<p><span style="color: #000000;"><strong>(ភ្នំពេញ)៖</strong> បន្ទាប់ពីមានដំណឹង នៃការចោទប្រកាន់ពីសំណាក់តារាចម្រៀងស្រី ចាស់វសង្សារ អ្នកនាង ម៉េង កែវពេជ្ជតា លើតារាស្រីវ័យក្មេង ទើបរះពន្លឺ និយមការស្លៀកពាក់សិចស៊ី កញ្ញា ដេននី ខ្វាន់ ជុំវិញរឿងផ្ញើសារគំរាមកំហែង តាមហ្វេសប៊ុក ភ្លាមៗនេះដែរ សាមីខ្លួននាង ដេននី ខ្វាន់ បានផ្ទុះប្រតិកម្ម ដោយធ្វើការបដិសេធ នឹងទាមទារឲ្យអ្នកនាង ម៉េង កែវពេជ្ជតា ត្រូវតែទទួលខុសត្រូវ ចំពោះទង្វើគ្មានការពិត ដែលបានចោទសម្ដៅទៅលើរូបនាង។</span></p>
<p><span style="color: #000000;">តារាស្រីសិចស៊ី និងល្បីឈ្មោះព្រោះតែជម្លោះពាក្យសម្ដី ជាមួយអ្នកសិល្បៈដូចគ្នាកញ្ញា ដេននី ខ្វាន់ បានសរសេរបង្ហោះ នៅលើបណ្តាញសង្គមហ្វេសរបស់ខ្លួន កាលពី១ម៉ោងមុននេះថា «ខ្ញុំសូមអះអាងថា ខ្ញុំមិនបានពាក់ពន្ធ័ រឿងសារបស់ជនអនាមិក គំរាមគំហែង ដែលគាត់ (ម៉េង កែវពេជ្ជតា) បានចោទមកលើខ្ញុំហ្នឹងទេ...ចឹងហើយខ្ញុំសូមឲ្យគាត់ចេញមុខ ទទួលខុសត្រូវលើការចោទប្រកាន់ មកលើនាងខ្ញុំ ព្រោះពាក្យដែលគាត់និយាយនេះ វាប៉ះពាល់ដល់កិត្តិយសរបស់ខ្ញុំខ្លាំងណាស់.. ខ្ញុំមិនដឹងនោះទេថា គាត់ធ្លាប់មានសត្រូវប៉ុន្មាននាក់ ចុះហេតុអ្វីបានមកចោទលើខ្ញុំ ដោយគ្មានភស្តុតាងសូម្បីបន្តិច!»។</span></p>
<p><span style="color: #000000;">តារាសម្តែងកញ្ញា ដេននី ខ្វាន់ បានបញ្ជាក់បន្ថែមថា «មនុស្សដូចខ្ញុំក្មេងមែនពិត ប៉ុន្តែហ៊ានធ្វើ គឺហ៊ានទទួល ហើយនាងខ្ញុំ មិនមានពេលឈ្លោះ ដូចគាត់នោះទេ នាងខ្ញុំមានកាងាររបស់ខ្ញុំ ខ្ញុំមិនចំណាយពេលវេលា ទៅលើការឈ្លោះនោះទេ ព្រោះវាអត់ប្រយោជន៍ណាមួយ រឿងវាបានចប់តាំងពីថ្ងៃ ដែលខ្ញុំសូមទោសគាត់មកម្ល៉េះ ចឹងហើយគ្មានហេតុផលអ្វី ដែលនាងខ្ញុំត្រូវទៅរវល់ទៀតនោះទេ។ នាងខ្ញុំនឹងទាមទារ តាមផ្លូវច្បាប់ និងសុំឲ្យគាត់សូមទោសខ្ញុំ ជាសាធារណៈ ចំពោះការចោទប្រកាន់ ដ៏ធ្ងន់ធ្ងរមួយនេះ..!»។</span></p>
<p><span style="color: #000000;">ប្រតិកម្មពីសំណាក់ តារាស្រីកញ្ញា ដេននី ខា្វន់ ខាងលើនេះ បានធ្វើឡើងក្រោយពេល មានសារព័ត៌មានក្នុងស្រុកមួយចំនួន ធ្វើការចុះផ្សាយថា តារាចម្រៀងសម្លេងរ៉ៃកណ្តឹង អ្នកនាង ម៉េង កែវពេជ្ជតា ចោទថា ជនអនាមិកដែលបានគំរាមកំហែង ពីសុវត្ថិភាពរបស់ខ្លួន តាមរយៈប្រព័ន្ធហ្វេសប៊ុក កាលពីពេលកន្លងមកនោះ គឺសង្ស័យជាតារាស្រីនាង ដេននី ខ្វាន់។ ប៉ុន្តែក្រោយពីមានព័ត៌មាននេះផ្ទុះឡើង បានធ្វើឲ្យកញ្ញា ដេននី ខ្វាន់ ក្តៅស្លឹកត្រចៀកទ្រាំពុំបាន ចេញមុខទាមទារ ឲ្យអ្នកនាង ម៉េង កែវពេជ្ជតា ទទួលខុសត្រូវ ចំពោះការចោទប្រកាន់ គ្មានភ័ស្តុតាង និងសុំទោសជាសាធារណៈតែម្ដង។</span></p>
<p><span style="color: #000000;">គេនៅចាំបានថា កាលពីកន្លងមក តារាចម្រៀង អ្នកនាង ម៉េង កែវពេជ្ជតា ក៏ធ្លាប់បានបង្ហោះសារ នៅលើទំព័របណ្តាញសង្គម ហ្វេសប៊ុកបង្ហាញពីការព្រួយបាអារម្ភ លើសុវត្ថិភាពផ្ទាល់ខ្លួន ខណៈមានជនអនាមិក បានបង្កើត Account Facebook ក្លែងក្លាយ ផ្ញើសារមកគំរាមធ្វើបាបនាង តាមរយៈរូបភាពផ្សេងៗ ជាបន្តបន្ទាប់នោះ។ កាលនោះអ្នកនាង ក៏បានលើកជាការសង្ស័យ លើបុគ្គលចំនួន២រូប ប៉ុន្តែមិនបានបញ្ចេញនោះទេ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13509067_1472612792765026_6500062292332961060_n.jpg?oh=0455557bcc45a3ee7055bfa93a9c40da&oe=57FC5198" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xtp1/v/t1.0-9/13507118_1472613019431670_2484234570732811199_n.png?oh=5776a2a0f026fce6882b262f378de784&oe=57EFE659&__gda__=1477286527_84d6dcc255aed11c4e6fbf85b75ca829" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13516514_1472612789431693_2292485066404832095_n.jpg?oh=8c29a3d817ed548d6f5db60526b59185&oe=58000AE9" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13528833_1472612796098359_8927630659077640116_n.jpg?oh=1210ef668bbb827bcb1fdfaaf72fe27e&oe=580B8490" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13557752_1472612839431688_6749352631184418178_n.jpg?oh=4e2a3818be924d14b44e78949fc6aa0d&oe=583773C1" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xal1/v/t1.0-9/13438797_1472612842765021_7405659207640943595_n.jpg?oh=58eb9f2ab35f6f8fdbe9a748e99699d0&oe=57FE486E&__gda__=1475161666_e37be40d4bd8ea035d76e692aee7ff5b" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xtf1/v/t1.0-9/13512015_1472612846098354_6622767324238823528_n.jpg?oh=8d03b229ea79c94071782829ff21dcdf&oe=57FDDD40&__gda__=1476076008_fd2936a96934a4b41b3754e0df88a269" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃិង</span></p>