<p>ព័ត៌មានអន្តរជាតិ ៖ក្រុមសកម្មប្រយុទ្ធ នៅតំបន់ហ្គាសា បានអះអាង នៅថ្ងៃព្រហស្បតិ៍ ទី ២១ ខែសីហា នេះថា គ្រាប់បែក ដែលទម្លាក់ដោយយន្តហោះចម្បាំងអ៊ីស្រាអែលមួយ កាល ពី យប់មិញ ទៅលើគេហ ដ្ឋានមួយ ខ្នង នៅ តំបន់ហ្គាសាស្ទ្រីព នោះ បានបណ្តាលឲ្យមេបញ្ជាការយោធា ជាន់ខ្ពស់របស់ពួកគេ ៣រូប បាត់បង់ អាយុជីវិត។</p>
<p><a class="thickbox" title="" href="/FileManager/Commons/2014/8/21/11-21-08-2014--15-16-18.jpg"><img src="/FileManager/Articles/mce/2014/8/21/11-21-08-2014--15-16-18.jpg" alt="" /></a></p>
<p>សារព័ត៌មាន CNN របស់អាម៉េរិក បានចេញផ្សាយ ដោយយោងតាមការអះអាង ពីមន្ត្រីយោធា ហាម៉ាស់ ថា សមាជិក នៃកងពលតូច ៣រូប ក្នុង ចំណោមសមាជិក របស់ក្រុមប្រឹក្សាយោធា ដែលមានចំនួន ១៥ រូប បានស្លាប់ក្នុងការទម្លាក់ គ្រាប់បែកនៅតំបន់ រ៉ាហ្វាហ៍ ភាគខាងត្បូង តំបន់ហ្គាសា កាលពី យប់ថ្ងៃ ពុធ។</p>
<p><a class="thickbox" title="" href="/FileManager/Commons/2014/8/21/10-21-08-2014--15-16-28.jpg"><img src="/FileManager/Articles/mce/2014/8/21/10-21-08-2014--15-16-28.jpg" alt="" /></a></p>
<p>សេចក្តីប្រកាស របស់ក្រុមហាម៉ាស់ នៅថ្ងៃព្រហស្បតិ៍នេះ បានកើតឡើងរយៈពេលមួយថ្ងៃ បន្ទាប់ពីខ្លួន ធ្លាប់បានអះអាងផងដែរថា ការវាយប្រហារ ដោយទ័ពអាកាសអ៊ីស្រាអែល បានសម្លាប់ស្ត្រី និង កូនក្នុង ផ្ទៃអាយុទើបតែ ៧ខែ ដែលនាងជាភរិយា របស់លោក ដេអ៊ីហ្វ ជាមេដឹកនាំសាខាមួយ របស់កងយោធា ហាម៉ាស់ ។ ក្រុមហាម៉ាស់ លើកឡើងទៀតថា តាមពិតទៅ អ៊ីស្រាអែល បានគ្រោងបើកការវាយប្រហារ ដើម្បីសម្លាប់លោក ដេអ៊ីហ្វ តែបែរជាត្រូវប្រពន្ធ ដែលកំពុងមានផ្ទៃពោះ ៧ខែរបស់លោកទៅវិញ ៕</p>
<p><a class="thickbox" title="" href="/FileManager/Commons/2014/8/21/12-21-08-2014--15-16-40.jpg"><img src="/FileManager/Articles/mce/2014/8/21/12-21-08-2014--15-16-40.jpg" alt="" /></a></p>
<p style="text-align: right;">ប្រភព ៖ ប៊ីប៊ីស៊ី ស៊ីអិនអិន ស៊ិនហួរ ដើមអម្ពិល</p>
<p> </p>