<p>Jack Ma ប្រឡងធ្លាក់មហាវិទ្យាល័យ ត្រូវសកលវិទ្យាល័យ Harvard បដិសេធ ចំណែកក្រុមអ្នក<br />វិនិយោគ យល់ថា ពាណិជ្ជកម្មលើប្រព័ន្ធអ៊ីនធឺរណែត គឺជាគំនិតឆ្កួតៗ ប៉ុន្ដែស្ថាបនិករបស់ Alibaba<br /> នៅតែមានការតស៊ូព្យាយាមជាមួយគោលគំនិត និងចុក្ខុវិស័យរបស់ខ្លួន។</p>
<p style="text-align: center;"><a class="thickbox" title="" href="/FileManager/Commons/2014/9/7/jack-ma-9929-1409914557-07-09-2014--12-53-14.jpg"><img src="/FileManager/Articles/mce/2014/9/7/jack-ma-9929-1409914557-07-09-2014--12-53-14.jpg" alt="" /></a></p>
<p style="text-align: center;">Jack Ma និងក្រុមសហស្ថានិកដំបូងរបស់ Alibaba ។ រូបថត ៖ Crocodile in Yangtze</p>
<p style="text-align: center;"> </p>
<p>សប្ដាហ៍ក្រោយនេះ ក្រុមហ៊ុនពាណិជ្ជកម្មតាមប្រព័ន្ធអេឡិចត្រូនិចធំបំផុតនៅចិន Alibaba នឹងចូល<br />រួមទីផ្សារមូលបត្រ IPO ដែលត្រូវគេមើលឃើញថា ធំបំផុត ក្នុងប្រវត្តិសាស្ដ្រមូលបត្រអាមេរិក។<br /> ក្រុមអ្នកវិភាគយល់ថា ក្រោយពីបានចូលរួមក្នុងទីផ្សារមូលបត្រ តម្លៃរបស់ក្រុមហ៊ុននេះ អាចឡើង<br />ដល់ ២០០លានដុល្លារអាមេរិក គឺច្រើនជាង ៤ដង ធៀបនឹងទុនរបស់មហាសេដ្ឋីផលិតអាវុធ Lock<br />heed Martin ។</p>
<p>ផ្លូវឆ្ពោះពីគ្រូបង្រៀបភាសាអង់គ្លេស ទៅតំណែងមហាសេដ្ឋីបច្ចេកវិទ្យារបស់ Jack Ma បានចាប់<br />ផ្ដើមតាំងពីឆ្នាំ ១៩៩៥។ លើកដំបូងនៃការប្រើអ៊ីនធឺរណែត លោក Jack Ma បានស្វែងរកពាក្យ<br /> “ស្រាបៀរ” និង “ប្រទេសចិន”។ ប៉ុន្ដែ អ្វីដែល Jack Ma បានឃើញ គឺសុទ្ធតែព័ត៌មានទាក់ទិននឹង<br />ស្រាបៀរអាមេរិក និងស្រាបៀរអាល្លឺម៉ង់ ចំណែកចិន គឺពុំឃើញសោះ នៅលើអ៊ីនធឺរណែត។</p>
<p>ដោយបានឃើញឱកាសល្អ លោក រួមនឹងមិត្តភ័ក្ដិម្នាក់ បានបង្កើតគេហទំព័រមួយ ផ្ដល់សេវាកម្ម<br />បកប្រែភាសាចិន។ ប៉ុន្មានម៉ោង ក្រោយពីដំណើរការដំបូង លោក Jack Ma ទទួលបានការស្នើ<br />ពីគ្រប់ទិសទី មកពីជុំវិញពិភពលោក។ ពេលនោះ Jack Ma យល់ថា អ៊ីនធឺរណែត នឹងប្ដូរផ្លាស់<br />ពិភពលោក និងប្រទេសចិន។</p>
<p>មកដល់ឆ្នាំ ១៩៩៩ លោក Jack Ma បានអញ្ជើញមិត្តភ័ក្ដិចំនួន ១៧នាក់ ឱ្យមកផ្ទះរបស់ខ្លួន។ <br />ពួកគេរួមគ្នា ពិភាក្សាអំពីក្រុមហ៊ុនថ្មី នោះគឺគេហទំព័រតភ្ជាប់បណ្ដាក្រុមហ៊ុននាំចេញ ជាមួយនឹង<br />អតិថិជនបរទេស។ ក្រោយមក Alibaba ក៏បានកើតឡើង ហើយក្រុមហ៊ុននេះ ក៏រីកចម្រើនយ៉ាង<br />ឆាប់រហ័ស និងក្លាយជាក្រុមហ៊ុនពាណិជ្ជកម្មអេឡិចត្រូវនិចនាំមុខគេ នៅប្រទេសចិន នាបច្ចុប្បន្ន។</p>
<p>លោក Jack Ma មានមោទនភាពជាខ្លាំង ចំពោះដំណើរឆ្ពោះចេញពីបាតដៃទទេររបស់។ នៅពេល<br />បង្កើត Alibaba លោក Jack Ma មិនត្រឹមតែគ្មានប្រាក់ប៉ុណ្ណោះទេ ប៉ុន្ដែ ចំណេះដឹងផ្នែកបច្ចេកវិទ្យា <br />ក៏លោកមិនមាន រីឯការគ្រប់គ្រង ក៏យោងទៅតាមអារម្មណ៍ផ្ទាល់ខ្លួន។</p>
<p>យ៉ាងនេះក្ដី លោក Jack Ma ក៏មានចំនុចទាក់ទាញយ៉ាងខ្លាំងមួយ។ ក្រុមអតីតអ្នកដឹកនាំរបស់ <br />Alibaba សុទ្ធតែអះអាងថា លោក Jack Ma គឺជាមនុស្សដែលអាចលើកទឹកចិត្ត និងភាពជឿជាក់<br />ដល់អ្នកដទៃ បានយ៉ាងងាយ។ ចំណែកសមត្ថភាពផ្នែកភាសាបរទេស ក៏ជួយឱ្យលោក ទទួល<br />បានជោគជ័យច្រើន ក្នុងការងារ។</p>
<p>អតីតទីប្រឹក្សានៅ Alibaba លោក Duncan Clark បានឱ្យ CNN ដឹងថា ៖ “លោក Jack Ma ជា<br />មនុស្ស រាក់ទាក់ ហើយអាចនិយាយរឿងសប្បាយៗ ទាំងជាភាសាចិន និងជាភាសាអង់គ្លេស។ <br />លោក Jack Ma សម្របខ្លួនបានយ៉ាងឆាប់រហ័ស នៅចំពោះមុខទស្សនិកជន ហើយធ្វើឱ្យអ្នក<br />រាល់គ្នាក្នុងបន្ទប់ មានអារម្មណ៍ថា លោក កំពុងនិយាយជាមួយមនុស្សម្នាក់”។</p>
<p style="text-align: center;"><a class="thickbox" title="" href="/FileManager/Commons/2014/9/7/jack-ma-2-3631-1409914557-07-09-2014--12-54-44.jpg"><img src="/FileManager/Articles/mce/2014/9/7/jack-ma-2-3631-1409914557-07-09-2014--12-54-44.jpg" alt="" /></a><br />Jack Ma ល្បីខាងមានភាពជឿជាក់ខ្ពស់ ៖ រូបថត Bloomberg</p>
<p style="text-align: center;"> </p>
<p>Porter Erisman ដែលជាអតីតអ្នកដឹកនាំម្នាក់ របស់ Alibaba ឱ្យដឹងថា ៖ “លោក Jack Ma យក<br />ចិត្តទុកដាក់ទៅលើភាពក្លៀវក្លា និងភាពស្មោះត្រង់របស់បុគ្គលិក ជាជាងប្រវត្តិរូបសង្ខេប។ ចូរ<br />មើលទៅលើក្រុមអ្នកដឹកនាំរបស់ Alibaba ពួកគេភាគច្រើន មិនមានបទពិសោធខាងពាណិជ្ជកម្ម<br /> មុនពេលចូលធ្វើការឱ្យក្រុមហ៊ុននេះ”។</p>
<p>Jack Ma បានថ្លែងនៅក្នុងកិច្ចប្រជុំមួយ ជាមួយក្រុមសហស្ថានិករបស់ខ្លួន កាលពីឆ្នាំ ១៩៩៩ថា<br /> ៖ “ភាពឆ្លាតវៃរបស់ជនជាតិចិន ក៏មិនអន់ប៉ុន្មានដែរ។ នេះគឺជាមូលហេតុដែលយើងហ៊ានប្រឈម<br />មុខជាមួយនឹងក្រុមហ៊ុនអាមេរិក។ យើងអាចយកឈ្នះលើបណ្ដាក្រុមហ៊ុនធំៗ ដោយសារតែស្មា<br />រតីតែងតែប្ដូរថ្មីជានិច្ច”។</p>
<p>ប្រការខាងលើ បានជួយឱ្យ Alibaba ហ៊ានប្រជែងជាមួយ eBay នៅពេលដែលក្រុមហ៊ុននេះ បាន<br />គ្រប់គ្រងទីផ្សារ C2C (អ្នកប្រើប្រាស់ លក់ឱ្យអ្នកប្រើប្រាស់) ចិន ក្នុងឆ្នាំ ២០០៣។ ដើម្បីដណ្ដើម<br />បាននូវចំណែកទីផ្សារ លោក Jack Ma បានបើកកិច្ចប្រជុំមួយ នៅក្នុងផ្ទះរបស់ខ្លួន និងត្រៀម<br />គម្រោងធំៗ ដើម្បីអនុវត្តបន្ត។ លោក Jack Ma ថ្លែងថា ៖ “eBay គឺជាត្រីឆ្លាមនៅមហាសមុទ្រ <br />ចំណែកយើង គឺជាក្រពើក្នុងទន្លេ យ៉ាងហ្សេ (Yangtze River/ ទន្លេវែងបំផុតនៅចិន និងវែងបំផុត<br />ទីបី ក្នុងលោក)។ ប្រសិនបើ ប្រយុទ្ធគ្នានៅមហាសមុទ្រ យើងនឹងចាញ់ ប៉ុន្ដែ បើប្រយុទ្ធក្នុងទន្លេ<br /> យើងនឹងឈ្នះ”។</p>
<p>ក្រោយកិច្ចប្រជុំនេះ ក្រុមរបស់លោក Jack Ma ក៏បានបង្កើត Taobao ដែលមានន័យថា “ស្វែងរក<br />កំណប់”។ បណ្ដាញនេះ គឺប្រហាក់ប្រហែលទៅនឹង eBay ប៉ុន្ដែ វាត្រូវបានរចនាឱ្យសមស្របទៅ<br />នឹងទីផ្សារក្នុងស្រុក និងមិនគិតប្រាក់ពីអ្នកប្រើប្រាស់។</p>
<p>Erisman ថ្លែងថា ៖ “ក្នុងក្រសែផ្នែករបស់ eBay លោក Jack Ma ប្រៀបបានទៅនឹងមនុស្សល្ងង់<br />ម្នាក់។ ចំណែកការយល់ឃើញរបស់អ្នកវិនិយោគនៅ Wall Street លោក Jack Ma គឺជាមនុស្ស<br />ប្រថុយប្រថាន យកទាំង Alibaba មកប្រយុទ្ធជាមួយ eBay ។ ប្រការដែលគួរភ័យខ្លាចជាងគួ<br />ប្រជែងឆ្លាតវៃ នោះគឺ គូប្រជែងដែលមានការប្រថុយ រហូតដល់ហ៊ានចំណាយប្រាក់ទាំងអស់ <br />ដោយមិនសង្ឃឹមថាបានចំណេញមកវិញ”។</p>
<p style="text-align: center;"><a class="thickbox" title="" href="/FileManager/Commons/2014/9/7/jackmadggg-07-09-2014--13-31-30.jpg"><img src="/FileManager/Articles/mce/2014/9/7/jackmadggg-07-09-2014--13-31-30.jpg" alt="" /></a></p>
<p style="text-align: center;">លោក Jack Ma ក៏ជាអ្នកគុននិយមម្នាក់ និងធ្លាប់បង្ហាញស្នាដៃរបស់ខ្លួន ជាមួយនឹង Jet Li</p>
<p style="text-align: center;"> </p>
<p>ប៉ុន្ដែ យុទ្ធនេះបានជួយឱ្យ លោក Jack Ma ទទួលបានជោគជ័យ។ ឆ្នាំ ២០០៥ Taobao ដណ្ដើម<br />បានចំណែកទីផ្សារ ចំនួន ៧០% នៅក្នុងទីផ្សារលក់រាយលើអ៊ីនធឺរណែត ក្នុងប្រទេសចិន។ ក្នុងឆ្នាំ<br />ដដែល Alibaba ទទួលបានការវិនិយោគពី Yahoo ចំនួន ១ពាន់លានដុល្លារអាមេរិក ដើម្បីកាន់<br />កាប់ភាគហ៊ុន ៤០%។ មកដល់ឆ្នាំ ឆ្នាំ ២០០៦ eBay ប្រកាស ដកថយពីទីផ្សារចិន។</p>
<p>បច្ចុប្បន្ន Alibaba បានក្លាយជាក្រុមហ៊ុនអន្ដរជាតិមួយ ដោយមានបុគ្គលិក ២២.០០០នាក់ និង<br />ការិយាល័យចំនួន ៩០កន្លែង ក្នុងពិភពលោក។ គេហទំព័រល្បីបំផុតរបស់ Alibaba គឺ Taobao និង<br /> Tmall ដែលរកបាន ៨០% នៃប្រាក់ចំណូលបានមកពីការលក់រាយលើបណ្ដាញអ៊ីនធឺរណែត ក្នុង<br />ប្រទេសចិន។ ជារៀងរាល់ថ្ងៃ គេហទំព័រ Taobao និង Tmall ទទួលបានអ្នកចូលមើល ចំនួន ១០០<br />លានលើក។</p>
<p>Alibaba ក៏មានសេវាកម្មទូទាត់ប្រាក់អេឡិចត្រូនិច មូលនិធិវិនិយោគ អាជីវកម្មកុំព្យូទ័រពពក (cloud<br /> computing business) និងសេវាកម្មមួយចំនួនផ្សេងទៀត សម្រាប់ទូរស័ព្ទចល័ត។ Alibaba ថែម<br />ទាំង ទិញយកបណ្ដាក្រុមហ៊ុនក្នុងវិស័យកំសាន្ដ កីឡា ប្រព័ន្ធផ្សព្វផ្សាយ និងមានក្រុមបាល់ទាត់ធំ<br />មួយផងដែរ។</p>
<p>ពីតំណែងនាយកប្រតិបត្តិ លោក Jack Ma បានក្លាយប្រធានក្រុមហ៊ុន ចាប់ពីឆ្នាំ ២០១៣ ហើយ <br />លោកក៏បានចាប់ផ្ដើមបេសកកម្មមនុស្សធម៌។ ប៉ុន្ដែ លោក នៅតែជាប្រធានអ្នកបង្កើតយុទ្ធសាស្ដ្រ<br />នៅ Alibaba និងជាមុខមាត់របស់ក្រុមហ៊ុន នៅចំពោះមុខសាធារណជន។</p>
<p>ក្នុងបណ្ដាព្រឹត្តិការណ៍ធំៗប្រចាំឆ្នាំ របស់ Alibaba គឺ Alifest (សិក្ខាសាលា ស្ដីអំពីពាណិជ្ជកម្មអេឡិច<br /> ត្រូនិច ប៉ុន្ដែ វាត្រូវបានគេប្រារព្ធឡើង មិនខុសអ្វីទៅនឹងពិធីប្រគុំតន្រ្ដី)។ អតីតប្រធានាធិបតីអាមេរិក<br /> លោក Bill Clinton និងកំពូលកីឡាករបាល់បោះអាមេរិក Kobe Bryant ក៏ធ្លាប់បានអញ្ជើញចូលរួម<br />ក្នុងព្រឹត្តិការណ៍នេះ។</p>
<p style="text-align: center;"><a class="thickbox" title="" href="/FileManager/Commons/2014/9/7/alibabaipojpdfafjpgads-07-09-2014--13-11-28.JPG"><img src="/FileManager/Articles/mce/2014/9/7/alibabaipojpdfafjpgads-07-09-2014--13-11-28.JPG" alt="" /></a></p>
<p style="text-align: center;">ការិយ៉ាល័យកណ្ដាលរបស់ Alibaba</p>
<p style="text-align: center;"> </p>
<p>លោក Jack Ma ក៏ធ្លាប់បានចូលរួមសម្ដែង ក្នុងកម្មវិធីសិល្បៈ ក្នុងព្រឹត្តិការណ៍ Alifest ហើយគាត់<br />បានធ្វើឱ្យភ្ញៀវកិត្តិយស មានការសប្បាយរីករាយយ៉ាខ្លាំង។ លោក Jack Ma ធ្លាប់បាននិយាយថា <br />លោកមិននឹកស្មានថា ខ្លួនមានឱកាសបានឡើងសម្ដែងនៅលើឆាក ហើយក៏មិននឹកដល់ថា Alibaba<br /> បានរីកចម្រើនដូចសព្វថ្ងៃ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ CNN/Bloomberg<br /><br /></p>