<p><span style="color: #000000;"><strong>(អាមេរិក)៖</strong> Sinitta តារាចម្រៀងស្រីវ័យ៥៣ឆ្នាំ និងជាអតីតគូស្នេហ៍របស់ Brad Pitt បានប្រកាសថា នាងនិងរូបគាត់ហាក់កំពុងផ្សាភ្ជាប់ ទំនាក់ទំនងគ្នាឡើងវិញ បន្ទាប់ពីតារាប្រុសហូលីវូតរូបនេះ បានលែងលះជាមួយ Angelina Jolie ហើយនៅបន្តក្តីក្តាំរឿងកូនប៉ុណ្ណោះ ព្រមទាំងបញ្ជាក់ថា Pitt បានទូរស័ព្ទរកនាងទៀតផង។</span></p>
<p><span style="color: #000000;">ក្រោយពីឮដំណឹងនេះ មហាជនបានលើកឡើងថា រងើកភ្លើងស្នេហ៍ចាស់ អាចកម្រើកឡើងវិញទេ រវាងតារាប្រុសស្រីទាំងពីរ បន្ទាប់ពីពួកគេនៅលីវម្តងទៀត ប៉ុន្តែ Sinitta និយាយថា នាងនិង Pitt កំពុងរកពេលណាត់ជួបគ្នា។ តារាចម្រៀងស្រីរូបនេះ និយាយទាំងពេញចិត្តថា Pitt ជាបុរសពូកែថើបណាស់ ហើយគាត់ គឺជាតារាសម្តែងប្រុសពូកែផ្តល់ភាព កក់ក្តៅផងដែរ។</span></p>
<p><span style="color: #000000;">Sinitta និង Brad Pitt បានបែកបាក់គ្នា ហើយពួកគេក៏រៀបការដៃគូថ្មីរៀងខ្លួន គឺតារាស្រីរូបនេះ បានរៀបការជាមួយ Andy Willner និងរួមរស់ជាប្តីប្រពន្ធ ពីឆ្នាំ២០០២ ដល់ ២០១០ ជាពេល Pitt រៀបការជាមួយ Jennifer Aniston ជាប្តីប្រពន្ធ និងរួមរស់ជាមួយគ្នាកំឡុងឆ្នាំ២០០០ ដល់ ២០០៥ ក្រោយមកក៏រៀបការនឹង Angelina ក្នុងឆ្នាំ២០១៤ និងបានលែងលះ នៅឆ្នាំ២០១៦ នេះ។</span></p>
<p><span style="color: #000000;">តាំងពីបែកបាក់មក Brad Pitt និង Angelina មិនដែលជួបគ្នាឡើយ ទោះបីជាមានសំណូមពរពីកូនៗ ចង់ឲ្យឪពុកម្តាយទទួលទាន អាហាររួមគ្នាម្តងទៀត ក៏ដោយតែ Angelina បដិសេធហើយមហាជន រំពឹងថា អ្វីៗនឹងអាចដោះស្រាយបានរវាង អ្នកទាំងពីរនៅឆ្នាំក្រោយ៕</span></p>
<p><br /><a class="thickbox" title="" href="/FileManager/Commons/2016/12/29/3a-29-12-2016--15-24-27.png"><img src="/FileManager/Articles/mce/2016/12/29/3a-29-12-2016--15-24-27.png" alt="" /></a><br /><span style="color: #000000;"><img class="attachment-large wp-post-image" src="https://pmchollywoodlife.files.wordpress.com/2016/04/g-eazy-bio.jpg?w=300" alt="g-eazy-bio" width="741" height="500" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>