<p><span style="color: #000000;"><strong>(ក្រុងម៉ូនិច)៖</strong> ក្លឹបជើងឯកអាល្លឺម៉ង់ Bayern Munich ទិញបានកីឡាករខ្សែការពារមកពីក្លឹប Borussia Dortmund បាន១រូបហើយ ក្រោមកិច្ចសន្យារយៈពេល៥ឆ្នាំ ដើម្បីបន្តលេងនៅកីឡដ្ឋាន Allianz Arena ។</span></p>
<p><span style="color: #000000;">តាមរយៈសារព័ត៌មាន BBC បានផ្សាយថា សម្រាប់តម្លៃខ្លួនមិនត្រូវបានក្លឹបដែលលេងនៅក្របខណ្ឌកំពូលអាល្លឺម៉ង់ Bundesliga ប្រាប់ឲ្យដឹងនោះទេ តែត្រូវបានគេប៉ាន់ប្រមាណថា ប្រហែលជាង ៣០លានផោនក្នុងការនាំមកខ្សែការពារអន្តរជាតិអាល្លឺម៉ង់ វ័យ២៧ឆ្នាំមកលេងនៅក្នុងក្លឹប Bayern Munich វិញក្រោមការដឹកនាំរបស់គ្រូបង្វឹកថ្មី Carlo Ancelotti ជំនួសកៅអីលោក Pep Guardiola ។</span></p>
<p><span style="color: #000000;">តាមពិតទៅ Hummels បានព្រមព្រៀងផ្លាស់មកលេងឲ្យ Bayern តាំងពីដើមខែឧសភា ឆ្នាំ២០១៦ គ្រាន់តែមិនទាន់ ប្រកាសជាផ្លូវការ ហើយ១ប្រកួតចុងក្រោយរបស់គេក្នុងក្លឹប Dortmund គឺពេលចាញ់ Bayern Munich ក្នុងពានលំដាប់ទី២ German Cup ក្នុងវគ្គផ្តាច់ព្រ័ត្រកាលពីរាត្រីថ្ងៃសៅរ៍សប្តាហ៍មុនដោយបាល់ប៉េណាល់ទី ៤-៣ ដែលបាន ក្លាយជាកីឡាករទី៣ ក្នុងការចេញពីក្លឹប Dortmund មកលេងឲ្យ Bayern រួមមាន Mario Gotze និង Robert Lewandowski ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/24/10a-24-05-2016--09-36-22.jpg"><img src="/FileManager/Articles/mce/2016/5/24/10a-24-05-2016--09-36-22.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>