<p>Richard Chandler ម្ចាស់ក្រុមហ៊ុន Richard Chandler Corporation ធ្លាប់មានឈ្មោះល្បី នៅ<br />ពេលបានធ្វើវិនិយោគក្នុងវិស័យថាមពល និងហិរញ្ញវត្ថុ ជាមួយនិងបណ្ដាយីហោដែលមានប្រាក់<br />ចំណេញច្រើន ក្នុងអំឡុងពេល ពី ៣ ទៅ៥ឆ្នាំ។</p>
<p style="text-align: center;"><a class="thickbox" title="" href="/FileManager/Commons/2013/8/19/richard-chandler1-19-08-2013--10-39-42.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/19/richard-chandler1-19-08-2013--10-39-42.jpg" alt="" /></a>យោងតាមទស្សនាវដ្ដី Forbes ទ្រព្យសម្បត្ដិសរុបរបស់ Richard Chandler គិតមកដល់ខែមិនា<br />ឆ្នាំ ២០១៣ មានចំនួន ២,៨៥ពាន់លានដុល្លារ។</p>
<p>ទំព័រទស្សនាវដ្ដី Forbes បានឱ្យដឹងថា ទ្រព្យសម្បត្ដិសរុបរបស់ Richard Chandler គិតមកដល់<br />ខែមិនាឆ្នាំ ២០១៣ មានចំនួន ២,៨៥ពាន់លានដុល្លារអាមេរិក។ ប៉ុន្ដែ ដើម្បីបានទទួលជោគ<br />ជ័យនេះ Richard Chandler ក៏បានឆ្លងកាត់ឧបសគ្គធំៗរាប់មិនអស់។ <br /><br /><strong>អចលនទ្រព្យហុងកុង ក្រុមហ៊ុនដំបូងរបស់ Richard Chandler</strong><br /><br />ឆ្នាំ ១៩៨៦ Richard Chandler ដែលមានស្រុកកំណើតនៅ New Zealand បានចាប់ផ្ដើមការ<br />វិនិយោគដំបូងរបស់ខ្លួន ដោយមានទឹកប្រាក់ ១០លានដុល្លារអាមេរិក ដែលបានមកពីការលក់<br />ប្រព័ន្ធអាជីវកម្មដែលជាកេរឱពុករបស់លោក។ រួមជាមួយនិងប្អូនប្រុសម្នាក់ លោក Richard <br />Chandler ក៏បានបង្កើតក្រុមហ៊ុន Sovereign Global និងបានចាប់ផ្ដើមដំណើរការក្រុមហ៊ុនដំបូង<br />នេះ នៅហុងកុង ជាកន្លែងដែលពួកគេធ្លាប់បានមកទិញសម្ភារៈ សម្រាប់មុខជំនួញរបស់គ្រួសារ។<br /><br />ក្រោយពីបានស្វែងយល់ និងដឹងថា តម្លៃអចលនទ្រព្យនៅពេលនោះ បានធ្លាក់ចុះ ៧០% ធៀប<br />នឹងឆ្នាំ ១៩៨១ ខណៈដែលតម្លៃជួលផ្ទះនៅតែកើនឡើង ដូច្នេះ បងប្អូន Chandler បានសម្រេច<br />ចិត្តប្រើប្រាស់ទឹកប្រាក់ ៥,៨លានដុល្លាររបស់ពួកគេ និងប្រាក់កម្ចីធនាគារបន្ថែម ដើម្បីទិញអាគារ<br />ការិយាល័យចំនួន ៤ ដែលមានតម្លៃ ២៧,៦លានដុល្លារអាមេរិក។ <br /><br />បន្ទាប់ពីបានកែលំអខ្លះៗ តម្លៃជួលរបស់អាគារទាំងនេះ បានកើនឡើង ៣ដង ក្នុងរយៈពេល ៣ឆ្នាំ<br /> ហើយបាននាំមកនូវប្រាក់ចំណូលជាច្រើន ដែលអាចឱ្យបងប្អូន Chandler មានលទ្ធភាពទិញ<br />អចលនទ្រព្យដទៃ។ ឆ្នាំ ១៩៩១ នៅពេលដែលតម្លៃអចលនទ្រព្យបានប្រសើរឡើង ពួកគេក៏បាន<br />លក់អាគារទាំងនេះ ក្នុងតម្លៃ ១១០លានដុល្លារ។<br /><br /><strong>ទូរគមនាគមន៍ នៅ Brazil</strong><br /><br />នៅដើមទសវត្សទី ៩០ Richard ចាប់ផ្ដើមស្វែងរកឱកាសនៅទីផ្សារថ្មីទើបកម្រើក។ លោកបាន<br />ដឹងថា តម្លៃកំពុងតែប្រែប្រួលពីអចលនទ្រព្យ មកកាន់ទូរគមនាគមន៍ ហើយម៉ាស៊ីន Fax ពេល<br />នោះក៏កំពុងត្រូវគេចាប់អារម្មណ៍ច្រើន។ Richard ក៏រកបានក្រុមហ៊ុនមួយដែលមានតម្លៃទាប នៅ<br /> Brazil មានឈ្មោះថា Telebrás ។ <br /><br />ប៉ុន្ដែ តម្លៃនេះមិនមែនងាយស្រួលនោះទេ ដោយពេលនោះ សេដ្ឋកិច្ចរបស់ Brazil កំពុងស្ថិតក្នុង<br />ស្ថានភាព មានអតិផរណាខ្ពស់ នាំឱ្យការកំណត់តម្លៃដោយ តួលេខ P/E មិនមានប្រសិទ្ធិភាព។ <br />ពេលនោះ បងប្អូននៃគ្រួសារ Chandler បានគិតឃើញវិធីថ្មី នោះគឺប្រើប្រាស់តម្លៃគិតជា access l<br />ine (ខ្សែបញ្ជូនសញ្ញាទូរស័ព្ទពីក្រុមហ៊ុន ទៅកាន់អតិថិជ) ។<br /><br /><strong>តាមវិធីនេះ ក្រុមហ៊ុន Telebrás ត្រូវបានកំណត់តម្លៃ 200 USD/access line</strong> <br /><br />នៅពេលប្រាក់ចំណាយជាមធ្យមដើម្បីបំពាក់ប្រព័ន្ធបញ្ជូនសញ្ញាដូចគ្នានេះនៅ Brazil គឺ ប្រហែល<br /> ១,៦០០ដុល្លារ។ ជាមួយនិងការគិតខាងលើ ក្រុមហ៊ុន Sovereign Global របស់ Richard Chandler<br /> បានចំណាយប្រាក់ ៣០លានដុល្លារ ទិញភាគហ៊ុនរបស់ក្រុមហ៊ុន Telebrás ។ <br /><br />ជាលទ្ធផល នៅពេលទីផ្សារមួយផ្នែករបស់ Brazil បានល្អឡើងវិញ នៅឆ្នាំ ១៩៩៣ ក្រុមហ៊ុន <br />Sovereign Global ក៏បានលក់ភាគហ៊ុននេះ ដោយទទួលបានប្រាក់ ១៥០លានដុល្លារ។<br /><br /><strong>១០ឆ្នាំ នៅរុស្ស៊ី</strong><br /><br />ក្រុមហ៊ុន Sovereign Global បានវិនិយោគចូលក្នុងទីផ្សាររុស្ស៊ី ចាប់ពីឆ្នាំ ១៩៩៣ គឺនៅមុនពេល<br />ផ្សារហ៊ុននៃប្រទេសនេះ មិនទាន់មានរូបរាង។ រហូតដល់ចុងឆ្នាំ ១៩៩៤ ក្រុមហ៊ុន Sovereign <br />Global របស់បងប្អូន Chandler បានចំណាយប្រាក់ជាង ១៩៤លានដុល្លារ និងទទួលបានសិទ្ធិទិញ<br />យកភាគហ៊ុនរបស់ក្រុមហ៊ុនផលិត និងចែកចាយថាមពលធំៗមួយចំនួននៅរុស្ស៊ី។<br /><br />ដើមឆ្នាំ ១៩៩៦ Sovereign Global បានលក់ភាគហ៊ុនមួយចំនួន ដើម្បីយកប្រាក់ទិញភាគហ៊ុន<br />របស់ NLMK (ក្រុមហ៊ុនផលិតដែកថែប) ហើយក៏បានគ្រប់គ្រងក្រុមហ៊ុននេះ ចំនួន ២៥% ។ ប៉ុន្ដែ<br />ប្រាក់ចំណេញរបស់ក្រុមហ៊ុននេះ បានធ្លាក់ចុះពី ៤៨០ លានដុល្លារ ក្នុងឆ្នាំ ១៩៩៥ មកនៅ ៤០<br />លានដុល្លារឆ្នាំ ១៩៩៦ ដូច្នេះ វិនិយោគិនមួយចំនួនធំ បានចាកចេញ។<br /><br />ពីរឆ្នាំក្រោយមក បងប្អូន Chandler បានលក់ភាគហ៊ុននៅ NLMK ប៉ុន្ដែតម្លៃមិនត្រូវបានបញ្ចេញ<br />ឱ្យដឹងនោះទេ។ យ៉ាងនេះក្ដី អ្នកឯកទេសជឿថា ពួកគេលក់ក្នុងតម្លៃមិនមែនទាបនោះឡើយ នៅ<br />ពេលដែលប៉ុន្មានខែក្រោយមក ក្នុងការដាក់លក់ភាគហ៊ុននៅ London ក្រុមហ៊ុនNLMK ត្រូវបាន<br />កំណត់តម្លៃ ៨,៧ពាន់លានដុល្លារ។<br /><br />ដោយសារតែមានភាពជឿជាក់ បងប្អូន Chandlers បានវិនិយោគទៅលើ Gazprom ជាក្រុមហ៊ុន<br />ខ្នាតធំ ដែលផលិតឧស្ម័ន។<br /><br />ខែសីហា ឆ្នាំ ១៩៩៨ រុស្ស៊ីបានប្រកាសក្ស័យធន និងបញ្ចុះតម្លៃប្រាក់ Ruble ធ្វើឱ្យសេដ្ឋកិច្ចជួប<br />វិបត្ដិ។ ប៉ុន្ដែ បងប្អូនត្រកូល Chandlers នេះ បានប្ដេជ្ញាមិនចាកចោលក្រុមហ៊ុន ទោះជាប្រាក់វិនិ<br />យោគ ១ពាន់លានដុល្លារ ទៅក្នុង Gazprom បានបាត់បង់តម្លៃ ៨០% ។<br /><br />រយៈពេល ៤ឆ្នាំកន្លះក្រោយមក តម្លៃរបស់ Gazprom បានងើបឡើងវិញ។ ក្រុមហ៊ុន Sovereign<br /> Global បានលក់ភាគហ៊ុននៅចុងឆ្នាំ ២០១២ ហើយទទួលបានប្រាក់ចំណេញ ១២,៥% ។ <br /><br /><strong>ហិរញ្ញវត្ថុ និងធនាគារនៅជប៉ុន</strong><br /><br />ដោយមានទ្រព្យសរុប តម្លៃ ១,៤ពាន់លានដុល្លារ ឆ្នាំ ២០០២ Sovereign Global បានបណ្ដាក់ទុន<br />ទៅក្នុងវិស័យហិរញ្ញវត្ថុនៅជប៉ុន ដែលពេលនោះកំពុងមានបញ្ហា។ <br /><br />ប៉ុន្ដែ មកដល់ឆ្នាំ ២០០៦ ការវិនិយោគនេះ បានកើនដល់ ៣ពាន់លានដុល្លារ។ ក្នុងនោះ ២,៧ពាន់<br />លានដុល្លារ ត្រូវបានវិនិយោគទៅលើ Mizuho ដែលជាធនាគារធំទី ៣ក្នុងលោក។<br /><br />ក្រៅពីបណ្ដាប្រទេសខាងលើ ក្រុមហ៊ុន Sovereign Global របស់ Richard ក៏បាន និងកំពុងពង្រីក<br />ខ្លួននៅក្នុងប្រទេសជាច្រើនផ្សេងទៀតផងដែរ៕<br /><br /></p>
<p style="text-align: right;"><br />ដោយ ៖ តារា<br />ប្រភព ៖ Forbes/DN</p>