<p>Jane Lauder ជនជាតិ Jewish ចៅស្រីរបស់ស្ថានិកក្រុមហ៊ុនគ្រឿងសម្អាង Estee Lauder (អាមេរិក)<br /> ទើបបានក្លាយជាមហាសេដ្ឋីនី ជាមួយនិងទ្រព្យសម្បត្តិ ១,៤ពាន់លានដុល្លារ នៅពេលតម្លៃភាគហ៊ុន<br />របស់ក្រុមហ៊ុន បានកើនឡើងដល់ទៅ ២៣% ក្នុងឆ្នាំនេះ។</p>
<p style="text-align: center;"><a class="thickbox" title="" href="/FileManager/Commons/2013/11/28/screenshot-28-11-2013--14-17-27.jpg"><img src="/FileManager/Articles/mce/2013/11/28/screenshot-28-11-2013--14-17-27.jpg" alt="" width="383" height="520" /></a></p>
<p style="text-align: center;"><em>Jane Lauder ទើបបានក្លាយជាមហាសេដ្ឋីនី ជាមួយនិងទ្រព្យសម្បត្តិ ១,៤ពាន់លានដុល្លារ</em></p>
<p><br />យោងតាមគណកម្មការមូលបត្រអាមេរិក (SEC) បងប្អូនស្រី Aerin និង Jane Lauder ម្នាក់ៗមានជាង<br /> ១៧លានភាគហ៊ុន ក្នុងក្រុមហ៊ុន Estee Lauder ។ ទំព័រ Bloomberg ឱ្យដឹងថា តម្លៃសរុបនៃភាគហ៊ុន<br />ទាំងមូលរបស់ក្រុមហ៊ុន គឺ ប្រហែល ២,៦ពាន់លានដុល្លារ។ Jane Lauder ក៏ក្លាយជាមហាសេដ្ឋីនី<br />ដែលមានអាយុតិចជាងគេបង្អស់(៤០ឆ្នាំ) ប្រចាំអាមេរិក ចាប់ពីខែវិច្ឆិកា ឆ្នាំ២០១៣ ដោយមានទ្រព្យ<br />សម្បត្តិ ប្រមាណ ១,៤ពាន់លានដុល្លារ។</p>
<p style="text-align: center;"><a class="thickbox" title="" href="/FileManager/Commons/2013/11/28/screenshot1-28-11-2013--14-21-08.jpg"><img src="/FileManager/Articles/mce/2013/11/28/screenshot1-28-11-2013--14-21-08.jpg" alt="" /></a></p>
<p><br />David Wu អ្នកវិភាគផ្នែកផលិតផលប្រណីត ប្រចាំក្រុមហ៊ុនប្រឹក្សា Telsey ឱ្យដឹងថា ៖ “ក្រុមហ៊ុន<br /> Estee Lauder កំពុងបន្ដកាន់កាប់ចំណែកទីផ្សារក្នុងវិស័យគ្រឿងសម្អាងនៅទូទាំងពិភពលោក នៅ<br />ពេលដែលក្រុមអ្នកវិនិយោគ វាយតម្លៃខ្ពស់ចំពោះតម្លៃមូលបត្ររបស់ពួកគេ”។ តម្លៃមូលបត្រ Estee<br /> Lauder បានកើនឡើង ២៣% ក្នុងឆ្នាំនេះ។ ចំណែកក្រុមហ៊ុនគ្រឿងសម្អាងផ្សេងៗ ក៏មានកំណើន <br />ក្នុងនោះ Revlon (អាមេរិក) ឡើង ៦៧% , L’Oreal (បារាំង) និង Beiersdorf (អាល្លឺម៉ង់) សុទ្ធតែកើន<br /> ១៩% ។</p>
<p>Estee Lauder បង្កើតក្រុមហ៊ុន កាលពីឆ្នាំ ១៩៤៦ ។ ដំបូងឡើយ លោកស្រីបង្កើតផលិតផលក្រែម<br />ថែរក្សាស្បែក នៅក្នុងផ្ទះ និងលក់ទៅឱ្យមជ្ឈមណ្ឌលថែរក្សាសម្រស់ នៅក្រុង New York ។ មិនយូរ<br />ប៉ុន្មាន Estee Lauder ក្លាយជាក្រុមហ៊ុនមួយដែលមានជោគជ័យធំធេងបំផុតក្នុងពិភពលោក និង<br />បានដាក់លក់មូលបត្រ ក្នុងឆ្នាំ ១៩៩៥។ លោកស្រីបានស្លាប់ កាលពីឆ្នាំ ២០០៤ ក្នុងវ័យ ៩៧ឆ្នាំ។</p>
<p> </p>
<p style="text-align: center;"><a class="thickbox" title="" href="/FileManager/Commons/2013/11/28/ដថដ-28-11-2013--14-19-15.jpg"><img src="/FileManager/Articles/mce/2013/11/28/ដថដ-28-11-2013--14-19-15.jpg" alt="" /></a></p>
<p style="text-align: center;"><em>Aerin (ឆ្វេង) បងស្រីរបស់ Jane Laude ក៏ក្លាយជាមហាសេដ្ឋីនី</em><em> (រូប ៖ Business of</em><br /><em> Fashion)</em></p>
<p><br />បច្ចុប្បន្ន សមាជិករបស់ត្រកូល Lauder នៅតែបន្ដកាន់កាប់សិទ្ធិបោះឆ្នោតរបស់ក្រុមហ៊ុន ដល់ទៅ <br />៨៥% ។ ក្រុមហ៊ុន Estee Lauder រកបានប្រាក់ចំណូល ១០,២ពាន់លានដុល្លារ ក្នុងឆ្នាំ ២០១៣ ដោយ<br />កំពុងរកស៊ីនៅក្នុងប្រទេសចំនួន ១៥០ ជាមួយនិងយីហោជាច្រើន ដូចជា Aveda, Clinique និង Bobbi <br />Brown ។ល។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/47918/creating-a-more-sustainable-way-to-buy-baby-and-kids-clothes-online"><span style="color: #3366ff;">លក់ខោអាវចាស់ៗ តាមគេហទំព័រ ក៏ជាមុខជំនួញធំ</span></a></span></p>
<p><span style="color: #3366ff;"><a href="/News/Detail/14032/french-want-to-relax-chinese-want-to-work"><span style="color: #3366ff;">បារាំងចូលចិត្តសម្រាក ចិនចូលចិត្តធ្វើការ</span></a></span></p>
<p><span style="color: #3366ff;"><a href="/News/Detail/64783/how-kat-cole-went-from-hooters-girl-to-president-of-cinnabon-by-age-32"><span style="color: #3366ff;">ពីនារីរត់តុ ក្លាយជាអគ្គនាយិការក្រុមហ៊ុន ដែលមានចំណូលពាន់លានដុល្លារ</span></a></span></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ CB/ Forbes<br /><br /></p>