<p><span style="color: #000000;">បើប្រៀបធៀបទៅនឹង ក្រុមហ៊ុនទូរស័ព្ទដទៃទៀត HTC ហាក់ដូចជាឈានជើងយឺតជាងគេបន្តិចហើយ ក្នុងវិស័យផលិតស្មាតវ៉ច។ កាលពីមុនធ្លាប់មានព័ត៌មានចចាមអារាមជាច្រើន ស្តីពីគំរូនាឡិកាឆ្លាតវៃ ដែលបង្កើតដោយ HTC ប៉ុន្តែមកដល់ពេលនេះ រូបរាងរបស់វាយ៉ាងណា នៅតែស្ថិតក្នុងភាពអាថ៌កំបាំង នៅឡើយ។</span></p>
<p><span style="color: #000000;"><a href="http://www.camnews.com.kh/News/Detail/10223/iphone-7-has-5-demo-versions-to-test"><span style="color: #0000ff;"><em>អានអត្ថបទ៖ iPhone 7 មានម៉ូដែលសម្រាប់ធ្វើពិសោធ ដល់ទៅ ៥ម៉ូដែលផ្សេងគ្នា</em></span></a><br /></span></p>
<p style="text-align: center;"><a class="thickbox" title="" href="/FileManager/Commons/2015/12/3/htconewearconcept1-03-12-2015--20-38-25.png"><img src="/FileManager/Articles/mce/2015/12/3/htconewearconcept1-03-12-2015--20-38-25.png" alt="" /></a></p>
<p style="text-align: center;"><em>ម៉ូដែល SmartWatch One Wear របស់ HTC (រូបភាព៖ Concept-phone)</em></p>
<p><span style="color: #000000;">កាលពីពេលថ្មីៗនេះ គណនី Twitter <em>@Evleaks</em> បានបង្ហើបឲ្យដឹងថា HTC នឹងដាក់បង្ហាញស្មាតវ៉ច “One watch” នៅក្នុងខែកុម្ភះ ឆ្នាំក្រោយនេះ។ ជាក់ស្តែង ព័ត៌មានស្តីពីរូបរាង លក្ខណៈសម្បត្តិរបស់វា នៅមិនទាន់លេចចេញនូវពន្លឺនៅឡើយទេ។ </span></p>
<p><span style="color: #000000;">បើនិយាយពីព័ត៌មានចចាមអារាមកាលពីពេលកន្លងទៅថ្មីៗនេះ ស្មាតវ៉ចរបស់ HTC អាចនឹងមាន អេក្រង់មូល កំរិតបង្ហាញភាពច្បាស់ 360 x 360 pixel ប្រើប្រព័ន្ធប្រតិបត្តិការ Android Wear។ ឈ្មោះ កូដនៃឧបករណ៍នេះគឺ Halfbeak។</span></p>
<p><span style="color: #000000;"><span style="color: #000000;"><a href="http://www.camnews.com.kh/News/Detail/16099/moto-sport-360-will-be-sold-in-europe-on-18-december"><span style="color: #3366ff;"><em>អានអត្ថបទ៖ Moto 360 Sport នឹងដាក់លក់នៅថ្ងៃទី១៨ ខែធ្នូខាងមុខនេះ ដោយមានបន្ថែម GPS តម្លៃមិនផ្លាស់ប្តូរ</em></span></a></span><br /></span></p>
<p><span style="color: #000000;">នៅឯព្រឹត្តិការណ៍ពិព័រណ៍ MWC ឆ្នាំនេះ HTC ក៏ធ្លាប់បង្ហើបណែនាំឧបករណ៍ឆ្លាតវៃ ពាក់នៅកដៃមួយ ដែលមានឈ្មោះថា Grip។ ជាកស្តែង ជិតមួយឆ្នាំកន្លងផុតទៅហើយ គេនៅមិនទាន់ឃើញស្រមោល នៃឧបករណ៍នេះ បង្ហាញខ្លួននៅលើទីផ្សារនៅឡើយ។</span></p>
<p><span style="color: #000000;">ព្រឹត្តិការណ៍ពិព័រណ៍ Mobile World Congress 2016 នឹងប្រព្រឹត្តធ្វើឡើងចាប់ពីថ្ងៃទី ២២ ដល់ ២៥ ខែកុម្ភះ ខាងមុខនេះ ហើយវានឹងក្លាយជាវេទិការធំមួយ ដើម្បីឲ្យស្មាតវ៉ចរបស់ HTC ឡើងបង្អួតរាងផង ដែរ។ នៅក្នុងព្រឹត្តិការណ៍នេះ គេសង្ឃឹមថានឹងបានឃើញនូវការបង្ហាញខ្លួនរបស់ស្មាតវ៉ចលំដាប់ខ្ពស់ មួយ ជំនួសឲ្យស្មាតហ្វូន One M9 ៕</span></p>
<p><span style="color: #000000;"><span style="color: #000000;"><span style="color: #000000;"><a href="http://www.camnews.com.kh/News/Detail/19361/iphone-6c-metal-shell-will-launch-on-february-2016"><span style="color: #3366ff;"><em>អានអត្ថបទ៖ iPhone 6C សំបកធ្វើពីលោហធាតុ តម្លៃខ្ទង់ចាប់ពី ៤០០ដុល្លារ អាចបង្ហាញខ្លួននៅ ខែកុម្ភះ ឆ្នាំ២០១៦</em></span></a></span></span><br /></span></p>
<p> </p>
<p style="text-align: right;"><span style="color: #333333;">ប្រែសម្រួល៖ មង្គល</span><br /><span style="color: #333333;">ប្រភព៖ <em>@Evleaks, Zing</em></span></p>