<p><span style="color: #000000;">ព័ត៌មានអន្តរជាតិ ៖ តំបន់ទេសចរណ៍ ទទួលបានការពេញនិយមខ្លាំង នៅក្នុងទីក្រុង ស៊ីដនី ប្រទេស អូស្រ្តាលីនោះ អាចនឹងបាក់រលំគ្រប់ពេលវេលា ដោយមិនផ្តល់ដំណឹងអោយ ដឹង មុននោះទេ នេះបើ តាមការគូសបញ្ជាក់អោយដឹង ពីអាជ្ញាធរ ក្នុងស្រុក ។ </span></p>
<p><span style="color: #000000;"><a class="thickbox" title="" href="/FileManager/Commons/2015/6/24/60-24-06-2015--13-53-16.jpg"><img src="/FileManager/Articles/mce/2015/6/24/60-24-06-2015--13-53-16.jpg" alt="" /></a><br /></span></p>
<p><span style="color: #000000;">Wedding Cake Rock គឺជាតំបន់ទេសចរណ៍ ដែលទទួលបាន ការ ចាប់ អារម្មណ៍ជាខ្លាំង ពីសំណាក់ ភ្ញៀវទេសចរមកពីគ្រប់ទិសទី ខណៈពេលថ្មីៗនេះ ត្រូវបានបិទទ្វារដោយពុំអនុញ្ញាតអោយសាធារណ ជនចូល កំសាន្ត បានដូចសព្វ មួយដងនោះឡើយ ។ គួរ បញ្ជាក់ថា កាលពីឆ្នាំកន្លងទៅនេះ និស្សិត សាកលវិទ្យាល័យមួយរូបបានធ្លាក់ស្លាប់បាត់បង់ជីវិតពីតំបន់ទេសចរណ៍ដ៏ពេញនិយមមួយនេះដែល មានច្រាំងថ្មជាទីចាប់អារម្មណ៍ ក្នុងនោះ ប្រជុំរូបភាពគ្រោះអកុសល ត្រូវបានគេចែករំលែកទទួលបាន ប្រជាប្រិយជាខ្លាំង នៅតាមបណ្តាញសង្គម ។ </span></p>
<p><span style="color: #000000;"><a class="thickbox" title="" href="/FileManager/Commons/2015/6/24/61-24-06-2015--13-53-24.jpg"><img src="/FileManager/Articles/mce/2015/6/24/61-24-06-2015--13-53-24.jpg" alt="" /></a><br /></span></p>
<p><span style="color: #000000;">អាជ្ញាធរក្នុងស្រុក លើកឡើងអោយដឹងថា ក្រោយ ការ វាយតម្លៃផ្លូវការ មានការភ័យខ្លាច ថាជ្រាំងថ្ម តំបន់ទេសចរណ៍មួយនេះ អាចនឹងបាក់រលំគ្រប់ពេលទាំងអស់ ចូលទៅក្នុងទឹកសមុទ្រ ខណៈប្រការ នេះអាចនាំមកនូវហានិភ័យ ឈានដល់ការស្លាប់បាត់បង់អាយុ ជីវិត របស់ភ្ញៀវទេសចរ។ </span></p>
<p><span style="color: #000000;"><a class="thickbox" title="" href="/FileManager/Commons/2015/6/24/62-24-06-2015--13-53-35.jpg"><img src="/FileManager/Articles/mce/2015/6/24/62-24-06-2015--13-53-35.jpg" alt="" /></a><br /></span></p>
<p><span style="color: #000000;">លោក Gary Dunnett អ្នកនាំពាក្យអោយ ឧទ្យាន ជាតិ NSW National Parks and Wildlife Service អោយដឹងថា តំបន់ទេសចរណ៍មួយនេះ ដែល មាន ទីតាំងនៅក្នុង សួនឧទ្យានជាតិ Royal National Park មានរយៈចម្ងាយ ១៨ គ.ម ពីភាគខាងត្បូង ទីក្រុង ស៊ីដនី នោះ បានបិទទ្វារ ២ ទៅ ៣ សប្តាហ៍ រួចមកហើយ ដើម្បីធានាដល់សុខសុវត្ថិភាពសាធារណជន ។ ក្រោយ ការវាយតម្លៃ តាមបទដ្ឋាន និង បច្ចេកទេស បញ្ជាក់អោយដឹងថា ច្រាំងថ្ម ជាទីពេញនិយម មួយនេះ អាចនឹងបាក់រលំ គ្រប់ពេលទាំង អស់ក្នុងរយៈពេល ១០ ឆ្នាំខាងមុខនេះ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>