<p><span style="color: #000000;"><strong>(ប៉ៃលិន)៖</strong> លោក កើត សុធា អភិបាលខេត្តប៉ៃលិន នៅព្រឹកថ្ងៃទី១៦ ខែកញ្ញា ឆ្នាំ២០១៦នេះ បានបើកកិច្ចប្រជុំជាមួយក្រុមការងារ រមនីយដ្ឋានភ្នំយ៉ាត ក្នុងសាលាខេត្តបៃលិន ដើម្បីពិភាក្សារឿងដាក់ឱ្យមានការសម្ដែងរបាំក្ងោកប៉ៃលិន នៅអាស្រមធំរបស់លោកយាយយ៉ាត។</span></p>
<p><span style="color: #000000;">ក្នុងកិច្ចប្រជុំនេះ អង្គប្រជុំបានមូលមតិសម្រេចដាក់ឱ្យមានការសម្ដែងរបាំនេះ នៅរាល់ថ្ងៃសៅរ៍ ឬថ្ងៃអាទិត្យ សម្រាប់ចែកជូនប្រជាពលរដ្ឋ និងភ្ញៀវទេសចរនានា បានចូលរួមទស្សនាកម្សាន្ត នាឱកាសបុណ្យភ្ជុំបិណ្យ ប្រពៃណីខ្មែរ ដែលនឹងចាប់ផ្តើមក្នុងពេលដ៏ខ្លីខាងមុខ។</span></p>
<p><span style="color: #000000;">ក្នុងឱ្យកាសនោះ លោកអភិបាលខេត្តបានឱ្យដឹងថា របាំក្ងោកប៉ៃលិន ជារបាំមួយដែលជាអត្តសញ្ញាណវប្បធម៌របស់ខេត្តប៉ៃលិន ហើយការសម្រេចសម្ដែងរបាំក្ងោកប៉ៃលិន នៅរាល់ថ្ងៃសៅរ៍ អាទិត្យនេះ គឺដើម្បីឱ្យភ្ញៀវទេសចរជាតិ និងអន្តរជាតិ ក៏ដូចជាប្រជាពលរដ្ឋខ្មែរ បានទស្សនាកម្សាន្ត និងបានយល់ដឹងកាន់តែច្បាស់ពី ប្រពៃណីវប្បធម៌ដ៏ល្អរបស់ខេត្តប៉ៃលិន។</span></p>
<p><span style="color: #000000;">ក្នុងនោះដែរ ក្រុមការងាររមនីយដ្ឋានភ្នំយ៉ាត ក៏មានផែនការរៀបចំវង់ភ្លេងពិណពាទ្យមួយវង់ទៀត ប្រចាំការនៅអាស្រមលោកយាយយ៉ាត សម្រាប់ឱ្យប្រជាពលរដ្ឋ ក៏ដូចជាភ្ញៀវទេសចរ អាចប្រគុំថ្វាយលោកយាយយ៉ាត ដែលជាអ្នកមានបារមីស័ក្កិសិទ្ធិក្នុងខេត្តប៉ៃលិន។</span></p>
<p><span style="color: #000000;">សូមបញ្ជាក់ថា ក្រុមការងាររមនីយដ្ឋានភ្នំយ៉ាត មានលោកស្រី ជា លាភ អភិបាលរងខេត្តបៃលិន ជាប្រធានក្រុមការងារ ដែលទើបតែបានបង្កើតឡើងដោយមានគណៈកម្មការជំនាញ ចំនួន៤ រួមមាន គណៈកម្មការសណ្តាប់ធ្នាប់, គណៈកម្មការទស្សនីយភាព, គណៈកម្មការទំនៀមទម្លាប់ និងគណៈកម្មការទេសចរណ៍ សម្រាប់ធ្វើការគ្រប់គ្រង អភិរក្ស និងអភិវឌ្ឍន៍តំបន់រមនីយដ្ឋានភ្នំយ៉ាតទាំងមូល ប្រកបដោយចីរភាព៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-16-10-58-40-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-16-10-58-40-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-16-10-58-40-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-16-10-58-41-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-16-10-58-41-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-16-10-58-41-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-16-10-58-41-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-16-10-58-41-7.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>