<p><span style="color: #000000;">ព័ត៌មានអន្តរជាតិ ៖ សហពីលុត បើកយន្តហោះ ក្រុមហ៊ុនអាកាសចរណ៍ ដែលរងនូវមន្ទិលសង្ស័យថា មានចេតនាបើកយន្តហោះ ទម្លាក់ បុកទៅនឹងជ្រលងភ្នំ Alps ប្រទេស បារាំងនោះ បានប្រកាស តាំងពី ដើមរៀងមក រួចមកហើយ ពីជម្ងឺធ្លាក់ទឹកចិត្តធ្ងន់ធ្ងររបស់ខ្លួន ទៅ ដល់ ក្រុមហ៊ុនអាកាសចរណ៍ នេះបើ តាមការគូសបញ្ជាក់អោយដឹង ពីក្រុមហ៊ុន Lufthansa ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/1/20-01-04-2015--09-38-34.jpg"><img src="/FileManager/Articles/mce/2015/4/1/20-01-04-2015--09-38-34.jpg" alt="" /></a><br /></span></p>
<p><span style="color: #000000;">គួរបញ្ជាក់ថា ក្រុមហ៊ុន Lufthansa ដែលគ្រប់គ្រងលើក្រុមហ៊ុនអាកាស ចរណ៍ Germanwings ស្រាយបំ ភ្លឺកាលពីអំឡុងសប្តាហ៍កន្លងទៅនេះ អោយ ដឹងថា សហពីលុត លោក Andreas Lubitz បានឈប់ សម្រាកពីការហ្វឹកហ្វើន ពីស្ថាប័នហោះហើរ មួយរយៈ ប៉ុន្តែ មិនបានប្រាប់ពីមូលហេតុជាក់ស្តែងនោះទេ </span></p>
<p><span style="color: #000000;">ទើបតែមកទល់នឹងបច្ចុប្បន្នភាពនេះ ក្រុមហ៊ុនខាងលើ បានធ្វើការចែករំលែក អ៊ីម៉ែល ពីឆ្នាំ ២០០៩ សរ បញ្ជាក់យ៉ាងច្បាស់ថា លោក Lubitz ធ្លាប់បានប្រាប់គ្រូដឹកនាំរបស់ខ្លួន អោយដឹងថា ខ្លួនបានទទួលរង ជម្ងឺធ្លាក់ទឹកចិត្តធ្ងន់ធ្ងរ ដូច្នេះ ត្រង់ប្រការនេះ មានន័យថា ក្រុមហ៊ុន អាកាសចរណ៍ខាងលើ ពិតជាបាន ដឹងរួចមកហើយ ថាសហពីលុតរូបនេះ កាលពីអតីតកាល ធ្លាប់មានប្រវត្តិនៃជម្ងឺផ្លូវចិត្តធ្ងន់ធ្ងរ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/1/22-01-04-2015--09-38-43.jpg"><img src="/FileManager/Articles/mce/2015/4/1/22-01-04-2015--09-38-43.jpg" alt="" /></a><br /></span></p>
<p><span style="color: #000000;">ដោយឡែក សេចក្តីរាយការណ៍ ពីកន្លែងយន្តហោះធ្លាក់អោយដឹងថា បណ្តា បំណែក សាកសព ជនរង គ្រោះធ្លាក់យន្តហោះទាំងអស់ ត្រូវបានរកឃើញហើយ ។ អាជ្ញាធរ ប្រទេស បារាំង ស្រាយបំភ្លឺដល់សារ ព័ត៌មាន AFP អោយដឹងថា បណ្តាបំណែកសាកសព ជនរង គ្រោះធ្លាក់យន្តហោះ ទាំងអស់ ត្រូវបានរក ឃើញ និងយកចេញពីជ្រលងភ្នំជ្រៅហើយ ជាទីកន្លែងដែល យន្តហោះធ្លាក់ចុះ ប៉ុន្តែ ក្រុមការងាររុករក និងវិលត្រលប់ទៅកន្លែងកើេហេតុ សាជាថ្មី នៅថ្ងៃពុធនេះ គោល បំណងស្វែងរក របស់របរ ប្រើប្រាស់ ផ្ទាល់ខ្លួន នៃជនរងគ្រោះទាំងអស់ ។ ទន្ទឹមនឹងគ្នានេះដែរ ការ តា មដាន និងស្រាវជ្រាវរុករក ឧបករណ៍ ថតទិន្នន័យហោះហើរ ទី ២ នឹងបន្តដូចគ្នាដែរ ។ </span></p>
<p><span style="color: #000000;">យ៉ាងណាមិញ អំឡុងថ្ងៃអង្គារ ម្សិលមិញនេះ កាសែត អាល្លឹម៉ង The Bild និងទស្សនាវដ្តី បារាំង Paris Match អោយដឹងថា ពួកគេ ទទួលបានវីដេអូមួយ សរ បញ្ជាក់អោយដឹង ពីវិនាទីចុងក្រោយ មុនពេល យន្តហោះធ្លាក់ ។ វីដេអូនោះ គឺ ផ្តិត ចេញពីទូរស័ព្ទដៃ នៅក្នុងយន្តហោះខាងលើ ដោយបានថតជាប់ អាថ៍សម្លេង សម្រែកស្រែក នៃ ក្រុមអ្នកធ្វើដំណើរ និង សម្លេង វត្ថុវវាយទៅលើទ្វារ បន្ទប់កាប៊ិន ជាដើម មុនបន្តិច មុនយន្តហោះធ្លាក់ចុះ ផ្ទាល់តែម្តង ៕ (The footage was shot on a mobile phone inside the plane, and recorded the sound of passengers screaming and the sound of a metal object striking the cockpit door, the newspapers said)<br /></span></p>
<p><span style="color: #0000ff;"><a href="/News/Detail/21957/alps-crash-lubitz-had-treatment-for-suicidal-tendencies" target="_blank"><span style="color: #0000ff;">- អាន ៖ រកឃើញ ពីលុត រងមន្ទិលសង្ស័យ បើកយន្តហោះ ទម្លាក់ ធ្លាប់ ប៉ុនប៉ង សម្លាប់ខ្លួន រហូតព្យាបាលជម្ងឺផ្លូវចិត្ត</span></a></span><a href="/News/Detail/21957/alps-crash-lubitz-had-treatment-for-suicidal-tendencies" target="_blank"><br /></a></p>
<p><a class="thickbox" title="" href="/FileManager/Commons/2015/4/1/21-01-04-2015--09-38-25.jpg"><img src="/FileManager/Articles/mce/2015/4/1/21-01-04-2015--09-38-25.jpg" alt="" /></a></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>