<p><span style="color: #000000;"><strong>(ម៉ានីល)៖</strong> អតីតកីឡាករប្រដាល់សកលជើងឯកពិភពលោក Manny Pacquiao បានយកលុយចំនួន ១៥០លានដុល្លារ ដែលទទួលបានពីការប្រកួតចាញ់កីឡាករអាមេរិក Floyd Mayweather ទៅសង់ផ្ទះ ១០០០ខ្នងឲ្យប្រជាជនក្រីក្រហ្វីលីពីន។</span></p>
<p><span style="color: #000000;">តាមរយៈគេហទំព័រ Amazyble បានចេញផ្សាយឲ្យដឹងនៅថ្ងៃព្រហស្បតិ៍ ទី២៧ ខែតុលានេះថា កីឡាករនិម្មិតរូប និងជាអ្នកនយោបាយ១រូបនៃប្រទេសហ្វីលីពីនបច្ចុប្បន្នផងនោះ បានយកថវិកាមួយចំនួន ក្នុងចំណោមថវិកាសរុប ១៥០លាន ដុល្លារ បន្ទាប់ពីប្រកួតចាញ់ Floyd Mayweather ដោយពិន្ទុកាលពីខែកញ្ញា ឆ្នាំ២០១៥ យកទៅសាងសង់ផ្ទះចំនួន ១០០០ខ្នង ចែកជូនជនគ្មានផ្ទះសម្បែងហ្វីលីពីនរស់នៅ។</span></p>
<p><span style="color: #000000;">កីឡាករវ័យ ៣៧ឆ្នាំដែលប្រកបអាជីពប្រដាល់ ២១ឆ្នាំមកនេះបានថ្លែងថា <strong>«ខ្ញុំសប្បាយចិត្តណាស់ ចំពោះការចំណាយ លុយក្នុងហោប៉ៅផ្ទាល់ខ្លួន សង់ផ្ទះឲ្យប្រជាជនខ្ញុំរស់នៅក្នុងខេត្ត Sarangani ហើយខ្ញុំនៅតែបន្តសកម្មភាពនេះដដែល ដោយគ្មានពាក្យរអ៊ូរទាំឡើយ ហើយក៏សុំអំពាវនាវឲ្យអ្នកមានទ្រព្យឯទៀតចូលរួមសកម្មភាពមនុស្សធម៌នេះផងដែរ»</strong>។</span></p>
<p><span style="color: #000000;">នេះជាលើកទី១ហើយសម្រាប់ Pacman ដែលធ្វើសកម្មភាពមនុស្សដែលមិនអាចកាត់ថ្លៃបាន ហើយវាស័ក្តិសមទៅនឹងអ្វីដែលរូបគេធ្លាប់បានលើកឡើងដែរថា <strong>«ការចូលប្រឡូកក្នុងឆាកនយោបាយ ក៏ជាការចូលរួម ចំណែកក្នុងជួយអភិវឌ្ឍន៍ និងប្រជាជនរបស់គេផងដែរ»</strong>។</span></p>
<p><span style="color: #000000;">សូមបញ្ជាក់ផងដែរថា Manny Pacquiao នឹងត្រូវឡើងសង្វៀនជាថ្មី ប្រកួតដណ្តើមខ្សែក្រវាត់ WBO ពីជើងខ្លាំងជនជាតិអាមេរិក Jessie Vargas នាព្រឹកថ្ងៃអាទិត្យ ទី៦ ខែវិច្ឆិកា ដែលជាការឡើងវ៉ៃលើកទី២ របស់គេក្នុងឆ្នាំ២០១៦នេះ ក្រោយពីផ្តួលកីឡាករ Timothy Bradley កាលពីខែមេសា ដោយពិន្ទុជាឯកច្ឆន្ទ៕</span></p>
<p><span style="color: #000000;"><img src="http://i2.wp.com/ta1.universaltelegra.netdna-cdn.com/wp-content/uploads/2016/10/Manny-Pacquiao-Released.jpg?resize=660%2C308" alt="" width="730" /></span></p>
<p><span style="color: #000000;"><img src="http://data1.ibtimes.co.in/cache-img-0-450/en/full/574748/1434024697_floyd-mayweather.jpg" alt="" width="730" /></span></p>
<p><span style="color: #000000;"><img src="https://static01.nyt.com/images/2015/05/04/sports/03boxingWEB/03boxingWEB-master675.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>