<div class="article-content">
<p><strong>ភ្នំពេញ៖</strong> យុវជនញៀនថ្នាំម្នាក់ បានវង្វេងវង្វាន់ ដេកកណ្តាលផ្លូវ ដោយសារតែ ប្រើថ្នាំញៀន <br />ខ្លាំងពេក ធ្វើទុក្ខមិនដឹងខុសត្រូវ អ្វីទាំងអស់ ក៏ដើរទ្រតទ្រោតមកប្រាស់ ដេកលក់ស្រម៉ុកខុល <br />នៅកណ្តាលផ្លូវ ធ្វើឲ្យអ្នកដំណើរជាច្រើននាក់ នឹកស្មានថា មានគ្រោះថ្នាក់អ្វី កើតឡើងចំពោះ<br />យុវជនរូបនោះ ហើយនាំគ្នាបើក យានយន្ត ជៀសគ្រប់ៗគ្នា។</p>
<p>ហេតុការណ៍ ភ្ញាក់ផ្អើលមានអ្នកញៀនថ្នាំ ដេកកណ្តាលផ្លូវ ធ្វើឲ្យអ្នកបើករថយន្តទាំងពួង បើក<br />ជៀសវៀងខាងលើនេះ បានកើតឡើងកាលពី វេលា ម៉ោង០៨ព្រឹក ថ្ងៃទី៣០ ខែតុលាឆ្នាំ២០១៣<br /> នៅចំណុចខាង មុខស្ថានទូតបារាំង តាមបណ្តោយ ផ្លូវព្រះមុនីវង្ស សង្កាត់ស្រះចក ខណ្ឌដូនពេញ។</p>
<p>អ្នកដំណើរ ដែលឈប់ រថយន្ត មើលហេតុការណ៍នោះ បាននិយាយថា នៅវេលាម៉ោងកើតហេតុ <br />យុវជនម្នាក់ អាយុជាង២០ឆ្នាំ ជាជនអនាថាញៀន ថ្នាំបានដើរទាំង សភាពទ្រេតទ្រោត ដល់ពាក់<br /> កណ្តាលផ្លូវ ក៏ដេកលក់តែម្តង ដោយមិនខ្លាច គ្រោះថ្នាក់ ម៉ូតូបុក ឬរថយន្ត កិននោះឡើយ ហើយ<br />ក្នុង ហេតុការណ៍នោះដែរ អ្នកដំណើរខ្លះ នឹកស្មានថា យុវជននោះមានគ្រោះថ្នាក់អ្វីកើតឡើង <br />ហើយក៏មានគេកាច់ មែកឈើមកដាក់ ជាសញ្ញាដើម្បី ឲ្យអ្នកដំណើរផ្សេងទៀត បើករថយន្តជៀស។</p>
<p>សាក្សីបានបន្តទៀតថា ប្រហែល១០នាទីក្រោយមក មានប្រជាពលរដ្ឋ មួយចំនួន បាន នាំគ្នាទៅ<br />លើកសែង យុវជនញឿនថ្នាំរូបនោះ ទៅដេកលើចិញ្ចើមផ្លូវ ក្បែររបងស្ថាន ទូតបារាំង ដើម្បីកុំឲ្យ<br />គ្រោះថ្នាក់៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0764.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/October/id-067/CH-0765.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>