<p><span style="color: #000000;">“សន្សំប្រាក់? តើបានប្រាក់មកពីណាសន្សំ បើចាយមួយខែៗមិនទាំងគ្រប់ផង?” នេះជាពាក្យដែលលេចឡើងភ្លាមៗ ក្នុងចិត្តរបស់មនុស្សទូទៅ កាលណាគេនិយាយពីរឿងសន្សំប្រាក់។ ប្រសិនបើយើងទុកពាក្យនេះក្នុងចិត្តនោះ យើងប្រាកដជាមិនអាចសន្សំ ប្រាក់បានជាដាច់ខាត។ សុភាសិតខ្មែរមួយពោលថា “ទូកធំ ក្តោងធំ” មាន ន័យថាចំណូលច្រើន ចំណាយក៏ច្រើនទៅតាមហ្នឹងដែរ។ ដូច្នេះទោះជាយើងរកប្រាក់បានប៉ុណ្ណាក៏មិនសល់ដែរ ព្រោះយើងនឹងចំណាយកាន់តែច្រើនឡើង ទៅតាមខ្ទង់ចំណូល។</span></p>
<p><span style="color: #000000;">ចូរធ្វើបញ្ជីចំណាយប្រចាំថ្ងៃ រួចបូកសរុប និងពិនិត្យជារៀងរាល់សប្តាហ៍ ហើយចោទសួរខ្លួនឯង ថាតើចំណាយអ្វីខ្លះ ដែលចាំបាច់ខានមិនបាន និងតើចំណាយអ្វីខ្លះដែលអាចកាត់ចោលបាន។ ចំណាយណាដែលកាត់បាន យើងដកប្រាក់ដែលធ្លាប់ ចំណាយនោះមកសន្សំវិញ។ តើអ្នកបរិភោគអាហារ ក្រៅផ្ទះញឹកញាប់ទេ? តើអ្នកអាចកាត់ចំណាយប្រចាំថ្ងៃ មួយចំនួនចេញបានទេ (ដូចជា កាហ្វេ សុរា បារី ។ល។) ? តើសេវាកម្មអ្វីខ្លះ ដែលអ្នកមិនត្រូវការចំាបាច់ (ទូរទស្សន៍ខ្សែកាប) ?</span></p>
<p><span style="color: #000000;">ចូរផ្ទេប្រាក់ខែជាស្វ័យប្រវត្តិមួយចំណែកចូលក្នុងគណនីសន្សំ។ ចូរចងចាំថា ធម្មជាតិជាមនុស្សមានប្រាក់ក្នុងដៃ កាន់តែច្រើនកាន់ តែចង់ចំណាយ។ ដូច្នេះបើប្រាក់ជាប់ក្នុងគណនីសន្សំ ពិបាកដកចេញ ឬមិនអាចដកចេញ ក៏មិនងាយនឹងចំណាយផ្តេសផ្តាសដែរ។</span></p>
<p><span style="color: #000000;">ប្រសិនបើអ្នក ឡើងប្រាក់ខែ ឬទទួលបានប្រាក់រង្វាន់ ចូរយកប្រាក់ដែលទទួលបាននោះដាក់ក្នុងគណនីសន្សំ ព្រោះកន្លងមកអ្នកប្រើតែប្រាក់ខែចាស់ ក៏អាចទូទាត់ចំណាយជីវភាព គ្រប់គ្រាន់ទៅហើយ។</span></p>
<p><span style="color: #000000;">គ្រប់សាច់ប្រាក់បន្ថែមដែលអ្នកទទួលបានពីប្រភពផ្សេង ដោយការធ្វើសេវាកម្មរបស់អ្នក ឬដោយសារមូលហេតុណាមួយ ចូរដាក់ចូលក្នុងគណនីសន្សំទាំងអស់ ឬមួយចំណែកណានោះ។</span></p>
<p><span style="color: #000000;">ប្រាក់ដែលធ្លាប់សងបំណុលគេជារៀងរាល់ខែ លុះសងដាច់ហើយ ចូរដាក់ប្រាក់នេះចូលទៅក្នុងគណនីសន្សំ។</span></p>
<p><span style="color: #000000;">ខាងក្រោមនេះជាគន្លឹះមួយចំនួន ដែលអ្នកអាចអនុវត្តបាន ដើម្បីសន្សំសំចៃបន្ថែមទៀត៖</span></p>
<p><span style="color: #000000;">– ចូរបិទអំពូលភ្លើង ប្រសិនបើអ្នកមើលទូរទស្សន៍ ដើម្បីសន្សំសំចៃភ្លើង។ កុំបើកភ្លើងចោល។ បន្ទប់ណាដែលយើងមិនប្រើ ឬចេញក្រៅបន្ទប់ ចូរបិទភ្លើង (សូម្បីតែបន្ទប់ទឹក)។</span></p>
<p><span style="color: #000000;">– ចូរជ្រើសរើសប្រភេទអំពូលភ្លើង ដែលស៊ីភ្លើងតិច។</span></p>
<p><span style="color: #000000;">– កាត់បន្ថយចំណាយលើថ្លៃទូរស័ព្ទ ចូរប្រើតែសេវាកម្មណាដែលចាំបាច់បានហើយ។</span></p>
<p><span style="color: #000000;">– ប្រើចាន កែវ ក្រណាត់ ជាជាងផ្លាស្ទិច ព្រោះរបស់ទាំងនេះអាចលាងសំអាត និងយកមកប្រើម្តងទៀតបាន តែផ្លាស្ទិចត្រូវទិញថ្មីជាប្រចាំ។</span></p>
<p><span style="color: #000000;">– បិទទ្វាបង្អួច បាំងកុំឲ្យពន្លឺចាំងចូលក្នុងផ្ទះ ព្រោះវាធ្វើឲ្យក្តៅ ហើយម៉ាស៊ីនត្រជាក់ខំដើរកាន់តែខ្លាំង ស៊ីភ្លើងអស់កាន់តែច្រើន។</span></p>
<p><span style="color: #000000;">– ដាំដើមឈើផ្តល់ម្លប់ដល់ផ្ទះ ជួយកាត់បន្ថយចំណាយម៉ាស៊ីនត្រជាក់។</span></p>
<p><span style="color: #000000;">– ពេលបើកបរជៀសវាងកន្លែងកកស្ទះដើម្បីកុំឲ្យចំណាយសាំងច្រើន។</span></p>
<p><span style="color: #000000;">– កុំចូលហាងបាយពេលកំពុងឃ្លានខ្លាំង។</span></p>
<p><span style="color: #000000;">– សិក្សាពីរបៀបគ្រប់គ្រងចំណាយ</span></p>
<p><span style="color: #000000;">ប្រភព៖ salarean.com</span></p>
<p><a class="thickbox" title="" href="/FileManager/Commons/2017/3/6/14g-06-03-2017--15-29-53.jpg"><img src="/FileManager/Articles/mce/2017/3/6/14g-06-03-2017--15-29-53.jpg" alt="" /></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>