<p>ត្រូវបានគេចាត់ទុកថា ជាការងារមួយដែលមានប្រាក់ខែខ្ពស់ ប៉ុន្ដែបុគ្គលិកបម្រើតាមយន្ដហោះ<br /> ក៏ត្រូវប្រឈមនឹងការលំបាកច្រើន ដែលពេលខ្លះរកស្មានមិនដល់។</p>
<p style="text-align: center;"><a class="thickbox" title="" href="/FileManager/Commons/2013/11/12/flight-attendants1-12-11-2013--10-16-54.jpg"><img src="/FileManager/Articles/mce/2013/11/12/flight-attendants1-12-11-2013--10-16-54.jpg" alt="" /></a></p>
<p><strong>លុះត្រាយន្ដហោះបានបិទទ្វារ ទើបត្រូវបានគេផ្ដល់ប្រាក់ ៖</strong> ប្រការនេះមានន័យថា ឧប្បត្តិ<br />ហេតុទាក់ទិននឹងជើងហោះហើរ ដូចជាពន្យាពេលចេញដំណើរ លុបចោលការហោះហើរជាដើម មិនត្រឹមតែមានការខាតបង់ចំពោះតែក្រុមហ៊ុនប៉ុណ្ណោះទេ ប៉ុន្ដែបុគ្គលិកនៅលើយន្ដហោះ ក៏ត្រូវ រងផលប៉ះពាល់។ នេះប្រហែលជាពួកគេ ទទួលប្រាក់ខែទៅតាមម៉ោងធ្វើការ។<br /><br />បើទោះជាក្រុមហ៊ុនខ្លះមានខ្ទង់ជំនួយបន្ថែមសម្រាប់បុគ្គលិក នៅពេលជួបបញ្ហាដូចខាងលើ ប៉ុន្ដែ<br /> វានៅមានកម្រិត។<br /> <br /><strong>ប្រកួតប្រជែងខ្លាំងក្លា ៖</strong> ដើម្បីបានធ្វើជាអ្នកបម្រើតាមយន្ដហោះ វាមិនមែនជារឿងងាយស្រួល ឡើយ ពិសេសនៅក្នុងក្រុមហ៊ុនធំៗ។<br /><br />ឆ្នាំ ២០១០ ក្រុមហ៊ុន Delta បានប្រកាសជ្រើសរើសបុគ្គលិកចំនួន ១០០០នាក់ ប៉ុន្ដែពួកគេទទួល បានពាក្យសុំធ្វើការដល់ទៅ ១០០,០០០ ច្បាប់។ ដូច្នេះ បណ្ដាបុគ្គលដែលត្រូវបានជ្រើសរើស ភាគច្រើនពួកគេបានបញ្ចប់បរិញ្ញាបត្រ ឬស្ទាត់ជំនាញភាសាទីពីរដែលក្រុមហ៊ុនត្រូវការ។<br /><br /><strong>ខ្ពស់ពេក ឬទាបពេក ៖</strong> ក្នុងបណ្ដាឆ្នាំនៃទសវត្សទី ៦០ ក្រុមហ៊ុន Pan Am ប្រកាសជ្រើសរើស តែនារីដែលមានកំពស់លើសពី ១,៥៨ម៉ែត្រ ទម្ងន់មិនលើសពី ៥៩គីឡូក្រាម និងត្រូវចូលនិវត្ត នៅពេលមានអាយុ ៣២ឆ្នាំ។ ជាងនេះ ពួកនាងមិនត្រូវបានអនុញ្ញាតឱ្យរៀបការ ឬមានកូន ក្នុងអំឡុងពេលនៅធ្វើការឱ្យក្រុមហ៊ុន។<br /><br /><strong>ត្រូវដេញចេញពីការងារ ដោយមូលហេតុមិនគួរឱ្យជឿ ៖</strong> បុគ្គលិកបម្រើតាមយន្ដហោះ ដែលទើបចូលថ្មី នឹងត្រូវបានតាមដានយ៉ាងម៉ត់ចត់ ពិសេសគឺរយៈពេល ៦ខែដំបូង។<br /><br />មកដល់ពេលនេះ មានករណីខ្លះ បុគ្គលិកត្រូវបណ្ដេញចេញពីការងារ ដោយសារតែយកអាវ ឯក សណ្ឋានមកចងចង្កេះ បន្លំធ្វើជាបុគ្គលិកពេញសិទ្ធិដើម្បីបានហោះមកផ្ទះ ពិសេសគឺធ្វើការនៅ ពេលកំពុងឈឺ។ <br /><br /><strong>សាកសពនៅលើយន្ដហោះ ៖</strong> ករណីលាកសាកសពនៅលើយន្ដហោះ បានកើតមានច្រើន ព្រោះតែតម្លៃដឹកតាមយន្ដហោះ ឡើងដល់ ៥,០០០ដុល្លារ។ ប៉ុន្ដែវាបង្កការលំបាកច្រើនដល់បុគ្គលិកបម្រើនៅលើយន្ដហោះ ដោយសារយន្ដហោះត្រូវចុះចត់ជាបន្ទាន់បន្ទាប់ពីប្រទះឃើញសាកសព។ <br /><br /><strong>ធ្វើអន្ដរាគមន៍ចំពោះភ្ញៀវដែលប្រើប្រាស់បន្ទប់ទឹកយូរពេក ៖</strong> ជាធម្មតា នៅលើយន្ដហោះដែលកំពុងហោះហើរ តែងមានភ្ញៀវ ចូលបន្ទប់ទឹកជាបន្ដបន្ទាប់ ដូច្នេះ នៅពេលមានភ្ញៀវរូបណាម្នាក់ ចូលបន្ទប់ទឹកយូរពេក នោះបុគ្គលិកនឹងធ្វើការដាស់តឿន។</p>
<p style="text-align: center;"><a class="thickbox" title="" href="/FileManager/Commons/2013/11/12/flightattendantstory-12-11-2013--10-17-37.jpg"><img src="/FileManager/Articles/mce/2013/11/12/flightattendantstory-12-11-2013--10-17-37.jpg" alt="" /></a></p>
<p><strong>ប្រឆាំងការជួញដូរមនុស្ស ៖</strong> បុគ្គលិកបម្រើលើយន្ដហោះ ស្ទើរតែទាំងអស់ មិននឹកស្មានថា ពួកគេគឺជាជំនួយការដ៏សំខាន់របស់នគរបាល ក្នុងការស្វែងរកឧក្រិដ្ឋជន ក្នុងនោះ រួមទាំងអំពើជួញដូរមនុស្ស។ <br /><br />ប្រការខាងលើនេះ បានចាប់ផ្ដើមឡើងដំបូង នៅពេលនារីអ្នកបម្រើលើយន្ដហោះម្នាក់ នៃក្រុមហ៊ុន American Airlines គឺនាង Sandra Fiorini បានរាយការណ៍អំពីករណីបុរសម្នាក់ អាយុ ១៨ឆ្នាំ កំពុងព្យាយាមលក់កូនក្មេង (ទារកទើបកើតនោះ នៅមានបង់បិទផ្ចិត និងមិនមានម្ដាយនៅក្បែរ)។ ក្រោយមក បុគ្គលិកលើយន្ដហោះ ត្រូវបានបង្ហាត់អំពីវិធីស្វែងរក និងជូនដំណឹងដល់មន្ដ្រីមានសមត្ថកិច្ច អំពីករណីខុសច្បាប់ដែលពួកគេសង្ស័យ។<br /><br /><strong>អតីតភាពការងារ និងប្រវែងសំពត់ ៖</strong> អតីតភាពការងារ មានឥទ្ធិពលខ្លាំងទៅលើវិស័យការងារបម្រើតាមយន្ដហោះ ប្រការនេះទាក់ទិននឹងរបបដែលពួកគេត្រូវទទួល។ ឧទាហរណ៍ ៖ ទីតាំងគ្រែដេកនៅក្នុងអាគារសម្រាប់អ្នកបម្រើតាមយន្ដហោះ ជើងហោះហើរ ឬម៉ោងហោះហើរ ជាដើម ក៏លំអៀងទៅរកបុគ្គលិកចាស់។<br /><br />ក្រៅពីនេះ អតីតភាពការងារ ក៏ទាក់ទិននឹងប្រវែងរបស់សំពត់ដែលពួកគេស្លៀក។ បុគ្គលិកបម្រើលើយន្ដហោះជាច្រើន ឱ្យដឹងថា អ្នកដែលធ្វើការបានច្រើនឆ្នាំ នឹងមានសិទ្ធិស្លៀកសំពត់ខ្លីជាង បុគ្គលិកថ្មី ដើម្បីទាក់ទាញការចាប់អារម្មណ៍។ យ៉ាងនេះក្ដី ក្រុមអ្នកបើកបរយន្ដហោះតែងចាប់អារម្មណ៍នឹងនារីដែលស្លៀកសំពត់វែង ព្រោះពួកគេដឹងថា ពួកគេជា “មាន់ថ្មី”។<br /><br /><strong>ស្ថានភាពច្របូកច្របល់ ៖</strong> ការពិតមួយដែលបុគ្គលិកភាគច្រើនបានជួបប្រទះ នោះគឺរបួសដែលពួកគេត្រូវរង គឺមិនត្រូវបានចាត់ទុកជាគ្រោះថ្នាក់ការងារនោះទេ លើកលែងតែ ករណីធំបំផុត ដែលប្រធានក្រុមបាត់បង់ការគ្រប់គ្រង ឬយន្ដហោះត្រូវខូចធ្ងន់។<br /><br />ករណីខាងលើនេះ យន្ដហោះនឹងត្រូវចុះចតដើម្បីធ្វើការស៊ើបអង្កេត (ប្រការដែលមិនមានបុគ្គលិកបើកបរណាម្នាក់ ចូលចិត្ត)។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/75891/italian-earning-4-euros-had-300mn-assets"><span style="color: #3366ff;">សេដ្ឋីប្រកាសថារកបាន ៥ដុល្លារក្នុងមួយឆ្នាំ ត្រូវរដ្ឋដកហូតទ្រព្យ</span></a></span></p>
<p><span style="color: #3366ff;"><a href="/News/Detail/16872/the-11-year-old-fashion-entrepreneur-behind-mos-bows"><span style="color: #3366ff;">អាយុ ១១ឆ្នាំ ក្លាយជាម្ចាស់ក្រុមហ៊ុន ផលិតបូគ្រប់ប្រភេទ</span></a></span></p>
<p><span style="color: #3366ff;"><a href="/News/Detail/75843/world-at-work-under-the-volcano"><span style="color: #3366ff;">យកជីវិតទៅប្ដូរនឹងប្រាក់ជាង ៥ដុល្លារ ក្នុងមួយថ្ងៃ នៅមាត់ភ្នំភ្លើង</span></a></span></p>
<p> </p>
<p style="text-align: right;">ប្រែសម្រួលដោយ ៖តារា<br />ប្រភព ៖ Mentalfloss<br /><br /></p>