CamNews

(ភ្នំពេញ)៖ ក្រោយពីបញ្ចប់កម្មវិធីប្រឡងចម្រៀង លំដាប់ថ្នាក់ពិភពលោក របស់ស្ថានីយទូរទស្សន៍ហង្សមាស «The Voice Cambodia» រដូវកាលទី២ មិនទាន់ទាំងបានមួយសប្ដាហ៍ផង ថ្មីៗនេះ មានបណ្តាសារព័ត៌មានក្នុងស្រុកមួយចំនួន បានដាក់ការចាប់អារម្មណ៍ខ្លាំង ពីដំណឹងនៃការសម្រេចចាកចេញពីផលិតកម្ម ហង្សមាស របស់តារាស្រី អ្នកនាង ពេជ្រ សោភា ដូចដែលនាងធ្លាប់ប្រកាសកន្លងមកថា ឲ្យតែបំពេញភារកិច្ចជាគ្រូបង្វឹក ក្នុងកម្មវិធី «The Voice» រដូវកាលទី២ ចប់ពេលណា នាងនឹងត្រូវដើរចេញពីហង្សមាស។ ថ្វីត្បិតតែមានការលើកឡើងដូច្នោះ រហូតមកទល់ពេលនេះ ពោលគឺបន្ទាប់ពីកម្មវិធី «The Voice Cambodia» រដូវកាលទី២បានបញ្ចប់ទៅ រយៈពេល២ថ្ងៃរួចមកហើយ ពុំទាន់មានប្រភពជាក់លាក់ណាមួយ បញ្ជាក់ច្បាស់នៅឡើយទេថា តើតារាស្រីអ្នកនាង ពេជ្រ សោភា ពិតជាដើរចេញពីហង្សមាស ឬមួយយ៉ាងណា ខណៈទស្សនិកជនជាច្រើន កំពុងតែទន្ទឹងរង់ចាំអ៊ុតមើលចម្លើយពិត ដូចគ្នា។ ឆ្លើយតបទៅនឹងសំណួរ លើកឡើងខាងលើនេះ នៅរសៀលថ្ងៃទី២១ ខែមិថុនា ឆ្នាំ២០១៦នេះ តារាចម្រៀងស្រី និងជាគ្រូបង្ហាត់ក្នុងកម្មវិធី «The Voice Cambodia» រដូវកាលទី២ កញ្ញា ពេជ្រ សោភា បានថ្លែងប្រាប់ Khmertalking តាមទូរស័ព្ទថា «ដូចដែលខ្ញុំបានសរសេរ នៅលើហ្វេសប៊ុក កាលពីថ្មីៗនេះថា ការងាររបស់ខ្ញុំត្រូវបានបញ្ចប់ហើយ។ ប៉ុន្តែមិនមែនមានន័យថា ខ្ញុំឈប់ពីហង្សមាសទេ ប្រសិនជាឈប់ គឺខ្ញុំឈប់ពីសិល្បៈតែម្តង!»។ តារាចម្រៀងស្រីដែលតែងទទួល បានការគាំទ្រពីទស្សនិកជនអ្នកនាង ពេជ្រ សោភា បានបញ្ជាក់ថា« ខ្ញុំដូចជាមានអារម្មណ៍ធុញថប់ខ្លាំងណាស់ អំឡុងមួយរយៈពេលចុងក្រោយនេះ។ ម្យ៉ាងបើសិនខ្ញុំឈប់ពីសិល្បៈមែននោះ គឺចង់ទៅកន្លែងដែលឆ្ងាយ និងមានភាពស្ងប់ស្ងាត់ តែបញ្ហាដែលសំខាន់ ពេលនេះខ្ញុំមិនទាន់គិតអ្វីច្រើនទេ គ្រាន់តែចង់ប្រាប់ថា ចាប់ពីខែ៨ (សីហា) រហូតដល់បំណាច់ឆ្នាំ២០១៦នេះ ប្រសិនជាបាត់មុខខ្ញុំ មិនឃើញឡើងច្រៀងលើឆាកតន្រ្តីនានានោះទេ គឺបានន័យថា ខ្ញុំឈប់ពីសិល្បៈតែម្តង!»។ នៅពេលសួរថា បើសិនត្រូវឈប់ពីសិល្បៈដូច្នេះមែន តើ ពេជ្រ សោភា អត់សោកស្តាយនូវស្នាដៃ ដែលខ្លួនខំប្រឹងទម្រាំទទួលបានជោគជ័យ ដូចសព្វថ្ងៃនេះទេ ឬយ៉ាងណា ? ឆ្លើយសំណួរនេះ ត្រូវបានអ្នកនាង ពេជ្រ សោភា បញ្ជាក់បន្ថែមថា «ស្តាយនោះគឺខ្ញុំពិតជាស្តាយណាស់ទៅហើយ តែធ្វើម៉េច បើពេលវេលាជាអ្នកបង្ខំខ្ញុំ។ ប៉ុន្តែក៏មិនទាន់ប្រាកដថា ខ្ញុំត្រូវឈប់១០០ភាគរយដែរ តែអត្រានៃការឈប់នោះ គឺមានភាគរយច្រើនជាង នៅបន្តសិល្បៈ !»៕ <img src="https://fbcdn-sphotos-a-a.akamaihd.net/hphotos-ak-xpf1/v/t1.0-9/13394051_1230219630324072_3695924550168841188_n.jpg?oh=d2386db8d6072caefe3447481142e7a4&oe=57D6435D&__gda__=1473296738_66032eeaae8104e960b154c22e333bfe" alt="" width="730" /> <img src="https://fbcdn-sphotos-a-a.akamaihd.net/hphotos-ak-xpt1/v/t1.0-9/13442413_1234775113201857_4200225752334372481_n.jpg?oh=ea723790bcb3624cc91e5a01037fa7d4&oe=57C736BA&__gda__=1473683258_fac7de11eaed714c7e369f5c6c67187d" alt="" width="730" /> <img src="https://fbcdn-sphotos-e-a.akamaihd.net/hphotos-ak-xtf1/v/t1.0-9/13432173_1232614670084568_1934431771240222955_n.jpg?oh=5c20ab6ea29d3dfb4e62677ea2d95dfa&oe=57C673C6&__gda__=1472670062_a970622cb20038a023f7fc2a579cb10c" alt="" width="730" /> <img src="https://scontent-sea1-1.xx.fbcdn.net/v/t1.0-9/13466155_1235452513134117_3776476618401110985_n.jpg?oh=c74ad1b38430f20bac5e5707308be6b8&oe=57CF1D61" alt="" width="730" /> <img src="https://fbcdn-sphotos-g-a.akamaihd.net/hphotos-ak-xtp1/v/t1.0-9/13435509_1234289759917059_1478305023868921367_n.jpg?oh=82506f16a73b989e6940dd1f23154313&oe=57C40F70&__gda__=1473063766_d2a6a87210cb96df0e639970c2386def" alt="" width="730" /> <img src="https://fbcdn-sphotos-e-a.akamaihd.net/hphotos-ak-xfp1/v/t1.0-9/13450238_1233297003349668_7787493080656048041_n.jpg?oh=ba47e97dc24d99d5cdee4c867a4966ef&oe=57D50D32&__gda__=1473552226_aa96d54033e7f7f807edd8db00d061b2" alt="" width="730" /> <img src="https://fbcdn-sphotos-c-a.akamaihd.net/hphotos-ak-xap1/v/t1.0-9/972114_1232614963417872_2771945565907115301_n.jpg?oh=fca90a3f9b695739f96b4e13a884f73a&oe=57D58E1F&__gda__=1473696598_44e43b000d3e260c461fb61c0887c196" alt="" width="730" /> ផ្តល់សិទ្ធិដោយ ៖ ខ្មែរថកឃីង

ពេជ្រ សោភា៖ «បើ​​ខ្ញុំ​ដើរ​​ចេញ​​ពី​​ហង្ស​មាស គឺ​​​អាជីព​សិល្បៈ​​ខ្ញុំ​ ក៏​ត្រូវ​​​បញ្ចប់

ពេជ្រ សោភា៖ «បើខ្ញុំដើរចេញពីហង្សមាស គឺអាជីពសិល្បៈខ្ញុំ ក៏ត្រូវបញ្ចប់