅ ចាំបងរកឲ្យមួយ។ ចាំបងរកឲ្យមួយ…!"។</p>
<p>គេហទំព័រ LookingTODAY មិនទាន់អាច់ទំនាក់ទំនង សុំការបំភ្លឺ ពីសំណាក់ ជេស ស៊ីកា ជុំវិញ ព័ត៌មានខាងលើនេះ បានទេ នៅថ្ងៃនេះ។ ដូច្នេះ LookingTODAY នឹងព្យាយាមទាក់ទង ទៅសុំការបក ស្រាយពី កញ្ញា ជេស ស៊ីកា នៅពេលក្រោយ។</p>
<p>គួររំឭកថា កញ្ញា ជេស ស៊ីកា គឺជាតារាសម្តែង និងជាបង្ហាញម៉ូដវ័យក្មេង កំពុងតែឆក់បានទីផ្សារសម្តែ ងសិល្បៈច្រើន ខណៈកេរ្តិ៍ឈ្មោះ និងប្រជាប្រិយភាព ក៏ហាក់មានភាពលេចធ្លោ តាមរយៈនៃការដើរម៉ូដ សម្តែងខ្សែភាពយន្ត កាយវិកាខារ៉ាអូខេ និង ថតស្ប៉តពាណិជ្ជកម្មជាដើម។<br />ត្បិតតែតារាស្រីរូបស្រស់ ជេស ស៊ីកា ទើបតែឈានជើងចូលប្រឡូក ក្នុងអាជីពជាតារាសម្តែង និងបង្ហាញម៉ូដ ក៏ពិតមែន ប៉ុន្តែតារាវ័យ២១ឆ្នាំ រូបនេះ កាលពីថ្មីៗកន្លងទៅ បានបង្ហាញមហិច្ឆិតា យ៉ាងខ្ពស់ថា នៅថ្ងៃអនាគត សន្ទុះនៃការគាំទ្ររបស់នាង នឹងហក់ឡើងខ្លាំង អាចជួយឲ្យនាង ចាប់បានភាពល្បីឈ្មោះ ដូចតារារៀមច្បងមិនខាន៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-065/PISETH-0186.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-065/PISETH-0187.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-065/PISETH-0188.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/30293-2014-05-12-10-42-13.html" target="_blank">ផ្តល់សិទ្ធដោយ ៖ ដើមអម្ពិល</a></p>