<div class="article-content">
<p>ភ្នំពេញៈ ស្រ្តីវ័យចំណាស់ម្នាក់ រស់នៅក្នុងបន្ទប់ជួល ជាមួយកូនស្រី ដោយពឹងផ្អែក លើកូនស្រីជា<br /> កម្មការិនីរោងចក្រ ដើម្បីផ្គត់ផ្គង់ជីវភាពប្រចាំថ្ងៃ ដោយធ្វើមួយខែ គ្រាន់តែហូបមួយខែ ជាអកុសល<br /> នៅព្រឹក ថ្ងៃទី៣០ ខែតុលា ឆ្នាំ២០១៣ ស្រ្តីស្រីរូបនេះ បានទទួលមរណភាព បន្ទាប់ពីកូនបាន ដឹក<br />គាត់ចេញ ពីមន្ទីរ ពេទ្យមក វិញ ប៉ុន្តែអ្វីដែលគួរឲ្យសង្វេកនោះ នាងជាកូនស្រី រស់នៅតែលតោល<br />តែម្នាក់ឯង ហើយគ្មាន លុយធ្វើបុណ្យសព ជូនម្តាយ និងដឹកសពយកទៅបូជានោះទេ ។</p>
<p>កូនស្រីសព កញ្ញា សៅ ឈុន អាយុ១៩ឆ្នាំ ជាកម្មការិនីរោងចក្រកាត់ដេរ បានឲ្យបានដឹងថា ម្តាយ<br />របស់នាង មានឈ្មោះ ខឹម រីម អាយុ៥៥ឆ្នាំ ស្នាក់នៅ បន្ទប់ជួលកន្លែងកើត មានស្រុកកំណើត នៅ<br />ភូមិត្រពាំងខ្នា ឃុំពោធិ៍ម្រាល ស្រុកបសេដ្ឋ ខេត្តកំពង់ស្ពឺ ។</p>
<p>កញ្ញាសៅ ឈុន បានឲ្យដឹងទៀតថា កាលពីថ្ងៃទី២៧ ខែតុលា ឆ្នាំ២០១៣ ម្តាយរបស់នាងបានត្អូញ<br />ថា មិនស្រួលខ្លួន ក៏បានដឹកម្តាយទៅកាន់មន្ទីរពេទ្យ ដើម្បីជួយ ព្យាបាល លុះដល់ល្ងាចថ្ងៃទី២៩ ខែ<br />ឆ្នាំដដែល ក៏ បានដឹកម្តាយត្រឡប់មកបន្ទប់ជួលវិញ ជាអកុសលព្រឹកឡើង ពេលនាងបំរុងទៅធ្វើការ<br />រោងចក្រស្រាប់ តែម្តាយនាង មានស្ថានភាពប្រែប្រួលខ្លាំង បន្តិចក្រោយមកក៏ដាច់ខ្យល់ស្លាប់តែម្តង<br />ទៅ ធ្វើឲ្យការភ្ញាក់ ផ្អើលដល់អ្នករត់នៅជិតខាង ។</p>
<p>កញ្ញាបានបន្តទៀតថា ដោយសារតែជីវភាពក្រក្រី ពេលដែលម្តាយស្លាប់ នាងបានត្រឹមតែ សំកុកយំ<br /> ប៉ុណ្ណោះ ដោយសារតែនាងគ្មាន លុយបន្តិចសោះ ហើយបាន អង្វរបងប្អូនប្រជាពលរដ្ឋ ដែលរស់នៅ<br />ជិត ខាង ឲ្យជួយ ពេលនោះប្រជាពលរដ្ឋ ជិតខាងបានរៃអង្គាស់គ្នា បានប្រហែលជា៥០ដុល្លារ ជួយ<br />ដល់នាង ប៉ុន្តែប្រាក់៥០ ដុល្លារ គឺមិនគ្រប់ថ្លៃដឹកសព ម្តាយទៅបូជាផង ជាក់ស្តែងឃើញ នាងបាន<br />ត្រឹមតែឈរ នៅ ក្បែរសពម្តាយដើរចុះឡើង ។ សាកសពត្រូវបានបងប្អូន ប្រជាពលរដ្ឋសហការជា <br />មួយអាជ្ញាធរមូលដ្ឋាន ដឹកយកទៅតម្កល់ ទុកជាបណ្តោះអាសន្ន នៅវត្តត្រពាំងឈូក ក្នុងសង្កាត់កើត<br /> ហេតុ។</p>
<p>គួរបញ្ជាក់ដែរថា កាលពីកន្លងទៅក្នុងឆ្នាំ២០១១ ឪពុករបស់នាង បានស្លាប់ចោលម្តាយ របស់នាង<br />និងនាង ធ្វើឲ្យនាងកំព្រាឪពុកម្តងរួចមកហើយ ឥឡូវនេះ ម្តាយរបស់នាងស្លាប់ចោលនាងទៀត ធ្វើ<br />ឲ្យនាងរស់នៅ តែលតោលតែឯង ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-011/Hong-0689.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/October/id-011/Hong-0691.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/October/id-011/Hong-0690.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>