<p><span style="font-size: 12px; color: #000000;">ព័ត៌មានអន្តរជាតិ ៖ របាយការណ៍ពីអឌ្ឍច័ន្ទក្រហម នៅថ្ងៃព្រហស្បត្តិ៍នេះឲ្យដឹងថា សាកសពជន អន្តោប្រវេសន៍ដល់ទៅ ១៣នាក់ ត្រូវបានរកឃើញនៅក្នុងកុងតឺន័រ ភាគខាងលិច ប្រទេស ល៊ីប៊ី ។ប្រភពដដែលបន្តឲ្យដឹងថា សាកសពជនអន្តោប្រវេសន៍ស្លាប់ទាំងអស់ ទំនងជាត្រូវបានគេចាក់ សោរបង្ខាំងទុកនៅក្នុងទូរកុងតឺន័រ អស់រយៈពេលជាច្រើនថ្ងៃ ខណៈពេលដែលមានការដឹកជញ្ជូន ទូរកុងតឺន័រ ទៅកាន់ឈូងសមុទ្រ Khoms ដែលជាផ្លូវទឹក រាល់ជនអន្តោប្រវេសន៍មានបំណង ធ្វើ ដំណើរកាត់សមុទ្រ Mediterranean ទៅកាន់ប្រទេសតំបន់អឹរ៉ុប។ </span></p>
<p><span style="color: #000000;">សេចក្តីថ្លែងការណ៍ ពីអឌ្ឍច័ន្ទក្រហមអោយដឹងថា ជនអន្តោប្រវេសន៍ដល់ទៅ ៥៦នាក់ ត្រូវបាន ជួយសង្គ្រោះពីក្នុងទូរកុងតឺន័រ ខណៈមួយចំនួនរងគ្រោះធ្ងន់ ក៏ដូចជា បាក់ដៃបាក់ជើង ។ គួររំឮកថា ល៊ីប៊ី គឺជាច្រកប្រទេសដ៏ចម្បង សម្រាប់ជនអន្តោប្រវេសន៍ ដែលព្យាយាមធ្វើដំណើរ និងភៀសខ្លួន ដោយឆ្លងកាត់ សមុទ្រ Mediterranean ចូលទៅកាន់បណ្តាប្រទេស តំបន់អឹរ៉ុប តួយ៉ាង ជនអន្តោ ប្រវេសន៍ដល់ទៅ ១៨១,០០០នាក់ បានធ្វើដំណើរឆ្លងកាត់ច្រកប្រទេសមួយនេះ ចូលទៅកាន់ ប្រទេសអ៊ីតាលី កាលពីឆ្នាំ ២០១៦ ៕</span></p>
<p><span style="color: #000000;"><a class="thickbox" title="" href="/FileManager/Commons/2017/2/24/24a-24-02-2017--11-00-26.jpg"><img src="/FileManager/Articles/mce/2017/2/24/24a-24-02-2017--11-00-26.jpg" alt="" /></a></span></p>
<p><span style="color: #000000;"> *បញ្ជាក់ ៖ រូបភាព ឯកសារ <br /><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ អ័រតេ </span></p>