<p><span style="color: #000000;"><strong>(អាមេរិក)៖</strong> Selena Gomez តារាចម្រៀងអាមេរិកវ័យ២៤ឆ្នាំដែលជាអតីតគូស្នេហ៍របស់តារាប្រុស Justin Bieber ពេលនេះកំពុងធ្វើឲ្យមហាជនចាប់អារម្មណ៍ជាខ្លាំងនៅពេលដែលលេចឮដំណឹងថា តារាស្រីរូបនេះនឹងចំណាយប្រាក់ដ៏ច្រើនសន្ធឹកសន្ធាប់ទិញ រថយន្តស្ព័រដ៏ប្រណីតមួយគ្រឿងជូនជាកាដូថ្ងៃកំណើតដល់មិត្តប្រុសThe Weeknd នៅថ្ងៃទី១៦ ខែកុម្ភៈខាងមុខនេះ។</span></p>
<p><span style="color: #000000;">ប្រភពព័ត៌មានឲ្យដឹងថា Selena Gomez អាចនឹងចង់បញ្ជាក់ពីស្នេហាដ៏ជ្រាលជ្រៅរបស់នាងចំពោះគូស្នេហ៍វ័យ២៦ឆ្នាំរូបនេះដោយហ៊ានចំណាយប្រាក់យ៉ាងច្រើនទិញរថយន្តដ៏មានតម្លៃជូនគេដែលរថយន្តស្ព័រនោះត្រូវបានប៉ានប្រមាណតម្លៃប្រហែល ២.៦លានដុល្លារ ប៉ុន្តែបើនាងជ្រើសរើសយក Aston វាមានតម្លៃ $287,000 ប៉ុន្តែទោះជាយ៉ាងណា វាគ្រាន់តែស្ថិតក្នុងផែនការរបស់Selena ចង់ធ្វើឲ្យគូស្នេហ៍ភ្ញាក់ផ្អើលហើយយើងក៏មិនដឹងថានាងនឹងសម្រេច ទិញរថយន្តដ៏ថ្លៃបែបនេះមែនឬយ៉ាងណាឡើយ។</span></p>
<p><span style="color: #000000;">Selena និង The Weeknd ត្រូវបានមហាជនផ្តោតការចាប់អារម្មណ៍ពីទំនាក់ទំនងរបស់អ្នកទាំងពីរបន្ទាប់ពីពួកគេណាត់ជួបគ្នាកាលពីថ្ងៃទី១០ ខែមករា កន្លងទៅហើយបង្ហាញពីភាពសិចស៊ីខ្លាំងកំឡុងពេលរាត្រីនៅ Santa Monica ហើយគេនឹងរង់ចាំមើលថា Selena នឹងជូនកាដូដ៏ពិសេសបែបណាចំពោះគូស្នេហ៍នៅថ្ងៃទី១៦ ខែកុម្ភៈ ខាងមុខនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2017/2/12/21a-12-02-2017--15-52-44.jpg"><img src="/FileManager/Articles/mce/2017/2/12/21a-12-02-2017--15-52-44.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>