<p><span style="color: #000000;"><strong>ភ្នំពេញ៖</strong> ភ្នាក់ងារមជ្ឈមណ្ឌលព័ត៌មានដើមអម្ពិល បានរាយការណ៍ឲ្យដឹងថា នៅម៉ោងប្រមាណ០១៖១០យប់ចូលថ្ងៃទី០៤ ខែតុលា ឆ្នាំ២០១៥នេះ មានករណីបុរស៣នាក់បានស្លាប់ភ្លាមៗនៅនឹងកន្លែង ខណៈដែលមនុស្សម្នាក់ទៀតរងរបួសធ្ងន់ធ្ងរ ហើយវាយខ្ទេចរថយន្តផងដែរ ដោយសាររថយន្ត Mazda បើកបុកតាមបណ្តោយផ្លូវ១៩៨៦ ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ហើយព្យាយាមបើកគេច។</span></p>
<p><span style="color: #000000;">មិត្តភក្តិរបស់ជនរងគ្រោះបានប្រាប់ថា មុនកើតហេតុគាត់ និងរួមនិងគ្នាទាំងអស់៦នាក់ បានចេញមកពីហូបបបរសរ នៅភោជនីយដ្ឋានតាយតាយ ដែលនៅមិនឆ្ងាយពីកន្លែងគ្រោះថ្នាក់នេះប៉ុន្មានទេ បន្ទាប់ពីហូបហើយបាននាំគ្នាចេញមកវិញ ក្នុងគោលបំណងត្រឡប់ទៅផ្ទះ តែទើបតែជិះចេញ មិនទាន់បានប៉ុន្មានម៉ែត្រផង ស្រាប់តែមានរថយន្តម៉ាក Mazda ពណ៌ខ្មៅ ស្លាកលេខភ្នុំពេញ៖ 2AB-8801 បើកបរដោយបុរសម្នាក់រួម និងមិត្តភក្តិម្នាក់ទៀត ក្នុងទិសដៅកើតទៅលិច លុះបើកមកដល់មុខ Karaoke ឌីយ៉ាម៉ង់ បានបុកម៉ូតូពីក្រោយចំនួនពីរគ្រឿង បណ្តាលឲ្យបុរស៣នាក់ បានស្លាប់ភ្លាមៗនៅកន្លែ និងម្នាក់ទៀតរងរបួសធ្ងន់ធ្ងរ។</span></p>
<p><span style="color: #000000;">បន្ទាប់ពីបុកហើយម្ចាស់រថយន្តបានព្យាយាមបើករត់ បានចំងាយប្រហែល១០០ម៉ែត្រ ត្រូវបានអ្នកឃើញហេតុការណ៍ដេញ និងឃាត់បាន តែដោយសារកំហឹងរបស់ប្រជាជនដែលឃើញហេតុការណ៍នេះ ផ្ទាល់ភ្នែកបាននាំគ្នា វាយតៃកុងរថយន្តម្នាក់បណ្តាលឲ្យរងរបួសធ្ងន់ និងវាយរថយន្តខ្ទេចផងដែរ។ ប្រពន្ធជនរងគ្រោះបានសន្លប់នៅ កន្លែងកើតហេតុ ដោយបានឃើញប្តីរបស់ខ្លួនស្លាប់ដោយសាររថយន្តបុក។</span></p>
<p><span style="color: #000000;">សំរាប់អ្នករងរបួសត្រូវបានមន្ទីរពេទ្ ឃឹម រ៉ានី ចេញមកដឹកយកទៅទាំងរថយន្ត មិនមានផ្លាកសំរាប់សំគាល់អ្វីបន្តិចឡើយ ដើម្បីងាយស្រួលបិទបាំង មិនទទួលខុសត្រូវពេលមានគ្រោះថ្នាក់ចរាចរណ៌ ដែលបង្ករបង្កដោយរថយន្តរបស់ខ្លួន។ ហើយជាចុងក្រោយអ្នកបើកបរបង្ករួមទាំងរថយន្ត និងម៉ូតូទៅទុកនៅការិយាល័យចរាចរណ៌ក្រុងភ្នំពេញ៕</span></p>
<p><span style="color: #000000;"><a class="thickbox" title="" href="/FileManager/Commons/2015/10/4/10-04-10-2015--14-12-15.jpg"><img src="/FileManager/Articles/mce/2015/10/4/10-04-10-2015--14-12-15.jpg" alt="" /></a></span></p>
<p><a class="thickbox" title="" href="/FileManager/Commons/2015/10/4/11-04-10-2015--14-12-22.jpg"><img src="/FileManager/Articles/mce/2015/10/4/11-04-10-2015--14-12-22.jpg" alt="" /></a></p>
<p><a class="thickbox" title="" href="/FileManager/Commons/2015/10/4/12-04-10-2015--14-12-28.jpg"><img src="/FileManager/Articles/mce/2015/10/4/12-04-10-2015--14-12-28.jpg" alt="" /></a></p>
<p><a class="thickbox" title="" href="/FileManager/Commons/2015/10/4/21-04-10-2015--14-12-34.jpg"><img src="/FileManager/Articles/mce/2015/10/4/21-04-10-2015--14-12-34.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>