<p>Hurricane, cyclone និង typhoon គឺជាពាក្យដែលត្រូវបានគេប្រើប្រាស់ដើម្បីនិយាយអំពីបណ្ដា ព្យុះ ប៉ុន្ដែឈ្មោះផ្សេងៗគ្នានេះ គឺយោងទៅលើទីកន្លែងដែលព្យុះកើតជារូបរាង និងបង្ហាញខ្លួន។<br /><br />ជាក់ស្ដែង Hurricane, cyclone និង typhoon សុទ្ធតែជាពាក្យដែលប្រើសម្រាប់និយាយ អំពីព្យុះ សមុទ្រធំៗ ដែលវាយលុកមកលើដីគោក នៅពាសពេញពិភពលោក។ ភាពខុសគ្នាក្នុងការប្រើ ប្រាស់ឈ្មោះ គឺគ្រាន់តែយោងទៅលើទីកន្លែងដែលព្យុះនោះកើតឡើង និងបង្ហាញខ្លួន។</p>
<p style="text-align: center;"><a class="thickbox" title="" href="/FileManager/Commons/2013/11/12/tropicalregions-12-11-2013--17-06-17.jpg"><img src="/FileManager/Articles/mce/2013/11/12/tropicalregions-12-11-2013--17-06-17.jpg" alt="" width="466" height="349" /></a></p>
<p><br />Hurricane គឺជាឈ្មោះដែលត្រូវប្រើដើម្បីនិយាយអំពីខ្យល់កំបុតត្បូងនៅមហាសមុទ្រ Atlantic , សមុទ្រ Caribbean , តំបន់កណ្ដាល និងឦសាននៃសមុទ្រ Pacific ។ Hurricane ត្រូវបានប្រើប្រាស់ដោយយោងទៅលើឈ្មោះរបស់បីសាចមួយ នៅសមុទ្រ Caribbean ដែលមានឈ្មោះថា Hurricane ។<br /><br />នៅភាគពាយព្យនៃសមុទ្រ Pacific បណ្ដាព្យុះដែលមានកម្លាំងខ្លាំង ត្រូវបានគេហៅថា typhoon ។ ចំណែក cyclone ត្រូវបានប្រើប្រាស់ដើម្បីនិយាយអំពីបណ្ដាព្យុះដែលកើតឡើង និងបង្ហាញខ្លួន នៅភាគខាងត្បូងនៃសមុទ្រ Pacific និងសមុទ្រឥណ្ឌា។<br /><br />បណ្ដាព្យុះត្រូវបានគេដាក់ឈ្មោះ និងចាត់ទុកជាព្យុះត្រូពិក នៅពេលវាមានល្បឿន ៦៣គីឡូម៉ែត្រ/ម៉ោង និងត្រូវបានបែងចែកជា hurricane, typhoon ឬ cyclone នៅពេលកម្លាំងខ្យល់ឡើងដល់ ១១៩គីឡូម៉ែត្រ/ម៉ោង។<br /><br />យោងតាមទំព័រ Saffir-simpson កម្រិតសម្រាប់បែងចែកប្រភេទនៃខ្យល់កំបុតត្បូងត្រូពិក នៅប៉ូលខាងលិច មានកម្លាំងខ្លាំងជាងសម្ពាធទាប និងព្យុះត្រូពិក ហើយវាមាន ៥កម្រិតដើម្បីបែងចែកកម្លាំងខ្យល់។ កម្រិតដែលខ្ពស់ជាងគេ គឺកម្រិត ៥ ដោយមានខ្យល់ល្បឿន ២៥០គីឡូម៉ែត្រ/ម៉ោង។</p>
<p style="text-align: center;"><a class="thickbox" title="" href="/FileManager/Commons/2013/11/12/typhoon-from-space2417596c-12-11-2013--17-07-47.jpg"><img src="/FileManager/Articles/mce/2013/11/12/typhoon-from-space2417596c-12-11-2013--17-07-47.jpg" alt="" /></a></p>
<p><br />ចំនួនព្យុះដែលត្រូវបានចាត់ចូលក្នុងកម្រិត ៤ និងកម្រិត ៥ បានកើនឡើងច្រើនជាងមុនជិតទ្វេដង នៅទូទាំងពិភពលោក ចាប់តាំងពីឆ្នាំ ១៩៧០ រហូតដល់ឆ្នាំ ២០០០ ។ រយៈពេល និងកម្លាំងខ្យល់របស់ព្យុះត្រូពិក ក៏បានកើនឡើង ៥០% ក្នុងរយៈពេល ៥០ឆ្នាំមកនេះ។<br /><br />ព្យុះ Haiyan ដែលបានវាលប្រហារមកលើប្រទេស Phillipines កាលពីថ្ងៃទី ៨វិច្ឆិកា ដោយមានល្បឿនខ្យល់មធ្យម ៣២០គីឡូម៉ែត្រ/ម៉ោង ត្រូវបានចាត់ចូលកម្រិតទី ៥ ហើយត្រូវបានចាត់ជាព្យុះខ្លាំងបំផុតក្នុងឆ្នាំនេះ។<br /><br />នៅប៉ូលខាងជើង ខ្យល់ត្រូវងាកមកខាងស្ដាំ ធ្វើឱ្យព្យុះដែលកើតមាននៅភាគខាងជើងអេក្វាទ័រ វិលបញ្ច្រាសទិសនាឡេកា ប៉ុន្ដែ នៅពេលវាបង្ហាញខ្លួននៅផ្នែកខាងត្បូងនៃអេក្វាទ័រ ព្យុះនឹងវិលទៅតាមដំណើររបស់នាឡេកា។<br /><br /><strong>រដូវព្យុះ</strong></p>
<p>បណ្ដាព្យុះដែលបង្ហាញខ្លួននៅ Atlantic និង Pacific តែងអូសបន្លាយចាប់ពីខែ មិថុនា រហូតដល់ប្រហែលចុងខែវិច្ឆិកា។ ចំណែករដូវព្យុះនៅ Pacific ភាគខាងកើត ចាប់ផ្ដើមពីថ្ងៃទី ១៥ខែឧសភា និងបញ្ចប់នៅថ្ងៃទី ៣០វិច្ឆិកា ជារៀងរាល់ឆ្នាំ។ ចាប់ពីខែវិច្ឆិកា ដល់ខែមេសា ឆ្នាំបន្ទាប់ គឺជារដូវព្យុះនៅ Pacific ភាគខាងត្បូង និងអូស្ដ្រាលី។ ឈូងសមុទ្រ Bengal មានព្យុះពីររដូវកាល ក្នុង មួយឆ្នាំ គឺចាប់ពីខែមេសា ដល់ខែ មិថុនា និងពីខែកញ្ញា ដល់ខែវិច្ឆិកា។ រីឯព្យុះនៅភាគពាយព្យ Pacific គឺហាក់មិនមានរដូវ។</p>
<p style="text-align: center;"><a class="thickbox" title="" href="/FileManager/Commons/2013/11/12/iehjjs6vslm-12-11-2013--17-07-03.jpg"><img src="/FileManager/Articles/mce/2013/11/12/iehjjs6vslm-12-11-2013--17-07-03.jpg" alt="" width="463" height="307" /></a></p>
<p><br /><strong>ការដាក់ឈ្មោះព្យុះ</strong></p>
<p>សម្រាប់បញ្ជីឈ្មោះនៃបណ្ដាព្យុះ ត្រូវបានដាក់ចេញដោយអង្គការឧតុនិយមពិភពលោក (World Meteorological Organization) ហើយឈ្មោះរបស់ព្យុះក៏តែងត្រូវបានដាក់ទៅតាមឈ្មោះដែលគេស្គាល់ច្រើន នៅក្នុងតំបន់។ ឈ្មោះរបស់ព្យុះមួយចំនួន ត្រូវបានដកចេញពីបញ្ជី និងជំនួសមកវិញដោយឈ្មោះថ្មី ក្នុងករណីវាបង្កការខូចខាតច្រើន ដល់ជីវិតមនុស្ស និងទ្រព្យសម្បត្តិ។<br /><br />ប្រទេស Phillipines មានប្រព័ន្ធដាក់ឈ្មោះព្យុះដោយឡែក ដូច្នេះ ព្យុះ Haiyan ក៏ត្រូវបានគេហៅឈ្មោះផ្សេង គឺ Yolanda ។ នៅក្នុងភាសាចិន Haiyan ត្រូវបានគេហៅថា Hai Yen ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/50641/the-terrifying-things-that-happen-before-you-leave-the-womb"><span style="color: #3366ff;">ពេលនៅក្នុងផ្ទៃម្ដាយ អ្នកបានដឹងអ្វីខ្លះ? (មានវីដេអូ)</span></a></span></p>
<p><span style="color: #3366ff;"><a href="/News/Detail/29307/hand-gestures-in-different-cultures"><span style="color: #3366ff;">ប្រើដៃជាសញ្ញា គួរតែប្រុងប្រយ័ត្ន ព្រោះល្អអាចទៅជា អាក្រក់</span></a></span></p>
<p><span style="color: #3366ff;"><a href="/News/Detail/7182/what-your-fingers-say-about-you-"><span style="color: #3366ff;">សណ្ឋានម្រាមដៃ ប្រាប់អំពីបុគ្គលិកលក្ខណៈ របស់មនុស្ស</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Saffir-simpson/ Telegraph/Kh<br /><br /></p>